Génesis 47:27 - Qheshwa Biblia DC

²⁷ Israelitasqa Egiptopi tiyakaporqanku Gosén jallp'api, chaymanta qhepata paykunaqa ashkhata mirarqanku.

DIOSPA QHELQACHISQAN DEUTEROCANONICAL

²⁷ Israelitakunaqa Egiptopi, Gosén nisqa cheqanejpi tiyakorqanku. Chaypi jallp'ata rantikorqanku, jinataj may chhika wawayoj karqanku.

DIOSPA QHELQACHISQ

²⁷ Israelitakunaqa Egiptopi, Gosén nisqa cheqanejpi tiyakorqanku. Chaypi jallp'ata rantikorqanku, jinataj may chhika wawayoj karqanku.

Génesis 47:27 ပူးပေါင်းရင်းမြစ်များ

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Génesis 17:6

Mirayniykita ashkhata mirachisaj, qanmanta llojsenqanku reyes, naciones ima.

Génesis 26:4

Mirayniykita ashkhata mirachisaj cielopi qoyllurkunata jina, jinaspataj paykunaman kay jallp'asta qosaj. Chantapis paykunanejta tukuy naciones kay mundopi bendicisqas kanqanku, imaraykuchus Abrahamqa kasuwan, junt'antaj kamachisqasniyta, leyesniyta, kamachisqasniytawan.

Génesis 28:14

Mirayniykeqa ashkhata miranqa mana yupay atina jallp'a t'iyu jina; paykuna junt'anqanku patanejman, uranejman, inti llojsimuynejman, inti yaykuynejman. Tukuy ayllus qannejta bendicisqas kanqanku, jinallataj mirayniykinejtapis.

Génesis 34:10

Noqaykuwan tiyakuychej. Jallp'atapis munasqaykichejta llank'akuychej, chaypi tiyakuychej, imatapis munasqaykichejta rantikuychej, vendeychej, jallp'astapis munasqaykichejta rantikuychej.

Génesis 46:3

Chaypi Dios payman nerqa: Noqa Dios kani, tataykej Diosnin. Ama Egiptoman riyta manchachikuychu; chaypi mirachisaj mirayniykita uj jatun nación kanampaj.

Génesis 47:11

Josetaj chaymanta rak'irarqa wauqesninman Egiptopi sumajnin kaj jallp'asta chaypi tiyakunankupaj faraompa nisqanman jina. Ajinamanta tatan Jacob wauqesnin ima jallp'asniyoj karqanku Ramsés jallp'asnejpi.

Génesis 8:7

Kacharerqataj jatun yana q'arqañata. Chaytaj kayman jaqayman phawaykacharqa ch'aki jallp'ata mask'aspa, nitaj ni mayman tiyaykuyta atispa kutimpullarqataj.

Génesis 8:9

Palomaqa kutirimpullarqataj arcaman; imaraykuchus manarajpuni jallp'ata tarerqachu chayman tiyaykunampaj, jallp'aqa yakuwan p'ampasqallaraj karqa. Noetaj makinta jaywarqorqa ventanamanta, palomataj makinman tiyaykorqa, paytaj arca ukhuman apaykorqa.

Nehemías 9:23

May chhika wawasniyoj kanankuta qan miracherqanki, janaj pachapi qoyllurkuna jina chhikatapuni. Ñaupa tatasninkuman qonaykita nerqanki chay jallp'amantaj pusarqanki jap'ikapunankupaj.

Salmos 105:24

Diosninchejqa ayllunta ashkhata miracherqa, egipciosmanta aswan kallpayojta.

Salmos 107:38

Paykunata bendicin, ashkhaman mirachin, uywasninkutapis mirachipun.

Éxodo 1:12

Jinata astawan jasut'ispa llank'achishajtinkupis, israelitasqa astawan miraykuspa ashkhayarqanku. Chayrayku egipciosqa astawan manchachikorqanku israelitasmanta.

Éxodo 1:7

Israelitasqa ashkha kasqankuman jina ashkhata mirarqanku, may atiyniyojtaj karqanku; jinamanta paykunaqa Egiptoman junt'aykorqanku.

Zacarías 10:8

Noqa wajyakapusaj, tantaykusajtaj paykunata salvasqayrayku. Chay waj tiempopi jina ujtawan may chhikaman ashkhayallanqankutaj.

Hechos 7:17

Maypachachus Dios, Abrahamman qosqayki nerqa, chay p'unchaykunataj junt'akunampaj qayllamushajtin, Israel runakunaqa Egiptopi manchay ashkhaman mirarqanku, Egiptopi waj rey sayarinankama. Payqa Joseta mana rejserqachu pichus kasqanta.

Deuteronomio 10:22

Mayk'ajchus ñaupa tatasniykichej Egiptoman chayarqanku chaypacha paykuna qanchis chunkalla karqanku. Kunanrí qankunata Señor Diosniykichej ashkhata mirachisunkichej janaj pacha estrellasta jina.

Deuteronomio 26:5

Qankunataj Señor Diosniykichejpa ñaupaqempi kay jinata ninkichej: Ñaupa tatayqa arameo purej karqa. Egiptoman riporqa, chaypitaj tiyakorqa ayllun pisilla kashajtin. Chantaqa miraynin jatun nacionman tukorqa. Chay aylloqa atiyniyoj, ashkha runasniyojtaj karqa.