Hechos 15:4 - Qheshwa Biblia DC

⁴ Paykuna Jerusalenman chayajtinkutaj, iglesiapi kajkuna apóstoles, ancianos ima may kusiywan jap'erqanku. Paykunamantaj willarqanku imaynatachus Dios tukuy imata ruwasqanta paykunawan.

DIOSPA QHELQACHISQAN DEUTEROCANONICAL

⁴ Pablowan, Bernabewan Jerusalenman chayajtinku, iglesiawan, Jesuspa kuraj kachankunawan, iglesiapi kurajkunawan ima kusiywan paykunata jap'erqanku. Chantá Pablowan, Bernabewan paykunamanpis willallarqankutaj Dios imatachus paykunanejta ruwasqanta.

DIOSPA QHELQACHISQ

⁴ Pablowan, Bernabewan Jerusalenman chayajtinku, iglesiawan, Jesuspa kuraj kachankunawan, iglesiapi kurajkunawan ima kusiywan paykunata jap'erqanku. Chantá Pablowan, Bernabewan paykunamanpis willallarqankutaj Dios imatachus paykunanejta ruwasqanta.

Quechua South Bolivia: Dios Parlapawanchej

⁴ Chanta chay cachaskacunaka Jerusalenman chayarkancu. Chaypi tantaska hermanoswan, Jesuspa cachasninwan, curajcunawanpis paycunata cusiywan tariparkancu. Cachaskacunataj willarkancu Dios paycunawan sumajta ruwaskanta tucuy chay imasta.

Hechos 15:4 ပူးပေါင်းရင်းမြစ်များ

San Mateo 10:40

Pichus qankunata wasinman wajyarisunkichej chayqa, noqata wajyariwan. Pichus noqata wasinman wajyariwajrí, kachamuwajniyta wajyarin.

Hechos 14:27

Antioquiaman chayaspataj, iglesiata tantaykuspa willarqanku, imaynatachus Dios tukuy imapi paykunata yanapasqanta, jinallatataj gentilespajpis punkuta kicharisqanta, Jesuspi creenankupaj.

Hechos 15:12

Chaymantataj tukuyninku ch'inyarqanku, uyarerqankutaj Pablowan Bernabewan willasqankuta, imaynatachus Dios paykunanejta ruwasqanta señalesta milagrosta ima, gentiles ukhupi.

Hechos 15:2

Kay jawataj paykunaqa Pablowan Bernabewan sinch'ita churanakorqanku. Chayrayku ajllarqanku Pablota, Bernabeta, wakin paykunamanta hermanostawan, Jerusalenman rinankupaj; chaypitaj kay imasmanta allinta parlamunankupaj apostoleswan, ancianoswan ima.

Hechos 15:22

Chaymantataj apóstoles ancianoswan, tukuy iglesiantin ajllarqanku wakin qharista, Pablowan Bernabewan khuska, Antioquiaman rinankupaj. Ajllarqankutaj Judas Barsabás nisqata, Silastawan. Kay iskayqa sumaj qhawasqas karqanku chay hermanos ukhupi.

Hechos 15:3

Antioquía iglesiataj paykunata kacharpayarqa. Paykunataj rerqanku Fenicianejta, Samarianejta ima, creejkunaman willaspa, imaynatachus gentilespis Diosman kutirikusqankuta. Tukuy hermanostaj maytapuni kusikorqanku chayta uyarispa.

Hechos 15:6

Apostolestaj ancianoswan tantakuspa parlarqanku kay imasmanta yachanankupaj.

Hechos 16:4

Llajtamanta llajta rispataj, willarqanku imatachus Jerusalempi apóstoles, ancianoswan kamachisqankuta. Hermanostataj kamacherqanku chaykunata junt'anankuta.

Hechos 18:27

Apolosqa Acayaman riyta munashajtintaj, Efesopi hermanosqa payta kallpacharqanku; cartataj creejkunaman apacherqanku, Apolosta tukuy sonqo jap'inankupaj. Acayaman chayaspataj payqa, Diospa khuyakuyninrayku, creejkunata mayta yanaparqa.

Hechos 21:17

Jerusalenman chayajtiykutaj, hermanosqa tukuy sonqo wasinkuman wajyarikuwarqayku.

Hechos 21:19

Napaykuspataj, paykunaman ujmanta uj willarqa, imastachus Dios ruwasqanta paynejta gentiles ukhupi.

Romanos 15:18

Noqaqa mana parlaymanchu Cristo noqanejta mana ruwasqanmanta palabraywan, ruwasqaywantaj gentiles Diosta kasunankupaj.

Romanos 15:7

Ujkuna ujkunawan wajyarinakuychej, imaynatachus Cristopis wajyakuwarqanchej ajinata, Dios jatunchasqa kanampaj.

1 Corintios 15:10

Chaywampis, Diospa khuyakuyninrayku imachus kani chay kani. Khuyakuynintaj noqapajqa mana qhasipajchu karqa. Chantá tukuyninkumanta astawan llank'arqani; mana noqallachu, astawanqa Diospa khuyakuynin noqapi kasqanrayku.

2 Corintios 5:19

Dios cheqamanta Cristonejta, kay mundota pay kikinwan allinyacherqa, runaspa juchasninmanta mana yuyarikuspa. Noqaykumantaj kamachiwarqayku allinyakuymanta willanaykupaj.

2 Corintios 6:1

Arí ajina, qankunata yanapajkuna kayku Diospa ruwaynimpi. Mañakuykutaj qankunaqa ama qhasipajchu jap'inaykiychejta Diospa khuyakuyninta.

Colosenses 4:10

Aristarco napaykamusunkichej, pay noqawan presochasqa kashan. Jinallataj Marcospis, pichus Bernabéj ayllun, napaykamusunkichej, imaraykuchus paymanta kamachisqaña kankichej. Sichus qankunajman jamonqa chayqa, allinta payta wajyarikuychej.

2 Juan 1:10

Pillapis qankunaman jamuspa, mana chay yachachiyta apamojtenqa, ama wasiykichejpi jap'ikuychejchu, nitaj napaykuychejchu.