Hechos 2:4 - Qheshwa Biblia DC

⁴ Tukuyninkutaj Santo Espirituwan junt'asqas karqanku. Waj parlaykunapitaj parlayta qallarerqanku, Santo Espíritu atiyta qosqanman jina.

DIOSPA QHELQACHISQAN DEUTEROCANONICAL

⁴ Tukuyninkutaj Santo Espíritoj kamachiyninpi rikhurerqanku. Jinapitaj waj parlaykunapi parlayta qallarerqanku, Santo Espíritu atiyta qosqanman jina.

DIOSPA QHELQACHISQ

⁴ Tukuyninkutaj Santo Espíritoj kamachiyninpi rikhurerqanku. Jinapitaj waj parlaykunapi parlayta qallarerqanku, Santo Espíritu atiyta qosqanman jina.

Quechua South Bolivia: Dios Parlapawanchej

⁴ Tucuy paycunaman Santo Espíritu yaycuspa sumajta callpacharka yuyaynincupi. Chaymantataj Santo Espíritu parlachiskanmanjina waj ashqha parlaycunata parlayta kallarerkancu.

Hechos 2:4 ပူးပေါင်းရင်းမြစ်များ

2 Samuel 23:2

Señorpa Espíritun noqanejta parlan; palabrasnenqa qalluypi kashan.

Isaías 28:11

Mana kasukojtinkoqa khaku parlajkunaj parlaynimpi, mana rejsisqa parlaypirajtaj Diosqa kay aylluman yachachenqa.

Isaías 59:21

Kay tratota paykunawan ruwasaj nin Señorqa. Pataykiman Espirituyta churani, palabrasniytapis simiykiman churallanitaj; chayqa mana simiykimanta llojsenqachu, manallataj wawasniykejmanta, nitaj allchhisniykej siminmantapis. Ajina kunanmantaqa wiñaypaj qankunawan kanqa, ajinata nin Señorqa.

Jeremías 6:11

Phiñakuyniykiwan junt'asqaña kani Señor, manaña kakuyta atinichu, nispa. Señortaj niwarqa: Chay phiñakuyniyta thalliykuy ari callepi purishanku chay wawaspa patanman, jinataj chay waynaspa patanmampis. Qosasta warmisnintinta presochasqasta apanqanku, jinallataj machu runastapis.

Ezequiel 3:11

Rispa llajta masisniykita watukamuy, jap'irachikuspa apasqas kanku chaykunata. Paykunaman willay, niytaj: Kay jinata Señorqa nin: Uyarisuchunkupis amapis, nispa.

Miqueas 3:8

Noqatatajri Diospa espíritun atiywan junt'achiwan, justiciawan, kallpawantaj, uyanchanaypaj Israelpa mana kasukoj, juchayojtaj kasqanta.

San Mateo 10:19

Kamachejkunaman pusasqas kaspaqa, ama llakikunkichejchu imaynatachus parlanaykichejta, chayrí imatachus ninaykichejta. Chay kikimpacha, Dios yuyaychasonqachej imamantachus parlanaykichejta.

Marcos 16:17

Creejkunataj kay señalesta ruwanqanku: Sutiypi supaykunata qharqonqanku; mosoj parlaykunatataj parlanqanku.

San Lucas 1:15

Payqa jatun kanqa Señorpa ñaupaqempi. Manataj vinota, nitaj ima machachej ujyanasta ujyanqachu. Mamampa wijsanmantapacha Santo Espirituwan junt'a kanqa.

San Lucas 1:41

Maríaj napaykusqanta Isabel uyarejtintaj, wawaqa wijsan ukhupi kuyurerqa. Isabeltaj Santo Espirituwan junt'a karqa.

San Lucas 1:67

Tatan Zacariastaj Santo Espirituwan junt'asqa karqa. Sut'incharqataj kay jinata: Yupaychasqa kachun Israelpa Señor Diosnenqa, imaraykuchus ayllunta watukorqa, juchasninmantataj salvarqa.

San Lucas 12:12

Chay kikimpachaqa, Santa Espíritu yachachisonqachej imatachus parlanaykichejta.

