Hageo 1:6 - Qheshwa Biblia DC

⁶ Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Ujyankichej, chaywampis ch'akichikullankichejpuni. P'achata churakunkichej, manataj q'oñikunkichejchu. Jornal llank'ajtaj, pagonta jap'ispa jusk'u wayaqaman churaykun.

DIOSPA QHELQACHISQAN DEUTEROCANONICAL

⁶ Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Yakuta ujyankichej, chaywanpis yakumanta ch'akichikullankichejpuni. P'achallikunkichej chaypis, mana chirimanta jark'asunkichejchu. Jornalpi ganakusqaykichejpis mana imapaj wakinchu, nispa.

DIOSPA QHELQACHISQ

⁶ Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Yakuta ujyankichej, chaywanpis yakumanta ch'akichikullankichejpuni. P'achallikunkichej chaypis, mana chirimanta jark'asunkichejchu. Jornalpi ganakusqaykichejpis mana imapaj wakinchu, nispa.

Hageo 1:6 ပူးပေါင်းရင်းမြစ်များ

Hageo 1:9

Qankuna ashkhata mask'ankichej, pisitataj tarinkichej. Wasisniykichejpi waqaychasniykichejtataj, ujta phukuspalla apakapusaj. Imarayku? Wasiy thuñisqa tarikusqanrayku, qankunataj wasisniykichej sumaj ruwasqa kanallanmanta yuyankichej. Noqa Señor chaytaqa nini.

Oseas 4:10

Paykunaqa qonqapunku Señorta sirviyta, chayrayku mikhuspapis mana sajsakonqankuchu; ujwantaj ujwantaj qhenchachakuspapis mana wawasniyojchu kanqanku.

Oseas 8:7

Paykunaqa wayrasta tarporqanku, oqharerqankutaj sinch'i muyoj wayrata. Mana kanqachu cosechanankupaj jina chajrasninkupis nitaj jak'utapis orqhoyta atenqankuchu trigoj espigasninmanta; sichus orqhonkuman chaypis waj llajtasniyojlla mikhukaponqanku.

Isaías 5:10

Kinsa hectárea uvasmanta uj yuru vinolla kanqa. Chunka carga trigo mujumanta uj kargu trigollata poqonqa.

Zacarías 8:10

Kunankama mana paganku karqachu runaspaj nitaj uywaspajpis. Chejnikojkunarayku mana ima ch'ajwapis faltarqachu chaypi tiyakojkuna ukhupi; noqapunitaj kausaqesnintimpura ujkuna ujkunata chejninaracherqani.

Zacarías 5:4

Tukuy Atiyniyoj Señor nin: Noqa kachamuni kay maldiciontaqa, pischus suwanku, pistajchus qhasimanta sutiypi juranku chaykunaj wasinman yaykunampaj. Chay maldiciontaj chaypi qhepakonqa, k'aspis jinataj rumis ni uj puchuyoj kanankama, nispa.

Jeremías 44:18

Maypachachus inciensosta, vinota chay Cielomanta Reinaman jaywayta saqerqayku chaymantapacha tukuy imas pisiwayku, runasniykupis yarqhaypitaj, maqanakupitaj wañuranku.

Jeremías 14:4

Chajrata poqochej runas, ch'aukiyasqas rikhurerqanku, p'enqaywan umasninkuta qhataykukuspa, imaraykuchus chay ch'aki jallp'aman mana paramorqachu.

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

Job 20:28

Diospa phiñakuynin mayu chayamoj jina payman jamojtin, tukuy kapuyninta apakaponqa.

Job 20:22

Astawan imasnimpis ashkha kajtenqa, astawan mana kusiyniyoj kanqa; tukuy sajra runaspa makin paypa patanman jamonqanku.

1 Reyes 17:12

Paytaj kutichispa nerqa: Señor Diosniykipis yachan, mana chayasqa t'antay kanchu; uj chhika jak'ullay tiyapuwan uj wich'ipi, uj yurupi uj chhika aceitepiwan; kunantaj uj iskay llant'ata pallakusharqani, yaykuspataj noqapaj wawaypajwan ruwarqonaypaj, chayta mikhuykuspataj yarqhaywanchá wañupusqayku.

2 Samuel 21:1

Davidpa tiemposnimpi kinsa wata junt'ata uj yarqhay karqa. Chaypacha Davidqa Señorta tapurerqa, Señortaj kuticherqa: Chay yarqhayqa jamun Saúl jinataj ayllumpis yawarta jich'asqankurayku, paykunaqa gabaonitasta wañuracherqanku.

Levítico 26:26

Maypachachus mikhunaykichejta pisiyachisaj chaypacha chunka warmis uj hornollapi t'antata chayachenqanku. Paykunaqa qankunaman may pisi t'antata qosonqachej, manataj sajsakunkichejchu.

Levítico 26:20

Qhasillata kallpaykichejta tukuchinkichej, imaraykuchus jallp'apeqa manapuni imapis poqonqachu, ni campo sach'aspis poqonqankuchu.

Nehemías 5:2

Paykunamanta wakin nerqanku: Noqaykoqa ashkha qhari wawasniyoj, jinataj warmi wawasniyoj kayku, chayrayku trigota munayku ama yarqhaymanta wañunaykupaj.

Jeremías 12:13

Tarporqanku trigota, khishkasllatataj oqharerqanku. Tukuypa llank'asqankoqa qhasillapaj karqa. Chajrasqa mana poqorqachu, noqaj sinch'i phiñakuyniyrayku.

Hageo 1:5

Noqa, Tukuy Atiyniyoj Señormin niykichej: Allinta reparakuychej purisqaykichejta.

Hageo 1:7

Noqa, Tukuy Atiyniyoj Señormin niykichej: Allinta reparakuychej purisqaykichejta.

Hageo 1:10

Chayrayku qankunapaj mana paramunchu, jallp'apis qankunapaj mana poqoyta qonchu.

Hageo 2:17

Noqa tukucherqani tukuy llank'asqaykichejta, onqoywan, granizowantaj. Chaywampis qankunaqa mana noqaman kutirimorqankichejchu, noqa Señor nini.

Deuteronomio 28:17

Maldicisqas kankichej mana jak'uyoj, mana t'antayoj kaspapis.

Proverbios 11:24

Pichus mana mich'akuspa qojkunamanqa imapis astawan yapakun; pichus mich'akojpajtaj imapis tukukojlla, wajchayayllataj.