Isaías 10:1 - Qheshwa Biblia DC

¹ Ay, qankunamanta imanallankichejchus mana cheqan leykunata orqhojkunaqa, ñak'arichinapaj leyesta orqhojkunaqa!

DIOSPA QHELQACHISQAN DEUTEROCANONICAL

¹ Ay, qankunata imallachus qhatirisonqachej, mana allin kamachisqakunata wakichejkuna, runakunata ñak'arichinapaj kamachisqakunata qhelqajkuna.

DIOSPA QHELQACHISQ

¹ Ay, qankunata imallachus qhatirisonqachej, mana allin kamachisqakunata wakichejkuna, runakunata ñak'arichinapaj kamachisqakunata qhelqajkuna.

Isaías 10:1 ပူးပေါင်းရင်းမြစ်များ

1 Reyes 21:13

Chantataj iskay sajra runas jamorqanku, Nabotpa ñaupaqempitaj tiyaykukuspa chay runasqa, tukuynin runaspa ñaupaqempi llullakuspa jurayta qallarerqanku Nabotpa contrampi, nispa: Payqa Diospa contranta parlan, reypa contrantawan. Llajtamanta jawaman pusaspataj chaypi rumiwan ch'anqaspa wañucherqanku.

Salmos 58:2

Mana jinachu, astawanqa sajra yuyaywan ruwankichej, sonqoykichejpi sajra imasta wakichispa, llajtata ch'ajwachinkichej.

Éxodo 23:3

Jinapeqa manchachikuspa ni wajchaspajpis mana allin kajtaqa, cheqan kasqanta ninkichu.

Éxodo 23:6

Imachus cheqan kajtaqa, wajcha runa imaynachus kasqantaqa ama q'ewichinkichu qhasi mana kajmanta.

Isaías 29:21

Sajra palabraswan mana juchayojta juchachajkuna, allinta cheqanchajpajpis misk'anata churajkuna; mana juchayojta imaymana llulleriosninkuwan ch'aukiyajkuna ima.

Isaías 3:11

Imaynachus kanqa juchasapa runaqa! Paytaqa mana allinchu renqa. Paymanqa imastachus ruwasqanman jina pagasqa kanqa.

Isaías 3:14

Señorqa ayllumpa kurajkunasnimpa contrampi cheqanchaj jamonqa, ayllunta kamachejkunaj contrampiwan. Qankunaqa uvas sach'asta chinkachinkichej, wajchasmanta suwasqaykichejtataj wasisniykichejpi jallch'ankichej.

Isaías 5:11

Ay, imanallankichejchus tutamanta jatariytawan machajkunaqa; ch'isiyanankama machasqas, vino ujyaspalla kajkunaqa!

Isaías 5:18

Ay, qankunamanta llullakuspa sajra kajta qhatatejkunaqa, carretata jina qhatatinku juchata qhatatejkunaqa!

Isaías 5:23

Qankunaqa lluk'inas kajtin juchayojta mana juchayojman tukuchinkichej, mana juchayojtataj juchachankichej.

Isaías 5:8

Ay, imanallankichejchus ashkha wasista rantejkunaqa, ashkha jallp'asta rantejkuna, wajkunapajtaj mana imata saqenkichejchu, qankunallapis kay jallp'a patapi kawajchej qhapajyajkuna jina!

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Isaías 59:4

Mana pipis cheqan kajta munajqa kanchu, mana pipis cheqanta cheqanchajqa kanchu. Mana allin kajllaman atienekunku, manakaj imasllata parlankupis. Sajra imasllatapuni yuyanku, juchatataj wachanku.

Jeremías 22:13

Ay, qanmanta sajra ruwasqasniykiwan, manataj cheqan ruwasqasniykiwanchu oqharerqanki palaciosniykita, jatuchaj wasisniykita ima. Wakintataj mana jornalninmanta pagaspalla qhasimanta llank'acherqanki.

Amós 2:7

Wajchasta ñak'arichinku, k'umuykachachinkutaj, manataj imatapis cheqanta ruwayta munankuchu pisi yachayniyoj runaspaj. Tatantaj wawantaj uj warmillawan puñuykunku. Ajinamanta llimphu sutiyta ch'ichichanku.

