Génesis 45:6 - Qheshwa Biblia DC

⁶ Iskay wataña kay yarqhay kasqanqa, kaymanta phishqa wataswanraj kanan tiyan, chaypi manapuni ima cosechapis kanqachu, nitaj tarpusqapis poqonqachu.

DIOSPA QHELQACHISQAN DEUTEROCANONICAL

⁶ Kay suyupi yarqhay kasqanqa iskay wataña, phishqa watatawanraj kanan kashan. Chay watakunapi manapuni chajra oqharina kanqachu, nitaj tarpusqapis poqonqachu.

DIOSPA QHELQACHISQ

⁶ Kay suyupi yarqhay kasqanqa iskay wataña, phishqa watatawanraj kanan kashan. Chay watakunapi manapuni chajra oqharina kanqachu, nitaj tarpusqapis poqonqachu.

Génesis 45:6 ပူးပေါင်းရင်းမြစ်များ

Génesis 37:2

Kay jina karqa Jacobpa ayllumpa kausaynin. Chaypacha Joseqa chunka qanchisniyoj watasniyoj kasharqa; payqa ovejasta michimoj wauqesninwan khuska. Paykuna karqanku Bilhaj wawasnin Zilpajtawan; pikunachus karqanku Jacobpa tanta warmisnin. Joseqa sapa kuti tatanman willallajpuni chay wauqesnin mana allinta purisqankuta.

Génesis 41:35

Chay sumaj watas jamojpi trigota tantachunku tukuy runas yarqhay wataspi mikhunankupaj. Chayta tantachunku, qampa nisqaykiman jinataj llajtaspi waqaychachunku.

Génesis 41:46

Joseqa kinsa chunka watasniyoj karqa Egiptopi reyman pusashajtinku. Chaymanta Joseqa rishani niytawan faraompa ñaupaqenmanta rispa, qallarerqa tukuynin Egipto jallp'asta riyta.

Génesis 41:53

Ajinamanta junt'akorqa chay qanchis watas, mayk'ajchus sumajta mikhuy poqorqa chay watas Egiptopi.

Génesis 41:54

Qallarikamorqankutaj qanchis yarqhay watas, José imaynatachus nisqanman jina. Sapa llajtaspi yarqhay karqa, Egiptollapi mana karqachu, jaqaypeqa mikhuna kallarqa.

Génesis 41:56

Yarqhay tukuynej llajtaspi kajtintaj Joseqa, kicharerqa maykunapichus trigos jallch'asqas karqanku chaykunata egipciosman vendenampaj; imaraykuchus yarqhayqa astawan astawan yapakusharqa tukuynejpi.

Génesis 47:18

Chay wata tukukojtintaj qhepan wataqa ujtawan rillarqankutaj Joseman nej: Mana qanmanqa imatapis pakayta atiykumanchu wiraqochíy, manaña tiyapuwaykuchu qolqeyku; uywasniykupis qampallataña. Manaña imaykupis kanchu qanman trigomanta qonaykupaj; manachayqa jallp'asniykuwan, noqallaykuwanña.

Génesis 47:23

Chaymanta Joseqa runasman nerqa: Kunanqa qankuna jallp'asniykichejwan khuska faraompata kankichej, noqa qankunata paypaj rantiykichej.

Éxodo 34:21

Sojta diata llank'ankichej, qanchis kaj diapitaj samarikunkichej, tarpuypis kachun, chayri cosechapis kachun.

Isaías 30:24

Chaypacha llank'aj wakasniyki, burrosniyki ima, sumaj llimphu pastota mikhonqanku.

Deuteronomio 21:4

Chaywantaj uj yakuyojpuni mayu pampaman uraykonqanku, mayqen jallp'aspichus mana llank'ajchu kanku, nitaj tarpojchu kanku. Chaypitaj chay waka uñaj kunkanta p'akenqanku.

1 Samuel 8:12

Wakintaqa churanqa waranqa soldadosta kamachinampaj, wakintataj phishqa chunka soldadosta kamachinampaj. Wakintaqa jallp'asta llank'anaykichejpaj churasonqachej, chanta cosechasninta oqharinaykichejpaj, jinallataj armasta ruwanaykichejpaj, maqanakupaj carretasnimpipis armasta ruwachisonqachej.