Génesis 49:10 - Qheshwa Biblia DC

¹⁰ Ni pi qhechonqachu Judaj atiyninta, ni makimpi kashaj chay tojnuntapis, chay tojnuyoj chayamunankama, pitachus tukuy llajtas kasonqanku.

DIOSPA QHELQACHISQAN DEUTEROCANONICAL

¹⁰ Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

DIOSPA QHELQACHISQ

¹⁰ Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Génesis 49:10 ပူးပေါင်းရင်းမြစ်များ

2 Samuel 7:13

Payqa uj yupaychana wasita jatarichipuwanqa, noqataj wiñaypaj reinonta sayachisaj.

2 Samuel 7:16

Mirayniykita reinoykitawanqa Noqa waqaychasaj wiñaypaj, ajinallatataj reinoykipis wiñaypaj qhepakonqa.

1 Crónicas 12:24

Judá ayllumanta kajkuna sojta waranqa pusaj pachajniyoj runas escudosnintin, lanzasnintin, maqanakupaj wakichisqas.

1 Crónicas 12:39

Chaypi Davidwan kinsa diasta karqanku mikhuspa, ujyaspataj, llajta masisninku chay tukuyta wakichisqankurayku.

Salmos 108:8

Noqajtamin kunan Galaadpis, Manasespis, Efraintaj umayta jark'aj monteray. Judataj kamachinay vara.

Salmos 60:7

Galaadwan Manaseswan noqajta. Efraintaj umayta jark'aj monteray. Judataj kamachinay vara.

Salmos 60:9

Pitaj sumaj perqasqa llajtaman pusawanqa? Pitaj Edomkama pusawanqari?

Salmos 78:68

Ajllarqataj Judá aylluta, munakusqan Sión orqotawan.

Isaías 11:10

Chaypacha Isaejpa saphinmanta ch'illchejqa, tukuy nacionespaj uj señal kanqa. Chay runastaj payta mask'anqanku; tiyakunantaj lliphipirenqa.

Isaías 2:2

Qhepa p'unchaykunapi kay jina kanqa, Señorpa wasin lomaqa tukuy orqosmanta aswan patapi sayachisqa kanqa, oqharisqataj kanqa tukuy orqosmanta aswan pataman. Tukuy nacionestaj chaymampuni jamonqanku.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Isaías 42:1

Qhawariy kamachiyta. Payta noqaqa sayachini, payqa noqaj ajllasqay. Paypi noqaqa kusikuni. Payman Espirituyta churani, tukuy nacionespaj cheqan kajta apamunampaj.

Isaías 55:3

Ningriykichejwan sumajta uyariwaychej, noqamantaj qayllamuwaychej. Uyariwaychej ari kausanaykichejpaj. Qankunawan wiñaypaj uj tratota ruwasaj, imatachus munakuyniywan Davidman nerqani, chayta junt'aspa.

Isaías 60:1

Sayarikuy, lliphipiy, imaraykuchus k'anchayniykeqa llojsimunña, Señorpa k'anchaynenqa qanman chayamusunkiña.

Isaías 62:11

Señorqa tukuy jallp'a patapi kajkunaman nimun: Uyariychej, Siompa ususinman niychej: Salvajniyki t'inkan aparisqa jamushan, imatachus wakichisqantawan oqharisqa.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Jeremías 30:21

Paykuna ukhumanta kuraj kajninku llojsenqa, kamachejninkupis paykuna ukhullamantataj llojsenqa. Paytaqa noqaman qayllachimusaj. Pitaj kausayninta qoyta munanman noqaman qayllamunawampajri?

Jeremías 33:26

Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

Ezequiel 19:11

Ramasnintaj may sinch'ita rakhuyarqanku reyespa tojnusnimpaj kanankama, maytapuni wiñarqa, phuyusta taripanankama. Tukuy sach'asmanta llojsisqa karqa, chhika jatumpuni, ashkha q'omer ramasniyojtaj.

Ezequiel 19:14

Ramasninmanta nina llojsimun, chaytaj q'omer ramasninta ch'akiykuchipun, jinallataj poqoynintapis. Manaña sinch'i ramasnin kanchu reyespa tojnusnimpajqa. Kay takeyqa aya p'ampanapaj takiy karqa.

Ezequiel 21:27

Tukuyta thuñisaj, thuñisqamantapis llimphu thuñisqatapuni saqesaj. Kaytaj ruwakonqa, justiciata ruwanampaj churaniña chay jamojtinraj.

Ezequiel 21:32

Ruphachisqa kanki, t'unasqataj. Yawarniykitaj llajtantinta correnqa, nitaj pipis ujtawan qanmanta yuyarikonqachu. Noqa Señor kaytaqa nini.

Daniel (hebreo) 9:25

Kayta yachay; unanchaytaj: Jerusalén llajta watejmanta ruwakunampaj kamachisqa kanqa chay ratomantapacha. Kamachej Mesías chayamunankamaqa, qanchis semanas kanqa. Chanta Jerusalempa callesnin, muyuynimpi perqasnimpis watejmanta ruwasqas kanankamataj, sojta chunka iskayniyoj semanas kanqa. Chaypachataj manchay llakikuy p'unchaykuna kanqa.

Oseas 11:12

Efraenqa llullerasninwan muyuykuwan; Israel ayllupi ch'aukeriyasninwan muyuykuwan. Judatajrí, Diosmanta t'aqakapun, kunantaj sumajta purikushan chay lantisninwan.

