Hechos 18:2 - Qheshwa Biblia DC

² Chaypitaj tinku korqa Aquila nisqa judiowan; Ponto llajtayoj pay karqa. Mana unayrajchu karqa Priscila warminwan Italiamanta jamusqankoqa. Paykuna jamorqanku imaraykuchus Claudio kamachisqa tukuy judíos Roma llajtamanta llojsinankuta. Pablotaj paykunata watukamorqa.

DIOSPA QHELQACHISQAN DEUTEROCANONICAL

² Chaypitaj tinkukorqa Ponto llajtayoj Aquila nisqa uj judío runawan. Paywan, Priscila warminwan Italiamanta jampusqankoqa mana unayrajchu karqa. Paykuna Corintoman jampusqanku, imaraykuchus kuraj kamachej Claudio tukuy judiokuna Roma llajtamanta ripunankuta kamachisqa. Jinapi Pabloqa paykunata watukamoj rerqa.

DIOSPA QHELQACHISQ

² Chaypitaj tinkukorqa Ponto llajtayoj Aquila nisqa uj judío runawan. Paywan, Priscila warminwan Italiamanta jampusqankoqa mana unayrajchu karqa. Paykuna Corintoman jampusqanku, imaraykuchus kuraj kamachej Claudio tukuy judiokuna Roma llajtamanta ripunankuta kamachisqa. Jinapi Pabloqa paykunata watukamoj rerqa.

Quechua South Bolivia: Dios Parlapawanchej

² Chaypitaj payka uj israel runa Aquilawan tincorka. Aquilaka Ponto llajtapi naceska carka. Warmin Priscilawan chay p'unchaycunallapi Italiamanta chayamorkancu. Imaraycuchus llajtancumanta camachej Claudio tucuy israelcuna ripunancuta camacherka. Pablotaj paycunata watoj rerka.

Hechos 18:2 ပူးပေါင်းရင်းမြစ်များ

Hechos 11:28

Ujnintaj Agabo sutiyoj sayarispa, Santo Espíritoj yuyaychasqan kaspa, nerqa: Manchay jatun yarqhay jamonqa tukuy jallp'aman, nispa. Chay nisqantaj junt'akorqa Claudio kamachishajtin.

Hechos 18:18

Pabloqa unaytaraj Corintopi qhepakorqa. Chaymantataj hermanosta saqespa, botepi riporqa Siriaman, Priscilawan Aquilawan khuska. Cencrea llajtapitaj, manaraj boteman wicharishaspa Pabloqa chujchanta k'utuchikorqa, ruwasaj nisqanta junt'anampaj.

Hechos 18:26

Paytaj mana manchachikuspa evangeliota willayta qallarerqa sinagogapi. Payta uyarispataj Priscilawan Aquilawan, Apolosta wasinkuman pusarqanku, paymantaj yachacherqanku, aswan sut'ita Diospa ñanninmanta.

Hechos 2:9

Noqanchej ukhupi runakunaqa, kashanku Partiamanta, Mediamanta, Elamanta, Mesopotamiamanta, Judeamanta, Capadociamanta, Pontomanta, Asiamanta, Frigiamanta, Panfiliamanta, Egiptomanta, Libiamanta cirene qayllapi kajkuna. Kallankutaj Roma llajtamanta jamojkuna. Wakenqa judíos kanku, wakin judiospa yachachiyninta qhatinku.

Hechos 27:1

Maypachachus Italiaman barcopi rinayku yachakorqa, chaypacha Pablota, waj presostawan khuska Julio sutiyoj capitanman jap'icherqanku. Julioqa capitán karqa Augusto nisqa romano soldadospapi.

Hechos 27:6

Capitantaj chaypi tarerqa Alejandriamanta barcota, Italiaman llojsishajta. Chay barcomantaj wicharichiwarqayku.

1 Corintios 16:19

Asiapi kaj iglesiasqa ashkhata napaykamusunkichej Aquilawan, Priscilawan. Wasimpi kaj iglesiapis, anchatapuni napaykamusunkichej Señorpi.

2 Timoteo 4:19

Napaykapuway Priscata, Aquilata, Onesíforoj wasimpi kajkunatawan.

Hebreos 13:24

Tukuy kamachejniykichejta napaykapuwaychej, tukuy ajllasqastawan. Italiapi kajkunataj napaykamusunkichej.

1 Pedro 1:1

Noqa Pedro, Jesucristoj apostolnin kani. Kay cartata escribimuni llajtasninkumanta qharqosqas ch'eqerasqasman; pikunachus tiyakunku Pontopi, Galaciapi, Capadociapi, Asiapi, Bitiniapi ima chaykunaman.