Hechos 4:34 - Qheshwa Biblia DC

³⁴ Paykuna ukhupitaj mana pipis pisichikojchu. Jallp'asniyojkunaqa wasisniyojkuna ima, chay kapuyninkuta vendemuspa qolqeta apamoj kanku.

DIOSPA QHELQACHISQAN DEUTEROCANONICAL

³⁴ Paykuna ukhupi mana pipis pisichikojchu, imaraykuchus kapuyniyojkuna jallp'ankuta, wasinkuta ima vendej kanku.

DIOSPA QHELQACHISQ

³⁴ Paykuna ukhupi mana pipis pisichikojchu, imaraykuchus kapuyniyojkuna jallp'ankuta, wasinkuta ima vendej kanku.

Quechua South Bolivia: Dios Parlapawanchej

³⁴ Paycuna uqhupi ni ujpis pisichicojka cajchu. Wasiyojcunapis jallp'ayojcunapis capuynincuta vendej cancu. Vendeskancu kolketataj apamoj cancu Cristopi hermanospa tantacuynincuman.

Hechos 4:34 ပူးပေါင်းရင်းမြစ်များ

San Mateo 19:21

Jesustaj payman nerqa: Sichus cabal kayta munanki chayqa; riy, tukuy kapususqanta vendemuy, chay qolqetataj pisichikojkunaman qopuy. Ajinamanta kapuyniykeqa janaj pachapi waqaychasqa kanqa. Jamuspataj noqata qhatiway.

Marcos 10:21

Chantá Jesusqa qhawarispa munakuywan nerqa: Uj imataraj ruwanayki tiyan. Rispa tukuy imasniykita vendemuy, wajchasmantaj qopuy chay qolqeta, janaj pachapitaj ashkha kapuyniyki kanqa. Chantá jamuy, cruzniykita oqharispataj qhatiway.

San Lucas 12:33

Kapuyniykichejta vendeychej, wajchasman rak'inaykichejpaj; chantá ruwakuychej mana thantakoj wayaqata, waqaychaychejtaj kapuyniykichejta janaj pachapi, chaypeqa mana tukukonqachu; maymanchus suwa mana yaykunchu, nitaj thutapis k'utunchu, chayman.

San Lucas 16:9

Chaynejta, kausaqesta mask'akuychej mana allin kaj qolqewan; chay qolqe tukukojtintaj, wiñay tiyakunasman wajyachikunaykichejpaj.

San Lucas 22:35

Jesús taporqa paykunata: Maypachachus kacharqaykichej, mana ch'uspayojta, mana wayaqayojta, nitaj ujut'asniyojta chaypacha, pisisorqachejchu imallapis? Paykunataj, mana imapis pisiwarqaykuchu, nerqanku.

Hechos 2:45

Jallp'asninkuta vendespataj, tukuy ima kapuyninkutawan, tukuyninku chay qolqemanta rak'inakoj kanku, sapa uj pisichikusqanman jina.

Hechos 4:37

Bernabepis jallp'anta vendemorqa, chay qolqeta apamuspataj apostolesman jaywarqa.

2 Corintios 8:14

Astawanqa niyta munani, kay tiempopi uj rejlla kanampaj, ashkha tiyapuyniyojkuna qoychej pisichikojman, uj tiempotaj paykunajtapis tiyapojtin qosonqachej qankunajtapis pisejtin, ajinapi uj rejlla kanampaj.

Deuteronomio 2:7

Qankunataqa Señor Diosniykichej bendicisunkichej tukuy ima ruwasqasniykichejpi. Kay tawa chunka watas junt'ata qankunawan karqa Señorqa. Kay chhika karu ch'inkunasta pay pusaykachasorqachej sumajta waqaychaspa, nitaj imatapis pisichisorqachejchu.

1 Tesalonicenses 4:12

Allinta puriychej Diosta mana rejsejkunaj ñaupaqempi, nitaj pejpa imantapis munapayaspa.

1 Timoteo 6:19

Ajinapi paykuna kikinkupaj kapuykunata tantachunku jamoj p'unchaykunapaj, wiñay kausaymanta mana kacharikuspa.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.