Génesis 47:29 - Qheshwa Biblia DC

²⁹ Uj día Israelqa wañupoj jina kaspa, José wawanta wajyachimorqa ninampaj: Sichus qan cheqamanta noqata khuyayta munawanki chayqa, makiykita ukhuyman churaspa juray ari, imatachus nisusqayta ruwanaykipaj. Qanqa wawáy, ama ari kay Egiptopi p'ampawankichu.

DIOSPA QHELQACHISQAN DEUTEROCANONICAL

²⁹ Ujpacha Israelqa wañupunan qayllallaña kasqanta reparaspa, Joseta wajyachispa, nerqa: Sichus cheqatapuni munakuwanki chayqa, makiykita khapay chayman churaspa, tiluy imatachus nisusqayta ruwanaykita: Wañupojteyqa, ama ari Egiptopi p'ampawankichu.

DIOSPA QHELQACHISQ

²⁹ Ujpacha Israelqa wañupunan qayllallaña kasqanta reparaspa, Joseta wajyachispa, nerqa: Sichus cheqatapuni munakuwanki chayqa, makiykita khapay chayman churaspa, tiluy imatachus nisusqayta ruwanaykita: Wañupojteyqa, ama ari Egiptopi p'ampawankichu.

Génesis 47:29 ပူးပေါင်းရင်းမြစ်များ

Génesis 24:2

Uj kuti kamachisninmanta aswan allin machuña kajta wajyarqa, mayqenchus Abrahampa ima ninmanta allinta imatapis yacharqa chayta. Nerqataj: Makiykita piernayman churay.

Génesis 24:49

Kunanqa qankuna niwaychej ari sut'inta jina kasqanta. Sichus qankuna patronniymanta cheqamanta khuyakunkichej chayqa, manachayri sut'inta niwaychej pañamampis lloq'emampis rinaypaj.

Génesis 27:2

Isaacqa nerqa: Noqaqa, wawáy, allin machuña kani, wañuy patapi, mana yachanichu mayk'ajchus wañunayta.

Génesis 3:19

Jump'i suruyta llank'anki mikhunaykipaj ñut'u jallp'aman tukunaykikama; imaraykuchus jallp'amanta ruwasqa kanki, jallp'a kanki, jallp'amantaj kutinki.

Génesis 47:9

Jacobtaj nerqa: Ujnejmantaj ujnejmantaj purisqaypi pachaj kinsa chunka watasniyojña kani. Chayqa pisillaraj, mana allin watastaqa manaraj rikunichu tukuy kausayniypi, ñaupa tatasniy rikusqanku chaytaqa manaraj rikunichu.

Génesis 48:21

Chaymantataj Joseman nerqa: Qhaway, noqaqa wañupusajña, Dios qankunawan kanqa. Payllataj kutichisonqachej ñaupa tatasniykichejpa jallp'anman.

Génesis 50:12

Jacobpa wawasnenqa ruwarqanku imatachá tatanku kamacherqa paykunaman chayta.

2 Samuel 14:14

Tukuypis wañunanchejpuni kashan, imaynatachus yaku pampaman jich'asqa mana ujtawan oqharikuyta atikunñachu, noqanchejpis jinallataj kanchej. Chaywampis Diosqa mana pimantapis kausayta qhechunchu, mana chayqa imatapis ruwan, pichus wijch'usqa karqa chayqa, amaña karunchasqallapuni kanampaj.

2 Samuel 2:32

Chay qhepantataj Asaelpa ayantaqa aparqanku Belén llajtaman, tatampa covachan chaypitaj p'amparqanku. Joab, chay runasnin imaqa chay tukuy tutantinta rispallapuni, sut'iyanampaj Hebronman chayarqanku.

2 Samuel 7:12

Maypachachus kausayniyki tukukapojtin, wañupunkitaj chaypachaqa, mirayniykimanta kajllatataj rey kanampaj churasaj, reinontataj sayachisaj.

1 Reyes 2:1

Davidpa wañupunan p'unchay qayllamusharqa, chayrayku wawan Salomonta kamacherqa: Kunanqa noqa wañupusaj, tukuypis wañunku jinata, qantaj kallpachakuy, qhari jinataj puriy.

Job 14:14

Sichus uj runa wañun chayqa, ujtawan kausanmanchu? Tukuy kausayniypi suyasaj, kay tukuy llakiyniymanta sonqo tiyakuy jamunawankama.

Job 30:23

Noqa yachani qanqa wañuykama apanawaykita, tukuy kausajkuna wañuspa maymanchus rinanku kashan chayman.

Job 7:1

Uj runaj kausaynin kay jallp'a patapeqa, uj soldadoj kausaynin jina.

Salmos 49:7

Chaywampis, mana pipis payllamanta wauqenta salvayta atinmanchu, nitaj Diosman pagayta atinmanchu, kausayninta salvanampajqa.

Salmos 49:9

wiñaypaj Kausanallampajpuni, wañuytataj mana rikunampaj.

Salmos 6:5

Wañuspaqa ni pipis qanmanta yuyarikunñachu. Pitaj jallp'a ukhumanta yupaychasonqari?

Salmos 89:48

Ni pipis kausallanmanchu mana wañuspaqa, ni pipis ayqenmanchu sepulturamantaqa.

Deuteronomio 31:14

Chaymanta Señorqa Moisesman nerqa: Wañupunayki hora qayllaykamushanña. Josueta wajyamuy, iskayniykichejtaj Dioswan tinkukuna wasiman rinkichej. Noqa payman kamachisaj imatachus ruwananta. Jinamanta Moiseswan Josuewanqa Dioswan tinkukuna toldoman rerqanku.

Deuteronomio 31:16

Chaymanta Señorqa Moisesman nerqa: Qanqa wañupunkiña, kay israelita runastaj waj nacionespa dioskunasninkuwan juchallikonqanku kunan yaykonqanku chay jallp'api. Jinamanta paykunaqa qonqapuwanqanku, paykunawan ruwasqay tratotataj p'akenqanku.

Hebreos 11:22

Creesqanrayku Joseqa wañuy patapi kashaspa, Israelpa wawasnin Egiptomanta llojsinanku kasqanta willarqa, kamacherqataj imatachus tullusninwan ruwanankuta.

Hebreos 9:27

Imaynatachus runaspaj, uj kutilla wañunanku churasqa kashan; chaymantataj, juiciota taripananku tiyan.

Josué 2:14

Paykunataj kuticherqanku: Kausayniykuta qosqayku qankunaj kausayniykichejta salvanaykupaj, qantaj amapuni pimampis willaychu kay jamusqaykumanta. Maypachachus Señor kay jallp'ata qowasqayku chayqa, noqayku yachasqayku qanta allinta qhawayta, tukuy khuyakuyniykuwan.

Josué 23:14

Noqaqa wañuy patapiña kani, amaraj wañupushaspataj yachanaykichejta munani tukuy sonqo, tukuy alma ima allin imastachus Señorqa nerqa qonasuykichejta, chaykuna junt'akusqanta. Ni ima palabrasnimpis qhepakunchu mana junt'akuspaqa.

1 Samuel 26:10

Jurani Señornejta, Paylla Saulpa kausaynintaqa qhechonqa, wañuyman chayajtimpis, chayri maqanakuman yaykushajtimpis.