Miqueas 5:1

Chaywampis kunanqa, Jerusalén wakichikuy jark'akunaykipaj imaraykuchus muyuykusunku may sinch'itata jasut'enqanku Israelpa kurajninta.

Hageo 2:7

Tukuy nacionesta kharkatichisaj, tukuy nacionestaj tiyapusqanta apamonqanku, temploytaj gloriawan junt'a kanqa. Tukuy Atiyniyoj Señorqa ajinata nin: Qolqepis, qoripis noqajta.

Zacarías 10:11

Egipto mar qochata pasanqanku, oladasnin kajtapis maqaspa ch'inyachisaj. Nilo mayutapis ukhusninkama ch'akichisaj, Asiriaj may runaykachasqantapis chinkachisaj, Egiptoj atiynintapis tukuchisaj.

Zacarías 2:11

Kayta rikuspa ashkha runakuna Señorman chimpamonqanku. Paytaj nenqa: Kay runakuna ayllullaytaj kanqanku, nispa. Jinamanta kausakusaj qankunawan khuska. Ajinamanta yachanaykichejpaj Tukuy Atiyniyoj Señor qankunaman kachamuwasqanta.

Números 21:18

Kuraj runas tojnusninkuwan allarqanku, llajtamanta sumaj runas kamachina tojnusninkuwan kicharerqanku, nispa. Israelitasqa chay ch'inmanta Matana nisqakama rerqanku, chaymantaqa Nahalielman, chaymanta Bamotman, chaymantaqa Moab valle jallp'aman, Pisga patanejkama, maymantachus ch'in pampas rikukun, chayman.

Números 24:17

Imachus qhepaman kana kajta rikuni, may karupi rikuni. Jacobmanta uj qoyllur llojsin. Israel ukhumanta uj rey jatarin. Moabpa umanta ñat'urparin. Setpa miraynintapis tukuyninta saronqa.

Números 24:19

Jacobmanta uj atipaj llojsenqa, llajtapi qhepakojkunata chinkachenqa.

San Mateo 1:21

Mariataj uj qhari wawata nacichikonqa, sutichankitaj Jesús sutiwan; imaraykuchus pay ayllunta salvanqa juchasninmanta.

San Mateo 17:5

Ajinata Pedro parlashajtillanraj, ujllata k'ancharishaj phuyu paykunata pakaykorqa. Chay phuyu ukhumantataj uj voz nimorqa: Kaymin munasqa Chureyqa, paywan ancha kusisqa kani. Payta uyariychej.

San Mateo 21:9

Ñaupaqenta qhepanta ima rejkunataj qhaparisharqanku, nispa: Yupaychasqa kachun Davidpa Churenqa! Señorpa sutimpi jamojqa, jatunchasqa kachun! Janaj pachakunapipis yupaychasqallataj kachun!

San Mateo 25:32

Tukuynejmantataj tukuy laya runas ñaupaqenman tantakamonqanku. Paytaj ujkunata ujkunamanta t'aqanqa; imaynatachus michejpis, ovejasta cabrasmanta wajman t'aqan, ajinata.

San Juan 12:32

Noqachus jallp'amanta oqharisqa kasaj chayqa, chaypacha tukuy runata noqaman pusamusaj.

San Juan 18:31

Chantá Pilato paykunaman nerqa: Pusaychej, leyniykichejman jinataj juzgaychej. Judiostaj payman nerqanku: Noqayku judiosqa mana pitapis wañuchiyta atiykumanchu.

San Juan 19:12

Chaymantapacha Pilatoqa Jesusta kachariyta munasharqa; judiostaj qhaparerqanku: Chay runatachus kacharinki chayqa, mana Cesarpa amigonchu kanki; pillapis rey ruwakojqa, Cesarpa contrampi.

San Juan 19:15

Paykunataj qhaparerqanku: Amaña, amaña, cruzpi chakatallayña!, nispa. Pilatotaj paykunaman nerqa: Reyniykichejtachu cruzpi chakatasaj? Kuraj sacerdotestaj kuticherqanku: Mana waj reyniyku kanchu kamachejmanta astawanqa.

San Juan 9:7

Chantá payman nerqa: Kunanqa riy, Siloé estanquepi mayllakamuy; Siloé niyta munan kachasqa. Ciego runataj rispa mayllakamorqa, qhawashajtaj kutimorqa.

Romanos 15:12

Isaías ujtawan nillantaj: Isaejpa saphin qhepakonqa. Chaymantataj jatarenqa gentilesta kamachinampaj. Ajinata gentilesqa paypi suyanqanku.

2 Corintios 5:10

Tukuyninchej, Cristoj cuenta mañanampi rikhurinanchej tiyan, sapa uj jap'inanchejpaj ruwasqanchejman jina, allin kajta, chayri mana allin kajtapis.

Deuteronomio 28:57

Ajinaqa pakayllamanta tukuyninta mikhukaponqanku ukhunmanta llojsimoj placentanta, nacej wawasnintapis sinch'i llakiypi mana ni ima kapusqanrayku, enemigosniykichej llajtasniykichejman yaykuyta munashajtinku.

Hebreos 7:14

Yachakun Señorninchejqa Judajpa ayllunmanta jamusqan. Chay ayllumantaqa mana imatapis Moisés, sacerdocio jawa parlarqachu.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.