Hechos 7:52 - Qheshwa Biblia DC

⁵² Mayqen profetatatajñaupa tatasniykichej, mana qhatiykacharqankuchu ñak'arichinankupaj? Paykuna ñaupajmantapacha, cheqan kaj jamunanta willashajtinku wañuracherqanku. Kunanrí, qankunañataj jap'ichispa payta wañucherqankichej.

DIOSPA QHELQACHISQAN DEUTEROCANONICAL

⁵² Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

DIOSPA QHELQACHISQ

⁵² Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Quechua South Bolivia: Dios Parlapawanchej

⁵² Diospa tucuy willajcunanta chejnispa unay tatasniyquichejka ñac'aricherkancu. Chay willajcuna unayta willarkancu Diospa ajllaska camachin Jesús jamunanta. Chay willajcunatapis wañucherkancu. Cunantaj pay jamojtin chejnicojcunaman jaywaycorkanquichej wañuchicherkanquichejtaj.

Hechos 7:52 ပူးပေါင်းရင်းမြစ်များ

1 Reyes 19:10

Paytaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni, imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

1 Reyes 19:14

Eliastaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni; imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

2 Crónicas 36:15

Ñaupa tatasninkoj Señor Diosninkoqa palabranta apachillarqapuni paykunaman profetasninnejta khuyasqanrayku, tiyakuna wasinraykutaj.

2 Crónicas 36:16

Jinapis paykunaqa asiykukorqanku Señorpa willarajkunasninmanta, nisqankuta qhesacharqanku, profetasninmantapis asiykukorqanku, Señorpa phiñakuyninta oqharichinankukama paykunaj contrankupi, manañataj chayta thasnuchiyta aterqankuchu.

Nehemías 9:26

Chaywampis mana kasukojkuna karqanku, contraykipi oqharikorqanku, leyniykitataj qhesacharqanku. Chantaqa profetasniykita wañucherqanku sut'inta ch'ataykuspa, qanman kutirikamunankuta willasqankurayku. May millaytataj contraykipi juchallerqanku.

Jeremías 2:30

Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

Jeremías 20:2

Chaypacha Pasur kamacherqa Jeremiasta maqaykunankuta, chantá uj kurkumantaj jap'iykuchimunankuta pata kaj Benjamín Punkupi, Diosta yupaychana wasej qayllannejpi.

Jeremías 26:15

Jinapis kaytaqa allinta yachaychej: Sichus wañuchiwankichejman chayqa, qankuna, chantá kay llajtapi tiyakojkuna ima juchachasqas kankichej, uj mana juchayojta wañuchisqaykichejrayku; imaraykuchus cheqamanta Señorpuni kachamuwarqa kay tukuy imasmanta sut'ita willanasuykichejpaj.

Jeremías 26:23

Chaykunataj Uriasta Egiptomanta orqhomorqanku, rey Joacimmantaj aparqanku, paytaj wañuchinankuta kamacherqa, ayantataj ima jusk'ullamampis wijch'uykunankuta kamacherqa.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

San Mateo 5:12

Kusikuychej jatun kusiywan, imaraykuchus jatunmin janaj pachapi t'inkaykichejqa. Ajinallatataj qankunamanta ñaupajta jamoj profetastapis, chejnispa ñak'aricherqanku.

San Lucas 6:23

Kusikunkichej chaypacha, jatun kusiywan, imaraykuchus t'inkaykichejqa jatun kanqa janaj pachapi. Jinallatataj ñaupa runas ñak'arichej kanku profetasta.

San Juan 16:10

Cheqa kajmanta, imaraykuchus Tatayman ripushani, manañataj qankuna ujtawan rikuwankichejchu.

Hechos 2:23

Payqa entregasqa karqa Diospa munaynimpi wakichisqa kasqanman jina. Chaytaqa Dios ñaupajmantapacha yacharqa. Qankunataj paytaqa, juchasapa runaswan cruzpi chakatachispa, wañucherqankichej.

Hechos 22:14

Ananiastaj niwarqa: Tatasninchejpa Diosnin, ñaupajmantapacha qanta ajllasorqa, paypa munayninta yachanaykipaj, cheqan kajta rikuspa simimpa nisqanta uyarinaykipaj.

Hechos 3:18

Unayña Dios willarqa tukuy profestaspa siminnejta, Criston ñak'arinanta. Chaytaqa Dios junt'arqa.

Hechos 3:24

Kunan p'unchaykunamantaqa, ñaupajtaña tukuy profetas willarqanku Samuelmanta qallarispa, jinallataj paypa qhepanta jamojkunapis.

Hechos 4:10

Tukuyniykichej, tukuy israelitaspis allinta yachaychej, kay runaqa qankunaj ñaupaqeykichejpi thañisqa sayashan, nazareno Jesucristoj sutinrayku. Kay Jesustaqa qankuna cruzpi chakatarqankichej, Diostaj payta wañusqamanta kausarichimorqa.

1 Tesalonicenses 2:15

Paykunaqa Señor Jesusta wañucherqanku, jinallatataj profetasninkutapis. Noqaykutataj qhatiykachawarqayku. Chayrayku Diosta phiñachinku, tukuy runakunaj contrampitaj kashanku.

1 Pedro 1:11

Chantá allinta qhawarqanku pichus, mayk'ajtajchus kananta. Paykunapi kaj, Cristoj Espirituntaj, ñaupajmantapacha willarqa Cristoj ñak'arinasninmanta, jatuchaj yupaychanas qhepankuta jamunanmanta ima.

1 Juan 2:1

Wawitasníy, kay imasta escribimuykichej ama juchallikunaykichejpaj. Pillapis juchallikunman chayqa, Dios Tataj ñaupaqempi kutikuwajninchej tiyan. Payqa cheqan kaj Jesucristo.

Apocalipsis 19:10

Noqataj chakisninman urmarqani payta yupaychanaypaj. Paytaj niwarqa: Qhawakuy, ama chayta ruwaychu. Noqa kamachi masiyki kani, hermanosniykejtapis, pikunachus Jesuspa willayninta jap'inku, chaykunajta. Diosta yupaychay. Jesuspa willaynenqa Diosmanta sut'inchanaj espiritunmin.

Apocalipsis 3:7

Filadelfia iglesiaj angelninman escribiy: Kayta nin llimphu kaj, cheqa kaj, pichus Davidpa llaventa jap'in, chay. Pay punkuta kichajtin mana pipis wisq'ayta atinchu. Punkuta wisq'ajtintaj, mana pipis kichayta atinchu. Chaymin kayta nin: