Isaías 10:18 - Qheshwa Biblia DC

¹⁸ Chay tukuy k'acha montesninta, chay sumaj huertasnintawan, tukuyninta ruphaykonqa, uj onqosqa mana kallpayoj runata jina saqerparenqa.

DIOSPA QHELQACHISQAN DEUTEROCANONICAL

¹⁸ Tata Dios runaykachaj Asiriata chinkachenqa, imaynatachus nina tukuy sumaj sach'arara jallp'ata, sumaj jallp'atawan ruphaykuspa chinkachin, ajinata. Uj onqosqa mana kallpayoj runata jina saqerparenqa.

DIOSPA QHELQACHISQ

¹⁸ Tata Dios runaykachaj Asiriata chinkachenqa, imaynatachus nina tukuy sumaj sach'arara jallp'ata, sumaj jallp'atawan ruphaykuspa chinkachin, ajinata. Uj onqosqa mana kallpayoj runata jina saqerparenqa.

Isaías 10:18 ပူးပေါင်းရင်းမြစ်များ

2 Reyes 19:23

Qampa kachasniykinejta Señormanta asikunki, nerqankitaj: Mana yupay atina carretasninwan, orqo puntasman wicharini, Libanomanta mana wichariy atinaman. Jatuchaj kaj cedrosninta k'utumuni, allin ajllasqa pinosnintawan. Aswan jatun kaj orqo puntasnimpitaj jatarikuni, ashkha sach'asnin chaupipitaj tiyarikuni.

2 Reyes 19:28

Noqaj contraypi phiñakusqaykirayku, chhikata jatunchakusqaykirayku, ningrisniyman chayamusqanraykutaj, argollayta senqaykiman churasqayki, simiykimantaj frenota jina churasqayki, may ñannejtachus jamusqallaykitataj kutirichisqayki.

Isaías 10:16

Chayrayku Tukuy Atiyniyoj Señorqa, kallpayoj runasninman llauchhuyayta apachimonqa, qhapaj kayninkutataj ninawan jap'iykuchenqa llant'ata jina.

Isaías 32:19

Chejchi para urmamonqa chayqa, montesllaman urmanqa, llajtataj pampachasqa kanqa.

Isaías 37:24

Qanqa kamachisniykita kachamunki kaypi Señorpa contranta qhaparinankupaj, nichimunkitaj: Ashkha carrosniywan orqo puntasman wicharini, Líbano kinraykunaman. Jatuchaj kaj cedros sach'asta k'utuni, sumachaj kaj pinostawan, aswan jatuchaj kaj orqo puntasniykiman wicharini, aswan ch'ipasqa kaj montesniykiman ima.

Isaías 9:18

Tukuy sajra kajqa nina jina laurarin, imaynatachus nina q'olaykun khishkasta, qhorasta ima, ajinata; chanta imaynatachus uj monteta q'olaykun, q'osñipis chaymanta manchayta llojsimun ajinata.

Jeremías 21:14

Noqa jasut'isqaykichej ruwasqasniykichejman jina, ninatataj jap'iykuchisaj sach'asniykichejman. Chay ninataj tukuy muyuynimpi kajkunata ruphaykonqa. Noqa Señormin chayta nini.

Zacarías 12:6

Jaqay tiempopeqa, Judamanta kurajkunasnenqa llant'a ukhupi nina brasas k'ajarishajta jina ruwasaj, trigo q'apis ukhupi uj k'anchanata jina ruwasaj. Jerusalenmanta qayllapi kaj llajtakunata lloq'emantaj pañamantaj tukurachenqanku, Jerusalempi tiyakoj kanku chaykunataj watejmanta kutiykaponqanku chay llajtankupi tiyakapoj.