San Lucas 21:15

Noqa yachayta qosqaykichej parlanaykichejpaj; chay parlasqaykichejtataj enemigosniykichejqa, mana atipayta, nitaj kutichikuytapis atenqankuchu.

San Lucas 4:1

Jesusqa kuterqa Jordán mayumanta Santo Espirituwan junt'asqa; chay Espiritutaj pusarqa ch'in pampaman.

San Juan 14:26

Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

San Juan 20:22

Chayta niytawan phukorqa, nerqataj: Santo Espirituta jap'iychej.

Hechos 1:8

Manachayqa Santo Espíritu qankunaman jamojtin, atiyta jap'inkichej. Rispataj, noqamanta imatachus yachasqaykichejta willankichej Jerusalempi, tukuy Judea jallp'api, Samariapi, tukuy kay pachaj cantosnintimpi ima.

Hechos 10:46

Paykunaqa waj parlaykunata parlajta uyarerqanku, Diostataj mayta yupaychaspa.

Hechos 10:47

Chaymantataj Pedro nerqa: Kay runasqa noqanchej jinallataj, Santo Espirituta jap'inku. Atinmanchu pipis jark'ayta ama bautizachikunankuta?

Hechos 11:15

Parlayta qallarejtiy, Santo Espíritu paykunaman uraykamorqa, imaynatachus qallariypi noqanchejman uraykamorqa, ajinallatataj.

Hechos 11:24

Bernabeqa sumaj runa karqa, Santo Espirituwantaj junt'asqa. Chayrayku ashkha runas Señorpi creerqanku.

Hechos 13:52

Creejkunataj, kusiywan junt'asqa karqanku, Santo Espirituwantaj.

Hechos 13:9

Chaymantataj Saulo, Pablo sutiyoj, Santo Espirituwan junt'a kaspa, layqata sinch'ita qhawarerqa.

Hechos 15:8

Diostaj runaspa sonqonta rejsej jina, rikucherqa gentilestapis munakusqanta, Santo Espirituta qospa, imaynatachus noqanchejman qowarqanchej ajinata.

Hechos 19:6

Pablo makisninta paykunaman churaykojtintaj Santo Espíritu paykunaman uraykamorqa, parlaykunapitaj parlarqanku. Diospa palabrantataj sut'incharqanku.

Hechos 2:11

Jamullankutaj Cretamanta, Arabiamantapis. Kunantaj tukuyninchej paykunata uyarishanchej parlayninchejpi, Diospa may jatuchaj ruwasqasninmanta willasqankuta.

Hechos 2:3

Paykunaman nina larway rak'isqa qallus jina rikhurimorqanku, tiyaykorqankutaj sapa ujpa patanman.

Hechos 4:31

Diosmanta mañakuyta tukusqankutawantaj, maypichus kasharqanku chay cheqa kuyurerqa. Tukuyninkutaj Santo Espirituwan junt'asqas karqanku, Diospa palabrantataj mana manchachikuspa willayta qallarerqanku.

Hechos 4:8

Pedrotaj Espíritu Santowan junt'a kaspa nerqa: Israelpi kamachejkuna, kurajkuna ima.

Hechos 6:3

Chayrayku hermanos, ajllaychej ari qankuna ukhumanta qanchis qharista, allin kausayniyojta, Santo Espirituwan junt'asqasta, yachayniyojkunatataj mikhunata rak'inankupaj.

Hechos 6:5

Chay nisqankutaj tukuyninkuman allin rijch'arqa. Chaymantataj Estebanta ajllarqanku. Payqa sinch'i feniyoj karqa, Santo Espirituwantaj junt'asqa. Chaymantá ajllallarqankutaj Felipeta, Procorota, Timonta, Parmenasta, Nicolasta ima. Nicolasqa Antioquiamanta karqa, israelitaspa yachachiyninta qhatej.

Hechos 6:8

Estebantaj Diospa yanapayninwan, atiyninwan ima junt'a kaspa, milagrosta, señalesta ima runakuna chaupipi ruwasharqa.

