Isaías 1:7 - Qheshwa Biblia DC

⁷ Jallp'aykichejqa ch'inman tukun, llajtaykichejtaqa ninawan q'olaykuchinku, kikin qankunaj ñaupaqeykichejpi enemigosniykichej tarpusqasniykichejta mikhunku. Tukuy ima qhepakun ch'impacha, imaynatachus Sodoma chinkachisqa karqa jina.

DIOSPA QHELQACHISQAN DEUTEROCANONICAL

⁷ Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

DIOSPA QHELQACHISQ

⁷ Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Isaías 1:7 ပူးပေါင်းရင်းမြစ်များ

2 Crónicas 28:5

Chayrayku Señor Diosnenqa Siriaj reynimpa makisninman jaywaykorqa. Siriostaj atipaykorqanku, ashkha presostataj jap'iykuspa Damascoman apakaporqanku. Jinallataj Señorqa jaywarqa Israelpa reyninman, atiparqataj may chhikata wañurachispa.

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

Salmos 107:39

Wañojtinku pisiyanku, ñak'ariypi kasqankurayku, mana allin kaypi, llakiypitaj kasqankurayku.

Salmos 109:11

Manoj runa tukuy kapuyninkuta qhechuchun. Tukuy llank'asqankutapis wajkuna apakapuchun.

Isaías 1:8

Sionllaña sayashaj qhepakun, uvas chaupipi uj ch'ujlla jina, melón chaupipi ramada jina, enemigosninwan muyuykusqa llajta jina.

Isaías 3:8

Cheqamanta Jerusalenqa urmaykapun, Judapis thuñiykukun, imaraykuchus chaypeqa mana parlanasta parlanku, millay imasta Señorpa contranta ruwanku, Señorpa jatun kayninta qhesachaspa.

Isaías 34:9

Chaypacha Edompa yaku mayusnenqa alquitranman tukonqa, jallp'a jatarejqa azufreman, jallp'ataj alquitrán jina larwanqa.

Isaías 49:19

Llajtaykeqa thuñispa chinkachisqa, ch'impacha. Kunantaj jallp'aykeqa kutimoj runasniykipaj pisi kanqa. Urmachisojkunataj karuman ayqenku.

Isaías 5:17

Llajtasqa urmachisqas kanqanku, chay raqay ukhuspitaj ovejasta, cabrastawan michenqanku.

Isaías 5:9

Tukuy Atiyniyoj Señorqa niwan, ashkha wasis thuñisqas kananta; manañataj pipis chay wasispi tiyakunanta, jatuchajpis kachun, k'achituspis kachun.

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

Isaías 60:15

Qanqa chay jina wijch'usqa chejnisqataj karqanki, qan chaynejta mana pipis pasayllatapis munajchu. Kunanqa sumajyachisqayki tukuy kusikunankupaj.

Isaías 62:8

Señorqa paña makimpa atiyninwan juraspa nerqa: Mana jayk'ajpis enemigosniykiman trigoykitaqa mikhuchisajchu, manataj waj runaspis llank'asqayki vinotaqa ujyanqankuchu.

Isaías 64:10

Ajllakusqayki llajtasqa chay jina ch'impacha. Sión llajtaqa ch'impacha, Jerusalempis raqaykunalla kashan.

Isaías 9:18

Tukuy sajra kajqa nina jina laurarin, imaynatachus nina q'olaykun khishkasta, qhorasta ima, ajinata; chanta imaynatachus uj monteta q'olaykun, q'osñipis chaymanta manchayta llojsimun ajinata.

Isaías 9:5

Soldadospa sonachinanku zapatos, yawar rara p'achasninku ima, ruphachisqas, q'olachisqastaj kanqanku.

Jeremías 2:15

Imaraykutaj leones jina sinch'ita qhaparispa Israelman phinkiykunkuri? Jallp'ankuta ch'impachata saqerparinku, llajtasninkutapis q'olasqasta mana runayojta saqerparinku.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Jeremías 44:6

Chaypacha k'ajaj phiñakuyniyta, ninata jina lauraricherqankichej, Judá llajtaspi, Jerusalén callespi ima. Chaykuna kunan p'unchaykama ch'impacha raqaykunasllaña qhepakunku.

Jeremías 6:8

Allinta reparakuy, Jerusalén, mana t'aqakusunayta, munaspaqa ch'in pampaman, mana uj runayojmantaj tukunaykipaj.

Jeremías 7:34

Judá llajtapi jinallataj Jerusalén callespipis fiestaspi tusuykunata, takiykunata, jinallataj casarakupi takiykunatapis chinkachisaj. Tukuynin jallp'ataj ch'in pampaman tukuchisqa kanqa.

Lamentaciones 5:2

Tukuy imasniykuta waj runas jap'ikapunku. Wasisniykoqa waj runaspa makisninman chayan.

Ezequiel 25:4

Chaynejta qankunata inti llojsimuynejpi kaj runaswan jap'ichisqaykichej, paykuna jallp'aykichejta jap'ikaponqanku, chaypitaj ranchosta, toldosninkutapis tiyakunankupaj ruwakonqanku. Chajrasniykichejmanta paykuna mikhonqanku, lecheykichejtapis paykunalla ujyanqanku.

Ezequiel 30:12

Nilo mayupitaj yakusta ch'akichisaj, jallp'ataqa sajra runasman qosaj, waj llajtasniyojnejta jallp'ataqa t'unaykuchisaj, tukuy kapuynintawan. Noqa Señor kaytaqa nini.

Oseas 7:9

Mana rejsisqa runas kallpanta qhechurpayanku, paypa mana rikukusqallan. Chojchasnimpi yurajyaporqa mana reparakusqallan!

Oseas 8:7

Paykunaqa wayrasta tarporqanku, oqharerqankutaj sinch'i muyoj wayrata. Mana kanqachu cosechanankupaj jina chajrasninkupis nitaj jak'utapis orqhoyta atenqankuchu trigoj espigasninmanta; sichus orqhonkuman chaypis waj llajtasniyojlla mikhukaponqanku.

Levítico 26:33

Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

Levítico 26:34

Chaymanta jallp'asniykichej samarikonqanku, raqayas jina kanankukama, qankuna enemigosniykichejpa jallp'asninkupi kausamunaykichejkama. Ajinamanta jallp'aqa chay p'unchaykunapi samarikonqanku, ñaupajta mana samarikusqankumanta.

Miqueas 5:11

Llajtasniykitapis raqaykunasman tukuchisaj, chay tukuy jark'akunasniykichejtapis urmarachisaj.

Miqueas 6:13

Chayrayku jasut'isqayki, phirisqaykitaj juchasniykirayku.

Deuteronomio 28:33

Jallp'asniykichejpi llank'aspa poqochikusqaykichejta mana rejsisqaykichej runas mikhonqanku. Sapa kuti sarusqas, k'umuykuchisqas kankichej.

Deuteronomio 28:43

Llajtasniykichejpi tiyanku karu llajtayojkuna, astawan astawan atiyniyojman tukonqanku, qankunataj astawan astawan mana atiyniyojman tukunkichej.

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.