Habacuc 2:3 - Qheshwa Biblia DC

³ Chaywampis manaraj chayamunchu rikusqayniykiman jina junt'akunanqa, chaywampis mana junt'akuspaqa mana qhepakonqachu. Qhaparejmanña rijch'asunki chaypis suyarillay, chaypaj junt'akunan tiempoqa chayamullanqa.

DIOSPA QHELQACHISQAN DEUTEROCANONICAL

³ Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

DIOSPA QHELQACHISQ

³ Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

Habacuc 2:3 ပူးပေါင်းရင်းမြစ်များ

2 Reyes 6:33

Ajinata paykunawan parlashajtillanraj, chay kacha runaqa chayamorqapacha paypaman, nerqataj: Cheqamantapuni kay tukuy sajraqa Señormanta jamun. Imapajña astawan Señorpi suyasajri?, nispa.

Salmos 102:13

Sayarikuspa Sionmanta khuyakunki. Tiempoña khuyakuyniykeqa, junt'akunña perdonanaykipaj horaqa.

Salmos 27:14

Señorpi atienekuy, kallpachakuy, ama llauchhuyaychu ari, Señorpipuni atienekuy.

Éxodo 12:41

Mayk'ajchus tawa pachaj kinsa chunkayoj watas junt'akorqa, chay kikin p'unchayllataj Señorpa soldadosnin Egiptomanta llojsiporqanku.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

Isaías 8:17

Señorllapi suyasaj, payqa Jacobpa mirayninmanta uyanta pakaykumpis. Payllapitaj atienekusaj.

Jeremías 27:7

Tukuy nacionespis payman, wawanman, allchhinman ima kamachisninku kanankupaj jaywasqas kanqanku. Chaytaj kanqa paykunaj jallp'ankuñataj, jatuchaj nacionesman, jinataj atiyniyoj reykunasmampis jaywasqas kanankukama.

Ezequiel 12:25

Imaraykuchus noqa Señormin parlasaj, palabraytaj junt'akonqapacha. Mana kasukoj ayllu, qankunallataj chayta rikunkichej. Noqa parlasaj, nisqaytataj junt'asaj. Noqa Señormin chayta parlani.

Ezequiel 30:9

Chay p'unchaypi buquespi willarajkunata kachasaj, Etiopía jallp'api mana ima llakiyniyoj tiyakoj runasman chay manchaymanta uyarichimunankupaj. Paykunapajpis imaynatachus Egipto llajtapaj manchay jasut'i chayamorqa, ajinallataj kanqa. Chay p'unchaytaj chayamushanñapuni.

Daniel (hebreo) 10:14

Allinta willasunaypaj jamuni, imachus qhepa p'unchaykunapi aylluykiman jamonqa chayta. Kay rikusqaykeqa, chay p'unchaykunamantamin kashan.

Daniel (hebreo) 11:27

Chaypacha iskayninku reyes, mana allin kajta ruwanakuyta munaspalla, khuska tiyarikonqanku mikhunankupaj. Chaypitaj llullata purajmanta ninakonqanku. Manataj mayqenninkupis yuyasqankuta junt'anqankuchu. Manaraj chaypajqa horachu kanqa.

Daniel (hebreo) 11:35

Yachayniyojkunamanta wakin qhatiykachisqasllataj kanqanku. Ajina ñak'ariywan, paykunaqa llimphuchasqas, sumajyachisqas, yurajyachisqastaj kanankupaj, tukukuypaj wakichisqa rato chayamunankama.

Daniel (hebreo) 8:17

Chanta Gabrielqa qayllaykamuwarqa. Noqataj mancharikuywan pampakama k'umuykorqani, paytaj niwarqa: Runa, yachay, chay mosqoypi jina rikhurisojqa niyta munan, p'unchaykunaj tukukuyninmanta.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Miqueas 7:7

Jinapis noqaqa Señorllapi suyasaj, payllapitaj confiakusaj salvawajniy Diospi, imaraykuchus Pay uyariwanqa.

Sofonías 3:8

Chayrayku, qankuna suyariwaychej chay p'unchaykama maypachachus noqa sayarisaj contraykipi parlanaypaj. Noqa Señorqa kaytamin nini: Yuyaychakuni tantamuyta runasta, nacionesmanta reinosmantawan, phiñakuyniyta paykunaj patanman urmachinaypaj. May k'ajashaj phiñakuyta paykunaman rejsichinaypaj. Chaypachataj tukuynin jallp'a t'unasqa kanqa nina larwaj phiñakuyniyrayku.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

San Lucas 2:25

Chaypacha tiyakorqa Jerusalempi, uj runa Simeón sutiyoj. Payqa k'acha karqa, Diostataj manchachikoj. Allin runa kaspa suyasharqa Israel sonqochasqa kananta. Santo Espiritupis paypi kasharqa.

Hechos 1:7

Jesustaj kutichispa nerqa: Qankunaqa mana yuyanaykichejchu tiyan mayk'ajchus, chayrí ima horatachus Dios Tata jatun atiynimpi chay imasta ruwanan kasqantaqa.

Hechos 17:26

Paytaj, uj runallamanta tukuy laya runata miracherqa, tukuy jallp'api paykuna kausanankupaj. Chayta wakicherqa, ima p'unchaykunapichus, may jallp'apichus kausanankuta, ajinamanta runakuna Diosta mask'anankupaj. Ichapis mask'aykachasqankupi llankharispa Diosta tarinkuman. Cheqamanta Diosqa mana karupichu kashan sapa ujninchejmanta.

Gálatas 4:2

Chayaqeta jap'ej wawaqa, waqaychajkunaj, qhawajkunaj kamachimpi kashan, tatampa nisqan p'unchaykama.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

2 Pedro 3:9

Señorqa jamusaj nisqanta mana qonqashanchu, imaynatachus wakin yuyanku Cristo qonqapusqanta. Manachayqa, Dios pacienciakun tukuy qankunapaj, khuyakuyninwan mana pitapis juchanrayku chinkananta munaspa, astawanqa tukuy runa Diosman kutirinanta munan.