Hageo 2:4 - Qheshwa Biblia DC

⁴ Kallpachakuy, Zorobabel! Jinallataj, qampis kuraj sacerdote Josué, kallpachakuy! Tukuy runakuna, qankunapis kallpachakullaychejtaj. Llank'aychej, noqa qankunawan kashani. Noqa, Tukuy Atiyniyoj Señorqa cheqamanta niykichej.

DIOSPA QHELQACHISQAN DEUTEROCANONICAL

⁴ Chaywanpis Zorobabel, kunan kallpachakuy ari. Jinallataj qanpis, Josadacpa churin kuraj kaj sacerdote Josué, kallpachakullaytaj. Kay jallp'api tiyakojkuna, qankunapis kallpachakullaychejtaj. Temployta ruwayta qallariychejpacha, imaraykuchus noqa qankunawan kashani, nispa. Ajinata Tukuy Atiyniyoj Tata Dios nisunkichej.

DIOSPA QHELQACHISQ

⁴ Chaywanpis Zorobabel, kunan kallpachakuy ari. Jinallataj qanpis, Josadacpa churin kuraj kaj sacerdote Josué, kallpachakullaytaj. Kay jallp'api tiyakojkuna, qankunapis kallpachakullaychejtaj. Temployta ruwayta qallariychejpacha, imaraykuchus noqa qankunawan kashani, nispa. Ajinata Tukuy Atiyniyoj Tata Dios nisunkichej.

Hageo 2:4 ပူးပေါင်းရင်းမြစ်များ

2 Samuel 5:10

Davidtaj astawan atiyniyojman tukusharqa, Dios Tukuy Atiyniyoj Señor paywan kasqanrayku.

1 Crónicas 22:13

Tukuy imapi allin risonqa, leykunasninta junt'aj churakunki chayqa, jinataj Señorpa nisqasninta, Israelman Moisesnejta kamacherqa chaykunatapis. Kallpachakuy, sinch'itataj sayay; ama iskayrayaychu, amataj manchachikuychu.

1 Crónicas 28:20

Chaypacha Davidqa Salomonman nerqa: Kallpachakuy, sinch'itataj sayay, llank'aj pachataj churakuy. Ama iskayrayaychu, nitaj manchachikuychu, Señor Diosneyqa qanwampuni kanqa. Payqa mana saqesonqachu, nitaj qonqarparisonqachu, Señorpa yupaychana wasimpi tukuy ruwanasta tukuyaykikama.

Esdras 10:18

Waj llajtayoj warmiswan casarasqanku chay sacerdotesta tarerqanku, kaykunataj karqanku: Josadacpa wawan Josuejpa mirayninmantawan wauqesninmantawan karqanku kaykuna: Maazías, Eliezer, Jarib, Gedalías ima.

Esdras 5:2

Chaypacha Salatielpa wawan Zorobabel, Josadacpa wawan Josuetaj watejmanta Jerusalempi kaj Diospa templonta ruwayta qallarerqanku. Diospa profetasnintaj paykunata umachaspa kallpachasharqanku.

Éxodo 3:12

Diostaj kuticherqa: Noqamin qanwan kasaj, kay señalta qosqayki, noqa qanta kachasusqayta yachanaykipaj. Maypachachus aylluyta Egiptomanta orqhomunki chaypacha, tukuyniykichej kay orqopi yupaychawankichej.

Hageo 1:13

Chaypachataj Señorpa kachasqan Hageoqa, paykunaman parlarqa Diospa sutimpi kay jinata: Señorqa nin: Noqa kaspa cheqamanta niykichej: Noqa qankunawan kashani.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Zacarías 8:9

Tukuy Atiyniyoj Señor kayta nin: Qankuna kallpachakuychej. Kay p'unchaykunasllaraj uyarinkichej profetaspa parlasqasninkuta, Tukuy Atiyniyoj Señorpa yupaychana wasin, watejmanta ruwakuyta qallarikusqanmantapacha.

Marcos 16:20

Paykunataj llojsiytawan tukuynejpi evangeliota willarqanku. Señortaj yanapasharqa, señalesta ruwasqankuwan rikuchispa willasqanku cheqa kasqanta.]

Hechos 7:9

Jacobpa wawasnin ñaupa tatakunaqa, wauqenku Joseta chejnispa, kamachita jina venderqanku Egipto llajtaman pusanankupaj. Diostaj Josewan karqa payta waqaychaspa.

1 Corintios 16:13

Ama puñuspa mañakuychej, sinch'i kaychej feniykichejpi, qhari jinataj kaychej kallpachakuspa.

Efesios 6:10

Chayrayku, kallpachakuychej Señorpi, atiynimpa kallpampi.

Deuteronomio 31:23

Numpa wawan Josuemanta Señorqa kay jinata kamacherqa: Qanqa sumajta kallpachakuy, sinch'itataj sayay. Qan israelitastaqa pusaykunki, paykunaman qonayta nerqani chay jallp'aman, noqataj qanwampuni kasaj.

2 Timoteo 2:1

Qanqa, wawáy, kallpachakuy, Cristo Jesuspi kashan chay khuyakuywan.

2 Timoteo 4:17

Chaywampis, Señor noqawan karqa, kallpachawarqataj evangeliota allinta willanaypaj, tukuy mana judiostaj uyarinankupaj. Ajinamanta Señorqa leompa siminmanta kacharichiwarqa.

Josué 1:6

Sumajta kallpachakuy, waputaj kay. Qanmanmin chayasunki kay aylluman jallp'ata rak'inaykeqa. Kay jallp'ataqa tatasninkuman nerqani chayaqenkupaj kanampaj qonayta.

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Jueces 2:18

Señorqa sapa kuti jatarichej uj kuraj runata chantá yanapajtaj. Chay kuraj runa kausashajtintaj israelitasta kacharichejpuni enemigosnimpa makisninmanta, sinch'i ñak'ariypi waqasqasninkuta uyarispataj paykunata khuyakoj.

1 Samuel 16:18

Chaypacha paykunamanta ujnin kamachin, nerqa: Noqa rikuni Belén llajtapi, Isaejpa ujnin wawan sumajta tocayta yachasqanta. Payqa maqanakunapajpis wapu, maychus kajta parlaj, allin rijch'ayniyoj, Señortaj paywan kashan.