Miqueas 6:16

imaraykuchus qhaterqanki Omri jinataj Acabpa ayllumpa kamachisqasninta chantá ruwasqasninkutapis, imaynatachus paykuna ruwarqanku ajinallataj qampis ruwarqanki. Chayraykumin noqa ruwasaj qanwan, chaypi tiyakojkunasniykiwantaj llakiyta asipayasunankuta, Aylluypa p'enqaynintaj pataykiman urmamonqa.

Habacuc 2:12

Ay, qanmanta, llajtasniykita jatarichishanki jucha ukhupi, jinataj sajra ruwaykunasllawan!

Habacuc 2:15

Ay qanmantaqa, imaraykuchus qayllaykipi wasiyojkunataqa jampiswan chajrusqa vinoswan machaykuchinki ima p'enqayta q'aralla puñusqasninkuta qhawakunaykirayku!

Habacuc 2:19

Ay!, qanmanta, imaraykuchus k'aspimanta lantista rijch'ariy ninkichej, mana parlaj rumistataj sayarikuy ninkichej. Chaykunaqa imamantapis willaykuyta atiwasunmanchu? Mana, imaraykuchus mana kausayniyojchu kanku qoriwan chayri qolqewan qhatasqas kaspapis.

Habacuc 2:6

Chaywampis, chay tukuy jap'isqasninku naciones asikuspa kay jinata takiykapunku: Ay, qanmanta, mana qampata kajllawan qhapajyaykunki! Mayk'ajkamataj tantanki chay mañarakuspa tantarqanki chay qhapaj kayniykita?

Habacuc 2:9

Ay qanmantaqa, wasiykiman suwasqa poqoykunasllawan junt'acherqanki, ama ima llakiykunasman urmanaykipaj!

San Mateo 11:21

Nerqataj: Ay qanmanta, Corazín llajta! Ay qanmantapis Betsaida llajta! Tiropi, Sidompi imatajchus milagros qankuna ukhupi jina, ruwakunman karqa chayqa; maypachaña paykunaqa Diosman kutirikunkuman karqa, ushpharara qhashqa p'achata churakuspa.

San Mateo 23:23

Ay qankunamanta, leymanta yachachejkuna, fariseos puraj uyas! Qankunaqa diezmota qonkichej mentamanta, anismanta, cominomanta ima. Leypi aswan allin kajtataj mana kasunkichejchu: Cheqan kajta, khuyakuyta, creeyta ima. Kaykunata ruwanaykichej karqa, ama chay ujkunata saqespa.

San Mateo 23:27

Ay qankunamanta, leymanta yachachejkuna, fariseos puraj uyas! Qankunaqa yurajchasqas sepulturasman rijch'akunkichej. Chay sepulturasqa jawamanta k'achitus rikukunku. Ukhunkurí aya tullus, tukuy millay asnawan ima, junt'a kashanku.

San Mateo 23:29

Ay qankunamanta, leymanta yachachejkuna, fariseos puraj uyas! Qankunaqa profetaspa sepulturasninta sayarichinkichej; ajinallatataj, cheqan kaj runaspa sepulturasnintapis k'achanchankichej.

San Mateo 26:24

Cheqamanta Runaj Churenqa rishan wañuyman, paymanta escribisqaman jina. Ay jaqay runamanta, piraykuchus Runaj Churin jap'ichisqa kanqa! Walej kanman karqa chay runapajqa, ama nacinan.

San Lucas 11:52

Ay, qankunamanta leymanta yachachejkuna! Yachaypa llaventa jap'ikapojkuna. Qankuna mana yaykunkichejchu, yakojtapis jark'ankichej.

San Juan 19:6

Chaypacha kuraj sacerdotes, kamachis ima, Jesusta rikuytawan qhaparerqanku: Cruzpi chakatay, cruzpi chakatay!, nispa. Pilatotaj nerqa: Qankuna jap'ikapuychej, chakataychejtaj; paypeqa mana tarinichu ima juchatapis.

San Juan 9:22

Jinata tatasninku nerqanku, judiosta manchachikuspa. Judíos parlanakorqankuña, pillapis Jesusta Mesías kasqanta ninman chaytaqa, sinagogamante wijch'unankuta.

Judas 1:11

Ay paykunamanta! Caimpa ñanninta purerqanku, qolqerayku Balaampa pantasqanman urmarqanku, Coréj oqharikusqampitaj wañorqanku.