Isaías 1:23 - Qheshwa Biblia DC

²³ Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

DIOSPA QHELQACHISQAN DEUTEROCANONICAL

²³ Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

DIOSPA QHELQACHISQ

²³ Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Isaías 1:23 ပူးပေါင်းရင်းမြစ်များ

2 Crónicas 36:14

Jinallatataj tukuy runas, sacerdote runaspis astawan juchata yapaykukorqanku, chay waj nacionespa millay jucha ruwasqasninkuta ruwaspa, jinamanta ch'ichichaspa Señorta yupaychana wasita, Jerusalempi paypaj ajllakorqa chayta.

Éxodo 23:8

Ama imatapis lluk'ichikunkichu, imaraykuchus lluk'eyqa runasta ciegoyachin, jinamanta mana juchayojtaqa juchajoyta rikhurichinku.

Proverbios 17:23

Sajra runaqa pakaypi lluk'ichikun, cheqan ruwakunan kashajtin q'ewichinampaj.

Proverbios 29:24

Suwajta yanapaj runaqa pay kikinta chejnikun, may jinata nichikushaspapis manapuni parlarinchu.

Isaías 1:17

Yachaychej allin kajta ruwayta, kallpachakuychej cheqan kajta ruwayta, yanapaychej sarusqa kajta. Wajcha wawapaj cheqanta ruwaychej, viudaman kutikuychej.

Isaías 1:18

Señortaj nin: Jamuychej parlasunchej. Juchasniykichejqa may jina pukapis kachunku, rit'i jina yuraj kanqanku; may jina kullipis kachunku, yuraj millma jina kanqanku.

Isaías 1:22

Qolqeyki q'opaman tukupun, vinoykipis yakuwan chajrusqa.

Isaías 28:14

Chayrayku, uyariychej Señorpa palabranta, machu runas, Jerusalenta kamachejkuna.

Isaías 3:14

Señorqa ayllumpa kurajkunasnimpa contrampi cheqanchaj jamonqa, ayllunta kamachejkunaj contrampiwan. Qankunaqa uvas sach'asta chinkachinkichej, wajchasmanta suwasqaykichejtataj wasisniykichejpi jallch'ankichej.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.

Isaías 33:15

Pichus cheqanta ruwaspa purin, cheqantataj parlan, qhasimanta qolqe jap'inata chejnikun, mana qolqewan lluk'iykuchikuspa rantichikunchu, runata wañuchimuna nejtinkupis ningrinta wisq'aykun, sajra imastapis rikushaspa mana rikojman tukun.

Isaías 5:23

Qankunaqa lluk'inas kajtin juchayojta mana juchayojman tukuchinkichej, mana juchayojtataj juchachankichej.

Isaías 65:2

Sapa p'unchay chay mana kasukoj runasman makisniyta jaywani; paykunaqa mana cheqan ñantachu purishanku, sajra yuyayninkupi paykunaqa kasushanku.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

Jeremías 4:17

Imaynatachus chay camposninkuta qhawajkuna muyuykunku, ajinata Judá aylluman muyuykonqanku, Señorpa contrampi oqharikusqankurayku. Señormin ajinata nin.

Jeremías 5:5

Chay jatun wiraqochisman risaj, paykunamantaj parlamusaj. Paykunaqa yachanqankupuni imachus Señorpa munaynin kasqanta, Diospa kamachisqantataj. Chaywampis, tukuyninku Diospa contrampi oqharikusqanku, manataj kasuyta munasqankuchu.

Jeremías 5:6

Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

Ezequiel 22:27

Kay llajtapi kurajkunaqa atojkuna jina jap'isqankuta t'unanku, yawarta jich'anku, runasta wañuchinku kapuyninkuta suwaspa qhapajyanankupaj.

Oseas 5:10

Señor nin: Judamanta kurajkunasninkoqa campospi mojonesta kuyuchej runasman rijch'akunku. Paykunaj patankuman yakuta jina jich'aykusaj phiñakuyniytaqa!

Oseas 9:15

Señor nin: Gilgalpi tukuy kaj juchata ruwarqanku, chaypitaj chejnikuyta qallarerqani. Chay sajra ruwasqasninkuraykutaj wasiymanta paykunata wijch'usaj; manaña munakullasajpunichu, chay kuraj runasninkupis tukuyninku contraypi oqharikorqanku.

Amós 5:12

Noqa rejsini millay sajra kasqankuta, juchasninkoqa mana tukukoj, llakichinku cheqan runasta, lluk'irastataj jap'inku; cheqanchana wasispitaj wajchastaqa imapipis atipankupuni.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Miqueas 3:9

Kunan kayta uyariychej, qankuna cheqan kajta chejnejkuna Israelpa kamachejkunasnin kurajkuna kajkunapis, q'ewinchejtaj tukuy cheqan kajtapis,

Miqueas 6:12

Kay llajtamanta qhapaj kajkuna tukuyninku kaypi tiyakojkunamantaqa; ñak'arichejkuna kanku, llullas, ch'aukeyajkunataj kanku.

Miqueas 7:3

Juchata ruwanapajqa maestros kanku, chay kurajkunapis t'inkasta apamunankuta kamachinku, juezkunasri wajkunawan rantichikunku, atiyniyoj kajkunataj munasqankuman jina ruwaspa llajtata juchallichinku.

Zacarías 7:10

Ama ñak'arichiychejchu warmi sapasta nitaj wajcha wawasta, nitaj waj llajtayojkunata, nillataj wajchastapis. Ama yuyallaychejpischu ujkuna ujkunata ima sajratapis ruwanakuytaqa.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

Números 22:7

Moabmanta, Madianmanta kaj kuraj runasqa qolqe oqharisqa rerqanku maldicisqanmanta jaywanankupaj. Ajinata Balaampaman chayaytawan kacha runasqa willarqankupacha imatachus Balac nichisqanta.

San Mateo 21:13

Nerqataj: Escribisqa kashan: Waseyqa Diosmanta mañakunapaj wasi sutichasqa kanqa; qankunarí, suwaj cuevanman tukuchisqankichej.

Marcos 11:17

Chay qhepantataj Jesusqa yachachiyta qallarerqa runasman, nispa: Manachu Escriturapi nin: Waseyqa Diosmanta mañakuna wasi, nisqa kanqa tukuy runaspaj, nispa? Qankunarí suwa jusk'uman tukuchisqankichej.

San Lucas 19:46

Nerqataj: Escribisqa kashan: Waseyqa, Diosmanta mañakuna wasi; qankunataj suwa cuevaman tukuchisqankichej.

San Lucas 24:27

Chaypitaj sut'inchayta qallarerqa, paymanta chay tukuy imata Diospa palabran nisqanta; Moisesmantapacha qallarispa, tukuy profetaspa escribisqankumantawan.

Deuteronomio 16:19

Ama justiciataqa cheqan kajmanta karunchachinkichejchu, amataj wakillanman kutikunkichejchu. Ama qolqetapis lluk'ichikunkichejchu. Chay lluk'iykunaqa aswan yachayniyoj runastapis pantaykuchin, cheqan runaspa nisqasnintapis waj jinaman tukuchin.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.

1 Samuel 8:3

Chaywampis chay wawasnenqa mana tatanku jinachu imatapis allinta ruwarqanku, manachayqa qolqeta munapayayman qokaporqanku, chanta lluk'ichikorqanku, nitaj imatapis cheqantachu ruwarqanku.