Hechos 10:4 - Qheshwa Biblia DC

⁴ Corneliotaj angelta qhawarispa mancharikorqa, nerqataj: Wirakochi, imataj kay? Angeltaj kuticherqa: Mañakusqasniyki wajchasta yanapasqasniyki ima, Diospa ñaupaqenman chayanku. Kunantaj qanmanta yuyarikusunki.

DIOSPA QHELQACHISQAN DEUTEROCANONICAL

⁴ Corneliotaj angelta qhawarispa, manchachikuywan nerqa: Imatataj munashanki, wiraqochíy? nispa. Angeltaj kuticherqa: Diosqa mañarikusqaykita uyarisunki, jinallataj wajchakunata yanapasqaykitapis rikullantaj.

DIOSPA QHELQACHISQ

⁴ Corneliotaj angelta qhawarispa, manchachikuywan nerqa: Imatataj munashanki, wiraqochíy? nispa. Angeltaj kuticherqa: Diosqa mañarikusqaykita uyarisunki, jinallataj wajchakunata yanapasqaykitapis rikullantaj.

Quechua South Bolivia: Dios Parlapawanchej

⁴ Corneliotaj payta allinta khawarerka. Manchachicuspa taporkataj: —Señor ¿imataj cayrí? —nispa. Chay angeltaj cuticherka: —Diosmanta mañacuskayquipis pisichicojcunata qhuyaskayquipis Diosta cusichin. Paytaj uyarishasunqui.

Hechos 10:4 ပူးပေါင်းရင်းမြစ်များ

2 Crónicas 32:24

Chay tiempopi Ezequiasqa sinch'ita onqoywan urmarqa. Chaypacha Señormanta mañakorqa, paytaj mañakusqanta kuticherqa uj milagrowan.

2 Crónicas 6:33

Janaj pachamantapacha uyarimuy, tiyakushanki chaymantapacha, qoytaj tukuy imastachus mañakususqanta, kay pachamanta naciones rejsichunku, manchachikusuchunkutaj, Israel aylluyki jina, yachachunkutaj sutiykeqa kay wasipi oqharisqa kasqanta, kay yupaychana wasita ruwapususqaypi.

Salmos 141:2

Mañakususqayqa ñaupaqeykipi inciensoj q'apaynin jina kachun. Qanman makisniyta oqharisqaytaj inti yaykuy horasta jaywana jina kachun.

Salmos 20:3

Yuyarikuchun tukuy jaywasqasniykimanta. Tukuy sonqotaj jap'ichun altarpi uywasta q'olachisqasniykimanta.

Isaías 43:26

Qan yuyarichiway, iskayninchej parlakuna. Qan parlariy ari, cheqamanta mana juchayoj kasqaykita rejsichinaykipaj.

Isaías 45:19

Noqaqa mana pakaypichu parlani, manataj jallp'api maynejpichus laqha kashan chaypichu. Jacobpa mirayninmanqa mana nerqanichu: Pejtusqa ukhupi mask'awaychej, nispa. Noqaqa Señor kani, cheqata parlani, cheqantataj imatapis willaykichej.

Daniel (hebreo) 10:11

Chanta niwarqa: Daniel, Diospa may munasqa runan, uyariway allinta imatachus nisqayki chayta: Sayarikuy, noqaqa qanman kachamusqa kani. Chay palabrasta parlayta tukuchisqantawan, mancharisqa kharkatitispa sayarikorqani.

Levítico 2:2

Chaymantaqa aaronita sacerdotesman jaywachun. Ujnin kaj sacerdotetaj uj k'ispiña jak'uta, aceiteyoj tukuynin inciensota ima altarpi ruphachenqa yuyarikunapaj rikuchikuta jina. Chay ruphachispa jaywasqampa q'apaynenqa Señorpaj allin kanqa.

Malaquías 3:16

[Chaypacha Diosta honrajkuna parlanakorqanku, chaytataj Señorqa sumajta uyarerqa, imatachus nisqankuta. Señorpa ñaupaqempi uj libro qelqakorqa. Payta honrajkuna, paypa sutinta yuyarikojkunataj chay libroman jina yuyarisqas karqanku.]

San Mateo 26:13

Cheqamanta niykichej, mayllapipis mundontimpi kay evangelio willakojtin, kay warmej ruwasqampis yachakonqa, paymanta yuyarinankupaj.

San Lucas 1:29

Angelpa nisqanta uyarispataj t'ukorqa, imatachus niyta munasqanta chay napaykusqan.

San Lucas 24:5

Mancharikuspa k'umuykojtinkutaj, chay qharis paykunaman nerqanku: Imaraykutaj kausashaj runata wañusqas ukhupi mask'ashankichej?

Hechos 10:31

Paytaj niwarqa: Cornelio, Dios uyarimusunki mañakusqaykita, yuyarikullantaj wajchakunata yanapasqaykimantapis.

Hechos 14:9

Chay runaqa, Pabloj parlasqanta uyarisharqa. Pablotaj suchu runata qhawarispa, yacharqa creesqantaña thañinampaj.

Hechos 22:10

Chaymantataj noqa nerqani: Imatataj ruwasajri? Señortaj niwarqa: Jatarispa Damascoman yaykuy, chaypitaj nisonqanku imatachus ruwanaykita.

Hechos 3:4

Paykunataj suchuta qhawarerqanku. Pedrotaj nerqa: Qhawariwayku.

Filipenses 4:18

Noqaqa tukuy imata jap'erqaniña. Ashkhaña kapuwan. Junt'asqa kani. Epafroditomanta jap'erqani apachimuwasqaykichejta, k'acha q'apayniyojta jina, allin rikuchikuta jinataj, Diospajtaj allin qhawasqata.

Filipenses 4:6

Ama imamantapis llakikuychejchu, astawanqa Dios yachachun tukuy ima mañakusqaykichejta, majakuspa, graciasta qospataj.

Hebreos 13:16

Amataj qonqaychejchu allin kajta ruwayta, yanapanakuyta ima. Diosqa chay jina rikuchikusta munan.

Hebreos 6:10

Diosqa cheqan kaspa, mana qonqapunchu ruwasqasniykichejmanta, munakuyta rikuchisqaykichejmanta sutinrayku. Qankunaqa ajllasqasta yanaparqankichej, kunampis yanapashallankichejpuni.

Apocalipsis 8:4

Inciensoj q'osñintaj angelpa makinmanta Diospa ñaupaqenman wicharerqa, ajllasqaspa mañakusqasninkuwan.

1 Samuel 3:10

Chaypacha Señorqa paynejman qayllaspa wajyallarqataj ñaupaj kutispi jina: Samuel!, Samuel!, nispa. Samueltaj kuticherqa: Parlallay, kamachiykeqa uyarishasunki, nispa.