Isaías 10:16 - Qheshwa Biblia DC

¹⁶ Chayrayku Tukuy Atiyniyoj Señorqa, kallpayoj runasninman llauchhuyayta apachimonqa, qhapaj kayninkutataj ninawan jap'iykuchenqa llant'ata jina.

DIOSPA QHELQACHISQAN DEUTEROCANONICAL

¹⁶ Chayrayku Tukuy Atiyniyoj Tata Diosqa runaykachaj Asiriaman llawch'iyay onqoyta apachimonqa, Asiriata kuraj kamachejpa jatun kaynintataj ninawan jap'iykuchenqa llant'ata jina.

DIOSPA QHELQACHISQ

¹⁶ Chayrayku Tukuy Atiyniyoj Tata Diosqa runaykachaj Asiriaman llawch'iyay onqoyta apachimonqa, Asiriata kuraj kamachejpa jatun kaynintataj ninawan jap'iykuchenqa llant'ata jina.

Isaías 10:16 ပူးပေါင်းရင်းမြစ်များ

2 Crónicas 32:21

Chaypacha Señorqa kachamorqa uj angelta, paytaj wañuracherqa wapu soldadosninta, kamachejkunasninta, kurajkunasnintawan rey Asiriaj jarampi. Paytaj may p'enqasqa llajtanman kutiporqa. Diosnimpa yupaychana wasinman yaykojtintaj paypa wawasnillantaj chay kikimpi espadawan wañurparicherqanku.

Salmos 106:15

Diosninchejtaj imatachus mañasqankuta qorqa. Paykunaman uj wañuy onqoyta apachimorqa.

Salmos 78:31

Diospa phiñakuynin paykunaman chayarqa; wañucherqataj aswan kallpayoj runasta, Israelmanta aswan sumaj runasta.

Isaías 10:18

Chay tukuy k'acha montesninta, chay sumaj huertasnintawan, tukuyninta ruphaykonqa, uj onqosqa mana kallpayoj runata jina saqerparenqa.

Isaías 17:4

Chay p'unchaypi Jacobpa jatun kaynin pisiyaponqa, jinallataj ukhumpis tulluyanqa.

Isaías 26:11

Señor, qanqa ñapis jasut'inaykipajña kashanki, paykunataj mana reparakunkuchu. Aylluykita munakusqaykita rikuspa p'enqaypi rikhurenqanku. K'ajaj phiñakuyniykej larwaynin enemigosniykita tukukuchichun.

Isaías 31:9

Manchachikuywan reyqa pakakunanta saqerparenqa, kurajkunasninkupis maqanakuta saqerparispa ayqerikaponqanku. Kayta Señorqa nin: Jerusalempi nina kashan, enemigosninta jasut'inampaj.

Isaías 37:29

Qanqa noqaj contrayta oqharikorqanki, noqaj contraypi mayta phiñakusqaykita uyarini. Kunanqa senqaykiman uj muyu fierrota warkhusqayki, simiykiman frenota churasqayki; chantaqa may ñantachus jamorqanki chayllatataj kutirichisqayki.

Isaías 37:36

Maypichus asirio soldados kashanku chayman rispataj, Señorpa angelnin pachaj pusaj chunka phishqayoj asirio soldadosta wañuracherqa. Q'ayantintaj tukuyninku wañusqaslla rikhurerqanku.

Isaías 5:17

Llajtasqa urmachisqas kanqanku, chay raqay ukhuspitaj ovejasta, cabrastawan michenqanku.

Isaías 8:7

Chayrayku, Señorqa paykunaj patankuta yakuwan llump'irichenqa, manchayta correshajta, ashkhawantaj. Chayqa kashan Asiria rey, tukuy atiyninwan. Chay yakoqa tukuy mayusta atipaspa, tukuy mayu cantosta wasarenqa.

Isaías 9:4

Qan Señorqa phashkaranki yugonkumanta, lijrasninkupi k'aspismanta, sinch'i llakiypi jarap'asqa kayninkumanta ima. Chayta qanqa urmachinki, imaynatachus Madianta urmacherqanki, ajinata.

Isaías 9:5

Soldadospa sonachinanku zapatos, yawar rara p'achasninku ima, ruphachisqas, q'olachisqastaj kanqanku.

Jeremías 21:14

Noqa jasut'isqaykichej ruwasqasniykichejman jina, ninatataj jap'iykuchisaj sach'asniykichejman. Chay ninataj tukuy muyuynimpi kajkunata ruphaykonqa. Noqa Señormin chayta nini.

Jeremías 48:14

Moabqa ama nichunchu, may wapus kayku, kallpasapas, maqanakojkunastaj kayku, nispaqa.

Ezequiel 34:16

Chinkasqasta noqa mask'amusaj. Ch'eqerasqasta tropanman kutirichimusaj. Chakin p'akisqata trapowan mayt'uykusaj. Tulluyajkunata kallpacharisaj. Kallpayojkunata, wira kajkunatataj allinnimpaj qhawasaj. Maychus kajta noqa qhawasaj.

Nahúm 1:12

Chayraykumin Señorqa nin aylluntaqa: Chay asiriosqa may wapuspis chayri may ashkhaspis kachunku jinapis tukuynin phirisqas kanqanku, chantá kausayninkumanta pasakaponqankutaj. Noqa mayta ñak'aricherqayki, jinapis manaña astawan ñak'arichisqaykichu.

Sofonías 2:13

Payqa makinta oqharenqa chimpa ladoj contranta, Asiria llajtata t'unaykunampaj. Nínive llajtatarí ch'impachata saqerparenqa, uj ch'in pampaman tukuchispa.

Zacarías 7:4

Chaymanta Tukuy Atiyniyoj Señor noqaman parlamuwaspa nerqa: Kayta niy tukuy aylluyman jinataj sacerdotesmampis: Qankuna llakiy p'achawan p'achallikunkichej ayunotataj ruwankichej phishqa kaj killapi, qhanchis kaj killapipis qhanchis chunka watas qhepamantaña. Chaytaqa mana noqata yupaychanawankupajchu ruwanku, mana chayqa mikhunku ujyanku sajsasqas kanallankupaj.

Hechos 12:23

Chay kikimpitaj Señorpa angelnin Herodesta nanaykucherqa, Diosta mana jatunchasqanmanta. Khuruspa mikhusqantaj wañorqa.