Isaías 1:3 - Qheshwa Biblia DC

³ Wakaqa dueñonta rejsin, burropis maypichus dueñon qarasqanta rejsillantaj; Israel aylluyrí mana rejsikapuwanchu, nitaj yuyayniyojchu.

DIOSPA QHELQACHISQAN DEUTEROCANONICAL

³ Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

DIOSPA QHELQACHISQ

³ Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

Isaías 1:3 ပူးပေါင်းရင်းမြစ်များ

Salmos 94:8

Unanchaychej wampu runas, jayk'ajkamataj yuyayniykichejman mana kutirinkichejchuri?

Proverbios 28:5

Sajra runaqa mana unanchakunchu imachus cheqan kajmantaqa; Señorman qayllakojkunarí yachanku chay tukuy imachus kasqanta.

Proverbios 6:6

Qhella runa, chhakasta qhawariy, qhaway imatachus ruwasqankuta, chantá yachakuytaj.

Isaías 27:11

Sach'aj ramasnin ch'akipojtin p'akiranqanku; warmistaj pallaytawan ninaman enqhanqanku. Chay runasqa mana imata yachankuchu. Chayrayku, paykunata Ruwajqa mana paykunamanta khuyakonqachu, manataj sonqontapis nanachikonqachu ruwajnin jina.

Isaías 42:20

Ashkha imasta rikun, manataj allinta qhawarinchu; ningrin tiyan manataj uyarinchu.

Isaías 44:18

Chay runasqa mana yachankuchu, manataj unanchankuchu imatachus ruwashasqankuta, imaraykuchus qhawaykachashaj ciegos kanku, manataj yuyayninkupipis imachus kasqanta jap'inkuchu.

Isaías 5:12

Qankunaqa jatuchaj mikhuykunata wakirichinkichej, chaypitaj tocarinkichej arpasta, guitarrasta, cajasta, qenastawan. Qankunaqa ashkha vinota ujyarinkichej, manañataj qhawarinkichejchu Señorpa ruwanasninta, nitaj makisninwan ruwasqasnintapis.

Isaías 5:13

Chayrayku, aylloyqa mana yachakuyta munasqanrayku ch'in pampaman apachisqa kanqa. Tukuy runastaj kurajkunasninkuwan khuska yarqhaywan, ch'akiywantaj wañonqanku.

Isaías 56:11

Alqos jina mana sajsayta atej kanku. Paykuna michejkuna kashaspapis mana yuyayniyoj wampus kanku; sapa ujninku imatachá munasqankuta ruwaspa purinku, sapa ujninku imachá paykunapaj allin kajllata mask'anku munasqankuman jina.

Jeremías 10:14

Tukuy runas mana yuyayniyojkuna, wampustaj kanku, pichus lantikunata ruwajqa p'enqaypi rikhurin, chaykunaqa yanqha lantislla, manataj kausayniyojchu kanku.

Jeremías 10:8

Tukuy paykuna wampus kanku, mana uj chhikan yachayninkupis kanchu. Uj juch'uy k'aspillaqa mana imatapis yachachinchu.

Jeremías 35:16

Recabpa wawan Jonadabpa miraykunasnin ñaupa tatasninkoj kamachisqasninkuta junt'arqanku. Chaywampis kay Israel aylloqa mana kasuta ruwawanchu.

Jeremías 4:22

Israel aylloyqa ancha wampu, mana rejsiwanchu, nin Señorqa. Mana yuyayniyoj wawas kanku, mana allintachu unanchakunku. Juchata ruwanankupajqa churasqas kanku, manataj allin kajta ruwayta yachankuchu.

Jeremías 50:6

Aylloyqa oveja chinkasqa jina karqa, michejkunasninkoqa mana allintachu michej kanku, manachayqa orqosnejpi chinkajta qhawallarqanku. Uj orqomanta waj orqoman purikoj rerqanku, puñuna kanchankumanta qonqakapunankukama.

Jeremías 8:7

Chay patata phawaj qewiñaspis yachanku, mayk'ajchus kutimpunankuta. Palomas, para p'isqos, chakisapa yaku p'isqospis yachanku mayk'ajchus wajnejman rinankuta. Qanrí, ayllúy, kamachisqasniyta mana yachankichu.

Ezequiel 16:30

Noqa Señormin cheqamanta nini: Sonqoyki onqosqa karqa. Chayrayku qhencha warmi jina, mana p'enqakuspa pureranki.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Oseas 2:8

Payrí mana rejsiwarqachu, noqamin kasqayta pichus qoj trigota, vinota aceitetapis: Pichus astawan yapaykusqanta qolqenta qorintapis, chaykunawantaj lantikunata ruwanampaj.

San Mateo 13:19

Pichus janaj pacha reinomanta palabrata uyarishaspa mana yuyaynimpi jap'inchu chayqa, supay jamuytawan sonqompi imachus tarpusqa kajta qhechun. Paykunaqa kanku ñan patapi muju t'akasqa jina.

Romanos 1:28

Paykuna Diosta qonqapusqankuraykutaj, Diosqa jap'icherqa sajra yuyaykunaman, mana allin kajta ruwanankupaj.

2 Pedro 3:5

Paykunaqa mana yachajman tukunku. Qallariypi janaj pachapis, kay pachapis Diospa palabranwan ruwasqas karqanku. Kay pachataj yakumanta karqa, yakullapitaj kakushan.