Hechos 13:2 - Qheshwa Biblia DC

² Uj p'unchay ayunaspa Señorta yupaychashajtinku, Santo Espíritu paykunaman nerqa: Bernabeta, Saulotawan t'aqapuwaychej, imapajchus ajllarqani chayta ruwanankupaj.

DIOSPA QHELQACHISQAN DEUTEROCANONICAL

² Uj p'unchay ayunaspa Diosta yupaychashajtinku, Santo Espíritu paykunata nerqa: Bernabeta, Saulotawan t'aqapuwaychej, imapajchus ajllakuni, chayta ruwamunankupaj, nispa.

DIOSPA QHELQACHISQ

² Uj p'unchay ayunaspa Diosta yupaychashajtinku, Santo Espíritu paykunata nerqa: Bernabeta, Saulotawan t'aqapuwaychej, imapajchus ajllakuni, chayta ruwamunankupaj, nispa.

Quechua South Bolivia: Dios Parlapawanchej

² Uj p'unchaypi paycuna mana imata miqhuspa tantaskas Diosta yupaychasharkancu mañacusharkancutaj. Ajinapitaj Santo Espíritu paycunata parlapayarka: —Nokapaj ruwanancupaj t'akapuwaychej Bernabeta Saulotawan. Paycunatamin chaypaj wajyarkani, —nispa.

Hechos 13:2 ပူးပေါင်းရင်းမြစ်များ

1 Crónicas 16:4

Davidqa levitasmanta ajllarqa yanapajkunata, Diospa cajonnimpa ñaupaqempi mink'asqas karqanku imastapis ruwanankupaj, graciasta qonankupaj, yupaychanankupajtaj Israelpa Señor Diosninta.

Daniel (hebreo) 9:3

Señor Diosman k'umuykukorqani majakuspa, mañakuspa, ayunakuspa ima. Qhashqa p'achata churakuspataj ushphas patapi tiyaykukorqani.

San Mateo 17:21

Kay laya supaytaqa, Diosmanta mañakuspa, ayunaspataj qharqoyta atinchej.]

San Mateo 6:16

Ayunaspaqa, ama llakisqas kaychejchu, puraj uyas jina; paykunaqa uyasninkuta uj jinayachinku, ayunasqankuta runaswan rikuchikunankupaj. Cheqamanta niykichej, ñapis paykunaqa t'inkayojña kanku.

San Mateo 9:38

Mañakuychej ari Señormanta, astawan llank'ajkunata cosechanman kachamunampaj.

San Lucas 10:1

Chaymanta qhepamantaj, Señorqa ajllallarqataj qanchis chunka [iskayniyoj] runasta. Paykunatataj iskaymanta iskay kacharqa, paypa ñaupaqenta rinankupaj tukuy llajtasman, ranchosman ima, maykunamanchus rinan karqa chaykunaman.

San Lucas 2:37

Pusaj chunka tawayoj wata viudaña karqa. Templomantaqa mana llojsejchu, tuta p'unchay sirvispa, ayunaspa, Diosmantataj mañakuspa.

Hechos 10:19

Pedro chay rikusqampi yuyashajtillampuni, Santo Espíritu payman nerqa: Runas mask'ashasunku.

Hechos 10:30

Corneliotaj nerqa: Tawa p'unchayña kashan, kay horata jina, kay wasipi ayunasharqani, chaupi p'unchayta jina. Diosmanta mañakushajtiy, chayllaman uj qhari ñaupaqeypi rikhurerqa lliphipej p'achayoj.

Hechos 13:3

Paykunataj ayunaspa Diosmanta mañakorqanku. Bernabeman Saulomanwan makisninkuta churaykuspa kacharpayarqanku.

Hechos 13:4

Chay qhepata Bernabé, Saulowan, Santo Espíritoj kamachisqanta kasuspa Seleuciaman rerqanku. Chaymantataj botepi rispa Chipre churuman chayarqanku.

Hechos 14:26

Ataliamanta, evangeliota willaspaña botepi kutiriporqanku Antioquiaman, maypichus Diospa khuyakuyninman qosqas karqanku chayman, ruwanankupaj imatachus kunan tukusqankuña chayta.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

Hechos 22:21

Chantá Jesús niwarqa: Puririllayña; karu llajtasman kachasqayki, nispa.

