Isaías 1:6 - Qheshwa Biblia DC

⁶ Chaki puntaykichejmanta, umaykichejkama nanasqa kankichej, llik'isqa, q'oyuyasqa, aycha rikhurishaj ima; ni pi jampichisunkichejchu, nitaj mayt'usunkichejchu, nillataj aceitewan jawiykurisunkichejchu nanasqasniykichejta.

DIOSPA QHELQACHISQAN DEUTEROCANONICAL

⁶ Chakiykichejmanta umaykichejkama k'irisqa kankichej, q'eyayasqa, punkisqa, aycha khallasqa ima. Ni pi jampiykusunkichejchu, nitaj mayt'usunkichejchu, nillataj aceitewan jawiykusunkichejchu k'irisqa kasqaykichej thañinanpaj.

DIOSPA QHELQACHISQ

⁶ Chakiykichejmanta umaykichejkama k'irisqa kankichej, q'eyayasqa, punkisqa, aycha khallasqa ima. Ni pi jampiykusunkichejchu, nitaj mayt'usunkichejchu, nillataj aceitewan jawiykusunkichejchu k'irisqa kasqaykichej thañinanpaj.

Isaías 1:6 ပူးပေါင်းရင်းမြစ်များ

2 Samuel 14:25

Tukuynin Israel ayllu ukhupi, mana tarikorqachu ujpis Absalon jina k'achitoqa, sumaj uyarisqa runataj. Chaki puntanmanta uma puntankama mana imampis mana allenqa karqachu.

Job 5:18

Sichus pay nanaykuchin chayqa, payllataj thañichenqa. Sichus pay maqaykun chayqa, payllataj jampiykaponqa.

Salmos 77:2

Llakikuyniy p'unchaypi Señorta mask'ani, mana sayk'usqataj makisniyta payman oqharini. Sapa ch'isi paymanta mañakuni, mana sonqochakuyta atinichu.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

Jeremías 17:9

Mana imapis runaj sonqon jina ch'aukaqa kanchu, nitaj millayta ruwajpis. Pitaj chayta rejsiyta atinmanri?

Jeremías 30:12

Señor nin: Nanachikusqasniykeqa mana thañiyniyoj, chay onqoyniykipis mana thañiyniyoj.

Jeremías 30:15

Imaraykutaj nanasqasniykimanta qhaparqachankiri? Nanasqasniykeqa mana jampikuyniyoj, ashkha sajra ruwasqasniykimanta, mana yupay atina juchasniykiraykutaj. Ajinata qanwan ruwani.

Jeremías 33:6

Jinapis jampiykusaj, kausachisajtaj, sonqo tiyasqa kaypi waqaychasqa kaypi mayta kusikonqanku.

Jeremías 6:14

Aylluypa nanasqasninta pata patallanta jampiykurinku, ninkutaj tukuy ima allillan rishasqanta. Jinapis manapuni imapis allenqa kanchu.

Jeremías 6:7

Jerusalenmanta sajra kay llojsimun, uj pujyumanta yaku llojsimun ajinata. Chay llajtapeqa millay ruwaykunaslla, ch'ajwachinakuyllataj uyarikun, chaypi rikuni nanachisqasta, ayqhoyllatawan.

Nahúm 3:19

Mana jampi kanchu chay nanasqasniykipaj. Mana jampikuyniyoj chay onqoyniykeqa! Tukuy uyarejkuna kay llakiypi rikhurisqaykimantaqa kusikuspa makisninkuta t'ajllarakunku. Pitaj chay juchasniykej mana tukukoj ñak'ariyninta mana ñak'arerqachuri?

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

San Mateo 9:12

Jesustaj chayta uyarispa nerqa: Walej kajkunaqa mana jampejta mask'ankuchu, manachayqa onqosqas kajkunalla.

San Lucas 10:34

Nanasqasninta jampiykorqa aceitewan, vinowan ima. Chantá, animalninman wicharichispa tamboman pusarqa, chaypitaj allinta qhawacherqa.