Hechos 3:1 - Qheshwa Biblia DC

¹ Uj kuti Pedrowan Juanwan temploman wicharisharqanku kinsa kaj hora kashajtin. Chay horaqa karqa Diosmanta mañakuna hora.

DIOSPA QHELQACHISQAN DEUTEROCANONICAL

¹ Uj kuti Pedrowan, Juanwan Temploman risharqanku tardenpi kinsa kaj phani chayta. Chay phanitaqa judiokuna tantakoj kanku Dioswan parlarikunankupaj.

DIOSPA QHELQACHISQ

¹ Uj kuti Pedrowan, Juanwan Temploman risharqanku tardenpi kinsa kaj phani chayta. Chay phanitaqa judiokuna tantakoj kanku Dioswan parlarikunankupaj.

Quechua South Bolivia: Dios Parlapawanchej

¹ Uj p'unchay Pedrowan Juanwan yupaychana-wasiman risharkancu chaupi tardeta. Chaytaj Diosmanta mañacuna hora carka.

Hechos 3:1 ပူးပေါင်းရင်းမြစ်များ

1 Reyes 18:36

Chanta q'olachispa jaywana rato chayamojtin, profeta Eliasqa chimpaykuspa nerqa: Abrahampata, Isaacpata, Israelpatawan Señor Diosnin, kunan yachachunku qan Israelpa Señor Diosnin kasqaykita, noqataj kamachiyki kasqayta, qampa kamachisqaykiwantaj kay tukuy imasta ruwasqayta.

Salmos 55:17

Willakusaj waqasajtaj, sut'iyayta, chaupi p'unchayta, ch'isiyayta ima. Payrí parlasqayta uyarenqa.

Éxodo 29:39

Ujnin kajta tutamanta jaywanki, ujnin kajtataj ch'isiyaykuyta.

Daniel (hebreo) 6:10

Danieltaj chay papelpi rey Darío sutinta qelqaykusqanta uyarispa, wasinman riporqa. Puñunan wasimpa ventanasninta kicharerqa, chay ventanastaj Jerusalenta qhawariypi karqanku, chaypi qonqorikorqa Diosmanta mañakunampaj, payta yupaychanampajtaj. Chay jinata ruwarqa kinsa kutita sapa p'unchay, yachasqa kasqanman jina.

Daniel (hebreo) 9:21

Ajinata mañakushajtiy, ñaupajta mosqoypi jina rikhuriwarqa Gabriel, phawamorqataj maypichus noqa kasharqani chayman, tardempi Diosman uywata wañuchispa rikhuchikuta jaywana chay horastaña.

Números 28:4

Ujnin kajqa tutamanta jaywasqa kanqa, ujnin kajtaj ch'isiyaykuyta.

San Mateo 17:1

Sojta p'unchay qhepatataj Jesús wajyarqa Pedrota, Santiagota wauqen Juantawan. Paykunata pusariykukuspataj, uj jatun orqoman wicharerqa.

San Mateo 26:37

Pusarqataj Pedrota, Zebedeoj iskay churisnintawan; llakiywantaj ñak'ariyta qallarerqa.

San Mateo 27:45

Tukuynin jallp'apitaj laqhayaykorqa, chaupi p'unchaymanta samay horakama.

San Lucas 1:10

Pay inciensota q'osñichinankamataj, runasqa jawapi Diosmanta mañakusharqanku.

San Lucas 22:8

Jesustaj kacharqa Pedrota, Juantawan, nispa: Riychej wakichej Pascua mikhuyta mikhunanchejpaj.

San Lucas 24:53

Chaypitaj templopipuni karqanku Diosta alabaspa. Amén.

San Juan 21:7

Chaypacha, Jesuspa munakusqan yachachisqaqa, Pedroman nerqa: Señorqa, nispa. Simón Pedrotaj, Señor kasqanta uyarispa, pata p'achanta churaykukorqa, imaraykuchus q'alalla kasharqa; qochamantaj phinkiykorqa.

Hechos 10:3

Uj kuti, chaupi p'unchay pasayta, mosqoypi jina sut'ita rikorqa Diospa angelninta, maypichus kasharqa chayman yaykumojta. Parlapayaspataj: Cornelio, nerqa.

Hechos 10:30

Corneliotaj nerqa: Tawa p'unchayña kashan, kay horata jina, kay wasipi ayunasharqani, chaupi p'unchayta jina. Diosmanta mañakushajtiy, chayllaman uj qhari ñaupaqeypi rikhurerqa lliphipej p'achayoj.

Hechos 2:46

Templopitaj tukuyninku uj sonqolla, sapa p'unchay tantakojpuni kanku. Wasisninkupipis t'antata partispa, khuska mikhoj kanku, may kusiywan, llamp'u sonqowantaj.

Hechos 3:3

Suchu runataj Pedrota Juantawan temploman yaykushajta rikuspa, paykunamanta mañakorqa imallatapis qorinankuta.

Hechos 3:4

Paykunataj suchuta qhawarerqanku. Pedrotaj nerqa: Qhawariwayku.

Hechos 4:13

Paykunaqa mayta t'ukuspa, qhawarqanku Pedrota Juantawan mana manchachikuspa parlajta, astawanqa yachaspa mana yachakuyniyoj runaslla kasqankuta. Rejserqankutaj kay runasqa Jesuswan khuska purisqankuta.

Hechos 5:25

Chayllamantaj uj runa jamorqa, paykunamantaj nerqa: Kunan chay carcelman wisq'achisqaykichej runasqa templopi runasman yachachishanku.

Hechos 8:14

Apostolestaj Jerusalempi kashaspa uyarerqanku, Samariapi kaj runakunapis Diospa palabranta jap'isqankuta. Chayta yachaspataj, chayman kacharqanku Pedrota, Juantawan.

Gálatas 2:9

Chayrayku kurajkuna, Santiago, Pedro, Juan ima, noqaman Bernabemanwan willana qosqa kasqanta yachaspa, paña makinkuta jaywawarqayku uj yuyaylla kanaykupaj, noqayku gentilesman evangeliota willaj rinaykupaj, paykunataj judiosman.