Hechos 7:55

Estebanqa Santo Espirituwan junt'a karqa, janaj pachata qhawarispataj Diospa jatun k'anchayninta rikorqa, Jesustapis rikullarqataj Diospa pañampi kashajta.

Hechos 8:17

Chaypachataj Pedrowan Juanwan, creejkunaj patanman makisninkuta churaykorqanku, paykunataj Santo Espirituta jap'erqanku.

Hechos 9:17

Chantá Ananiasqa wasiman yaykuspa, Sauloman makisninta churaykorqa, nerqataj: Hermano Saulo, Señor Jesús, pichus kayman jamushajtiyki ñampi rikhurisorqa, pay kikin kachamuwan watejmanta qhawarinaykipaj, Santo Espirituwantaj junt'asqa kanaykipaj.

Romanos 15:13

Suyayta qoj Dios tukuy kusiywan, sonqo tiyakuywan creeypi qankunaman junt'achichun, suyaypi Santo Espíritoj atiyninwan kallpachasqas kanaykichejpaj.

1 Corintios 12:10

Ujmanqa qon milagrosta ruwanampaj; ujmantaj Diosmanta sut'inchanampaj; ujmantaj imayna espirituchus kasqanta rejsinampaj; ujmantaj imaymana parlaykunata parlanampaj; ujmantaj qon, waj parlaykunapi parlasqankuta sut'inchanampaj.

1 Corintios 13:1

Sichus noqa parlayman runakunaj parlaynimpi, angelespa parlaynimpiwan, manataj munakuyniy kapuwanmanchu chayqa, jatun campanaj waqayninman rijch'akuyman; chayrí, juch'uy campanaj waqayninman rijch'akuyman.

1 Corintios 13:8

Munakoyqa mana jayk'ajpis tukukonqachu; chaywampis Diospa palabranta sut'inchayqa tukukaponqa, runakunaj parlayninkupis ch'inyaponqa, yachaykunapis tukukapullanqankutaj.

1 Corintios 14:18

Diosman graciasta qoni waj parlaykunapi parlasqaymanta, qankunamanta astawan.

1 Corintios 14:5

Noqa munayman tukuyniykichej parlanaykichejta mana rejsisqa parlaykunapi, astawanqa munayman Diospa palabranta sut'inchanaykichejta; sut'inchajqa aswan kuraj waj parlaypi parlajmantaqa. Payllataj chay parlasqanta sut'inchanman chayllapuni iglesiaqa Espirituman jina wiñayta atinman.

Efesios 3:19

Chantapis Cristoj munakuynintapis rejsinaykichejpaj, mayqenchus tukuy runakunaj yuyayninta atipan Diospa junt'a kayninwan, junt'asqas kanaykichejpaj.

Efesios 5:18

Ama vinowan machaykuychejchu. Chaypi sajra kausay tiyan. Astawanqa Espirituwan junt'a kaychej.

Efesios 6:18

Kay tukuytaqa ruwaychej sapa p'unchay, Diosmanta mañakuspa Espiritupi tukuy mañakuywan. Ama puñuspa qhawaychej, mana sayk'uspa. Mañakuychej Diospata kajkunapaj.

1 Pedro 1:12

Paykunamantaj sut'inchasqa karqa, chay imastaj mana paykunallapajchu, astawanqa qankunapajpis kasqanta. Paykuna imatachus willarqanku, chayllatataj janaj pachamanta kachamusqa Santo Espíritoj atiynimpi evangeliomanta willawanchej. Chay imastaqa angelespis anchatapuni qhawayta munanku.

2 Pedro 1:21

Profetaspa escribisqasnin mana jayk'ajpis runaj munayninmantachu jamorqanku; manachayqa, Diospa ajllasqan runas, Santo Espiritunejta chay imasta parlarqanku.

1 Samuel 1:14

Chanta Eleqa nerqa: Mayk'ajkamataj machasqa kankiri? Saqellayña chay vinota!, nispa.

1 Samuel 10:10

Saulwan chay kamachinwan Gabaa llajtaman chayajtinkutaj, profetasqa paykunawan tinkukorqanku. Chaypacha Señorpa Espíritun atiyninwan ima Saulman jamorqa. Saultaj chay profetas jina parlarqa.