Hechos 26:7 - Qheshwa Biblia DC

⁷ Israelpa chunka iskayniyoj ayllusnimpis, Dios qosqaykichej nisqan junt'akunanta suyashallankutaj, tuta p'unchay Diosta yupaychaspa. Chayta suyasqayrayku, rey Agripa, noqatapis juchachashawanku judiosqa.

DIOSPA QHELQACHISQAN DEUTEROCANONICAL

⁷ Israelpa chunka iskayniyoj jatun ayllunkunapis Diospa chay nisqan junt'akunanta suyakushallankutaj, chayraykutaj tuta p'unchay Diosta yupaychanku. Chaywanpis, kuraj kamachejníy, chayta noqa suyakusqayrayku judío masiykunaqa juchachashawanku.

DIOSPA QHELQACHISQ

⁷ Israelpa chunka iskayniyoj jatun ayllunkunapis Diospa chay nisqan junt'akunanta suyakushallankutaj, chayraykutaj tuta p'unchay Diosta yupaychanku. Chaywanpis, kuraj kamachejníy, chayta noqa suyakusqayrayku judío masiykunaqa juchachashawanku.

Quechua South Bolivia: Dios Parlapawanchej

⁷ Chunca iscayniyoj israel ayllusniycupis chayllatataj tucuy sonkowan suyancu. Diosta yupaychaspa tuta p'unchay suyancu niskanmanjina wañuskacuna causarinancuta. Camachej Agripa, nokapis paycunajinallataj causarimuypi suyaskayraycu israelcunaka contraypi willaycuncu.

Hechos 26:7 ပူးပေါင်းရင်းမြစ်များ

Esdras 6:17

Chaypacha jaywarqanku Diosman, pachaj torillosta, iskay pachaj carnerosta, tawa pachaj malto corderostataj. Chantapis chunka iskayniyoj chivosta jaywallarqankutaj, tukuynin israelitaspa juchasninkumanta, mashkha aylluchus kasqankuman jina.

Esdras 8:35

Chay qhepata presochasqamanta kutirimojkuna tukuynin israelitaspa sutimpi qorqanku, chunka iskayniyoj waka uñasta, isq'on chunka sojtayoj carnerosta, qanchis chunka qanchisniyoj corderostawan Israelpa Diosnimpaj q'olachinankupaj. Chunka iskayniyoj chivosta juchaj cuentanmanta jaywarqanku. Tukuyninta q'olacherqanku Señorta jatumpaj qhawaspa.

Salmos 135:2

Señorpa wasimpi kajkuna, Diosninchejpa wasi patiompi kajkuna.

San Mateo 19:28

Jesustaj paykunaman nerqa: Cheqamanta niykichej, tukuy ima mosojman tukojtin, Runaj Churin k'anchay tronompi tiyaykukojtintaj, qankunapis noqawan khuska purisqaykichejrayku, chunka iskayniyoj tronospi tiyaykukullankichejtaj, chunka iskayniyoj Israelpa ayllusninta juzganaykichejpaj.

San Lucas 2:25

Chaypacha tiyakorqa Jerusalempi, uj runa Simeón sutiyoj. Payqa k'acha karqa, Diostataj manchachikoj. Allin runa kaspa suyasharqa Israel sonqochasqa kananta. Santo Espiritupis paypi kasharqa.

Hechos 20:31

Chayrayku ama puñuspa qhawakuychej, yuyarikuspa imaynatachus kinsa wata junt'ata, tuta p'unchay waqayniywan sapa ujniykichejta yuyaycharqaykichej.

Hechos 24:15

Paykuna kikillantaj Diospi suyani: Tukuy runas wañuymanta kausarimunankuta, cheqan kajta ruwajkuna, sajrata ruwajkunapis.

Hechos 26:3

Astawanqa kusikuni qan allinta rejsisqaykirayku judiospa ususninta. Chayrayku mañakuyki ama sayk'uspa uyarinawaykita.

Hechos 28:20

Chayrayku wajyacherqaykichej, qankunata rikuyta munaspa, kay imasmanta parlanaypaj. Israel aylloj suyayninrayku, kay cadenaswan watasqa kashani.

1 Tesalonicenses 3:10

Tuta p'unchay anchatapuni Diosmanta mañakuyku uyaykichejta rikunaykupaj, feniykichejman pisisqantataj junt'anaykupaj.

1 Timoteo 5:5

Cheqamanta viudaqa mana piniyoj qhepakun chay, Diosmanta suyan, k'uchi kaywantaj Diosmanta mañakun, tuta p'unchay.

Santiago 1:1

Noqa Santiago, Diospa kamachin, Señor Jesucristojtawan, Israelpa chunka iskayniyoj ayllusnin ch'eqerasqasman napaykamuykichej.