Hechos 4:36

Paykuna ukhupitaj José sutiyoj runa, Chipre churumanta karqa Leví ayllumanta. Apostolestaj payta suticharqanku Bernabé nispa; chayqa niyta munan sonqochaj.

Hechos 6:4

Ajinamanta noqaykoqa Diosmanta mañakuspa palabrata willaspataj kasqaykupuni.

Hechos 8:29

Santo Espiritutaj Felipeman nerqa: Qayllaykuy jaqay carroman.

Hechos 9:15

Señortaj nerqa: Riy payman. Noqa ajllani payta kamachiy kanampaj, noqamantataj willanampaj waj llajtayoj runasman, reykunaman, ajinallatataj israelitasmampis.

Romanos 1:1

Noqa Pablo, Jesucristoj kamachin kani, apóstol kanaypaj wajyasqa, Diospa evangelionta willanaypaj t'aqasqa.

Romanos 10:15

Imaynatataj willanqanku mana kachasqas kaspari? Escribisqapi nishan: May k'achapuni sonqo tiyakuyta allin imastataj willajkunaj chakisninkoqa!

Romanos 15:16

Jesucristoj kamachin kaspa, Diospa evangelionta gentilesman willanaypaj, paykuna sumaj rikuchiku jina, llimphuchasqas Santo Espiritunejta kanankupaj.

1 Corintios 12:11

Kay tukuy imasta ruwan ujlla, kikin Espíritu. Paytaj rak'in imaymana yachaykunata sapa ujman munasqanman jina.

1 Corintios 7:5

Chayrayku ama qankunaqa mana nispa ninakuychejchu. Astawanqa pisi tiempollapaj saqeychej, qhari warmi parlarikuspa, Diosmanta mañakunaykichejpaj. Chaymanta watejmanta tantakapullaychejtaj, ama Supay urmachinasuykichejpaj, mana kakuyta atisqaykichejrayku.

2 Corintios 11:27

Llank'aypi may sayk'uywan, sapa kuti mana puñuspa karqani. Yarqhaywan, ch'akiywan anchata ch'ayñarqani. Chiriwarkataj p'achay mana kashajtin.

Gálatas 1:15

Chantá, maypachachus Dios munarqa wajyawayta, chaypacha khuyakuyninrayku mamaypa wijsanmantapacha ajllawarqa.

Efesios 3:7

Chay evangeliota willanaypajtaj noqa churasqa karqani, mana chaypaj jina kashajtiypis. Chaytarí ruwarqa Dios atiyninman jina.

Deuteronomio 10:8

Chaypacha Señorqa Leví aylluta ajllarqa trato cajonta apanampaj, Señorpa ñaupaqempi kanampaj, payta yupaychaspa, sutimpi bendicispa. Chaytaqa kunankama ruwashallankupuni.

Colosenses 4:17

Arquipoman niychej: Señorpa nisusqanta ruwanaykipaj, allinta junt'ay.

1 Timoteo 2:7

Chaypi willaj apostoltaj churasqa karqani, cheqata nini mana llullakuspa, gentilespa yachachejnin, fepi, cheqa kajpitaj.

2 Timoteo 1:11

Chay evangelionejta noqapis churasqa karqani willanaypaj, apóstol, yachachejtaj.

2 Timoteo 2:2

Imatachus ashkha runa rikushajtin nerqayki, chayta allin ruwajkunaman yachachiy, paykunapis wakichisqa kaspa yachachinankupaj.

2 Timoteo 4:11

Lucaslla noqawan kashan. Marcosta pusamuway, imaraykuchus payqa, allin yanapanawampaj.

2 Timoteo 4:5

Qantaj maychus kajta kausakuy tukuy imapi, llakiykunata apay evangeliota willaraspa. Llank'ayniykita allinta junt'ay.

Hebreos 5:4

Manataj pipis pay kikimpaj allin sutita jap'inchu, manachus Dios wajyanman chayqa, Aaronta jina.

1 Samuel 2:11

Chay qhepamantari Elcanaqa Ramapi wasinman kutiporqa, chay wawari qhepakorqa Señorpa nisqanta ruwaspa, sacerdote Elejpa kamachisqanman jina.