Isaías 10:2 - Qheshwa Biblia DC

² Chaywan wajchasta justiciamanta t'aqankichej, llakisqaspa imachus paykunapaj kajta qhechunaykichejpaj. Viudasmantapis qhechunaykichejpaj. Wajcha wawasmantapis.

DIOSPA QHELQACHISQAN DEUTEROCANONICAL

² Chaywan wajchakunapaj mana justiciata ruwankichejchu, jark'ankichejtaj ñak'arichisqa kajkunapaj cheqan justicia kananta. Warmisapakunamantapis chay kamachisqakunawan tukuy kapuyninkuta suwankichej, wajcha wawamantapis suwallankichejtaj.

DIOSPA QHELQACHISQ

² Chaywan wajchakunapaj mana justiciata ruwankichejchu, jark'ankichejtaj ñak'arichisqa kajkunapaj cheqan justicia kananta. Warmisapakunamantapis chay kamachisqakunawan tukuy kapuyninkuta suwankichej, wajcha wawamantapis suwallankichejtaj.

Isaías 10:2 ပူးပေါင်းရင်းမြစ်များ

Job 31:16

Mana mayk'ajpis noqaqa qonqapunichu pisichikoj wajcha runasta khuyayta, nitaj qhawallajchu kani viudas yarqhaymanta wañunankuta.

Salmos 94:6

Viudasta, waj llajtayojkunatawan wañuchinku, mana tatayoj, mana mamayojkunantinta wañuchinku.

Éxodo 23:6

Imachus cheqan kajtaqa, wajcha runa imaynachus kasqantaqa ama q'ewichinkichu qhasi mana kajmanta.

Proverbios 22:22

Ama wajchamantaqa qhechuychu wajchu kasqanraykoqa, juezkunaj ñaupaqempipis amaña k'umuykachachiychu.

Proverbios 30:14

Wakimpa kirusninkoqa espada jina, aqo kirusmantataj cuchillos. Ajinamanta may llajtapichus kanku chaypi, wajcha runasta tukuchinankupaj.

Isaías 1:17

Yachaychej allin kajta ruwayta, kallpachakuychej cheqan kajta ruwayta, yanapaychej sarusqa kajta. Wajcha wawapaj cheqanta ruwaychej, viudaman kutikuychej.

Isaías 1:23

Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

Isaías 29:21

Sajra palabraswan mana juchayojta juchachajkuna, allinta cheqanchajpajpis misk'anata churajkuna; mana juchayojta imaymana llulleriosninkuwan ch'aukiyajkuna ima.

Isaías 3:14

Señorqa ayllumpa kurajkunasnimpa contrampi cheqanchaj jamonqa, ayllunta kamachejkunaj contrampiwan. Qankunaqa uvas sach'asta chinkachinkichej, wajchasmanta suwasqaykichejtataj wasisniykichejpi jallch'ankichej.

Isaías 3:15

Ima nispataj qankunaqa aylluyta munasqaykichejta ruwankichejrí, ima nispataj wajchastapis uyankupi sarunkichejri?, nispa nin Tukuy Atiyniyoj Señorqa.

Isaías 32:6

Wampu runaqa sonserasllata parlan, yuyaynimpi sajra imasta wakichin; mana allinta ruwayllata mask'an. Señorpa contranta llullasllata parlan; yarqhasqa kajtaqa mana imayojta ch'usajllata kacharpayan, ch'akichikojmampis mana yakuta jaywarinchu.

Isaías 5:23

Qankunaqa lluk'inas kajtin juchayojta mana juchayojman tukuchinkichej, mana juchayojtataj juchachankichej.

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Isaías 59:15

Cheqan kayqa pachampi sayachisqa, sajra kajmanta t'aqakojrí, wisq'asqa kashan. Chayta rikuspa Señorqa mana allintachu qhawan, cheqanta ruwajqa mana pipis karqachu.

Ezequiel 22:7

Kay llajtapeqa, tatasninkuta, mamasninkutapis mana kasuta ruwankuchu. Waj llajtamanta jamoj runasta ñak'arichinku. Wajcha wawasmanta, viuda warmismantataj lluch'unku.

Amós 2:6

Ajinata nin Señorqa: Israelitasqa ashkha sajra imasta ruwaspa juchallikunku; chayrayku paykunata jasut'isajpuni, paykunaqa mana juchayoj qolqerayku vendenku; wajcha runastataj ujut'asrayku vendenku.

Amós 2:7

Wajchasta ñak'arichinku, k'umuykachachinkutaj, manataj imatapis cheqanta ruwayta munankuchu pisi yachayniyoj runaspaj. Tatantaj wawantaj uj warmillawan puñuykunku. Ajinamanta llimphu sutiyta ch'ichichanku.

Amós 5:19

Chay p'unchayqa kanqa, imaynachus uj runa leonmanta ayqekushaspa, jukumariwanñataj tinkuykun, chayri wasinman yaykun, perqamantaj arrimaykukojtin katariñataj khanirparinan, jina kanqa.

Miqueas 3:1

Kunan uyariychej Israelpa kamachejkunasnin jinataj kurajkunasnin: Manachu qankuna yachanaykichej kashan imachus cheqan kaj chayta?

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [