Isaías 10:20 - Qheshwa Biblia DC

²⁰ Chaypachaqa Israelpi pisis qhepakojkunaqa, Jacobpa mirayninmanta qhepakoj israelitasqa, manaña paykunata ñak'arichejkunapi atienekonqankuchu, manachayqa Israelitasqa santo kaj cheqa Señorpi sumajta sayanqanku.

DIOSPA QHELQACHISQAN DEUTEROCANONICAL

²⁰ Chaypacha Israelpi pisi qhepakojkunaqa, Jacobpa mirayninmanta puchoj israelitakuna manaña paykunata ñak'arichejpichu atinikonqanku, manachayqa israelitakunaj May Llimphu Kaj Tata Diospi tukuy sonqo atinikonqanku.

DIOSPA QHELQACHISQ

²⁰ Chaypacha Israelpi pisi qhepakojkunaqa, Jacobpa mirayninmanta puchoj israelitakuna manaña paykunata ñak'arichejpichu atinikonqanku, manachayqa israelitakunaj May Llimphu Kaj Tata Diospi tukuy sonqo atinikonqanku.

Isaías 10:20 ပူးပေါင်းရင်းမြစ်များ

Isaías 50:10

Mayqellampis Señorta manchachikojkuna, kamachimpa parlasqasninta uyarejkuna. Pikunachus laqhayajpi purejkuna, Señorpa sutimpi atienekuychej. Diosniykichejpi atikuychej.

Isaías 1:9

Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

2 Crónicas 28:20

Asiriaj reynin Tiglat-Pileser Acazpa contranta jamorqa, payta yanapanantaqa astawan saqerqa llakisqata.

2 Reyes 16:7

Chanta Acazqa Asiriamanta rey Tiglat-pileserman kachasninta kacharqa: Noqaqa kamachiyki, wawaykitaj kani; wicharimuspa libraway ari, Siriamanta reypa makinmanta, Israelmanta reypa makinmantawan. Paykunaqa noqaqa maqawaj jamushanku.

Oseas 14:3

Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

Oseas 5:13

Efraín onqosqa kasqanta rikuspa, Judataj nanachikusqasninta rikukuspa, Efraenqa Asiriaman renqa jatun reypa yanapanta mañakoj, reytaj mana sanoyachiyta atenqachu, nitaj nanasqasnintapi jampiykuyta atenqachu.

Isaías 37:4

Ichapis Señor Diosniyki soldadosta kamachejpa palabrasninta uyarin ari; paytaqa Asiriaj reynin kachamun chaypi Kausaj Diospa contranta sajrata parlanampaj, noqanchejpa contranchejta ima. Ichapis Señor Diosniyki paykunata jasut'inman. Diosniykimanta mañapuwayku ari, kaypi mashkhachus puchunkuraj chaykunapaj.

Isaías 11:11

Chaypacha Señorqa ujtawan atiyninta rikuchillanqataj, maykunapichus ayllusninmanta kajkuna puchorqanku chaykunata kutichimunampaj: Asiriamanta, Egiptomanta, Patrosmanta, Etiopiamanta, Elanmanta, Sinarmanta, Hamatmanta, Mar qocha cantosmantawan.

Isaías 6:13

Sichus chunkamanta ujllapis qhepakunman, chaypis chinkachisqallapuni kanqa. Imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa chay ajllasqay aylloqa.

Esdras 9:14

Chantapis, kamachisqasniykita p'akillaykumampunichu, chay millay ruwayniyoj runakunawan aylluchakuspa? Manachu qanqa contraykuta phiñakuwaj, t'unaykuwaykumantaj mana ujllapis kausayniyoj qhepakunaykukama?

2 Reyes 19:31

Jerusalempi puchojkuna qhepakonqanku. Sión orqopitaj kausajkuna kanqankuraj. Kaytaqa Atiyniyoj Señorpa jatun munaynillan ajinata ruwanqa.

2 Crónicas 14:11

Asaqa Señor Diosninman qhaparikorqa: Señorníy, qampajqa uj rejllamin, kallpayoj kajtapis, pisi kallpayoj kajtapis yanapayqa. Chayrayku yanapariwayku Señor Diosniyku, qampi suyakusqaykurayku, sutiykipitaj kay soldadoswan maqanakoj jamorqayku. Señor, qanmin Diosniykoqa kanki. Mana pipis qanwan churanakuyta atisqanta rikuchiy ari.

Isaías 11:16

Asiriamanta Señorpa puchoj runasnin kutimunampajqa, allin ñan wakichisqa kanqa, imaynachus israelitas Egiptomanta llojsimunankupaj karqa, ajina.

Isaías 46:3

Uyariwaychej Jacobpa miraynin, tukuy israelitasmanta puchojkuna ima. Manaraj naceshajtiykichej noqa qankunataqa apamorqaykichej. Mamaykichej wijsanmantapacha sumaj apaykachasqas karqankichej.

Jeremías 44:14

Puchoj judíos, Egiptoman tiyakoj ripojkunamanta mana ujllapis ayqeyta atenqankuchu Judaman mayta kutipuyta munashaspapis. Jinamanta manapuni tiyakapoj kutiponqankuchu, manachayqa pisislla chay ayqekojkunamanta kutenqanku.

Miqueas 5:3

Señorqa kunan saqerenqa Paypata kajkunata, chay warmi pichus uj qhari wawata nacechikunan kashan chay nacekunankama. Chaypacha tantarikonqanku chay llajtankumanta wijch'usqas kashanku llajta masisnin israelitaswan.

Sofonías 3:13

Israel ayllumanta kausaypi qhepakojkuna imachus mana cheqa kajtaqa mana ruwanqankuchu, nitaj llullata parlanqankuchu, nitaj ch'aukiyaspa parlanqankuchu. Sumajta mikhurikonqanku, nitaj pimanta mancharikuspa samarikonqanku.

2 Crónicas 28:16

Chaypacha rey Acazqa, Asiriaj reyninman kachasninta kacharqa, yanapata mañakuspa.

Jeremías 3:23

Cheqamanta mana imapaj allinchu karqa orqo puntasman wicharisqaykoqa, nitaj chay orqospi qhaparqachasqaykupis. Señor Diosnillaykupimin Israelqa salvacionta tarin.