Génesis 45:15 - Qheshwa Biblia DC

¹⁵ Chaymantataj Joseqa sapa uj wauqesnintañataj waqarikuspa, waqarikuspa ujllaykuytawan much'aykuspataj waqarikorqa. Chaymantaña wauqesnenqa ñak'ayta parlapayarqanku.

DIOSPA QHELQACHISQAN DEUTEROCANONICAL

¹⁵ Chaymantataj José sapa ujta much'aykuspa, ojllaykuspataj, waqarikorqa. Chaymantaña wawqenkunaqa mana manchachikuspa paywan parlarqanku.

DIOSPA QHELQACHISQ

¹⁵ Chaymantataj José sapa ujta much'aykuspa, ojllaykuspataj, waqarikorqa. Chaymantaña wawqenkunaqa mana manchachikuspa paywan parlarqanku.

Génesis 45:15 ပူးပေါင်းရင်းမြစ်များ

Génesis 29:11

Chaymantataj Jacobqa Raquelta napaykuspa, waqarikuspataj much'aykorqa.

Génesis 29:13

Labantaj Jacobmanta parlajta uyariytawan, panampa wawan kasqanta yachaytawan, usqhay usqhayta kachaykukorqa taripaj. Taripaytawantaj ujllaykuspa much'aykorqa, jinaspataj wasinman pusarqa. Chaypi Jacobqa willarqa tukuy ima kausayninkupi kasqanmanta.

Génesis 33:4

Esautaj corrispa Jacobta kunkanmanta ojllaykuspa much'aykorqa. Jinaytawantaj iskayninku waqarikorqanku.

Génesis 42:24

Qayllankumanta ithiriytawantaj Joseqa maytapuni waqarikorqa. Kutirimuspataj paykunaj chaupinkumanta Simeonta presocharparerqa.

Génesis 45:14

Joseqa ujtawan wauqen Benjaminta ujllaykuytawan waqarikorqa. Benjamimpis waqarikullarqataj José ujllarisqa.

Génesis 45:16

Chaymantaqa Josej wauqesnin chayamusqanku uyarikorqa faraompa palaciompi; faraontaj mayta kusikorqa tukuy kamachisninwan khuska.

Génesis 45:2

Chaymanta payqa jatunmanta waqatatarqa; chayta egipcios uyarimorqanku, jinallataj faraompa wasinmanta kajkunapis.

2 Samuel 14:33

Chaypacha Joabqa reypaman rerqa, Absalompa nisqanta willamorqa, reytaj payta wajyacherqa. Absalontaj reypa ñaupaqenman chayaspa qonqorikorqa k'umuykuspa pampakama. Reytaj Absalonta much'aykorqa.

Salmos 77:4

Qan Señor, ch'irmiykojllatapis mana saqewankichu. Noqataj titipacha kani, mana parlaytapis atinichu.

Éxodo 4:27

Chaymantataj Señorqa Aaronman parlarqa: Riy ch'in pampaman Moisesta taripaj, nispa. Paytaj kachaykukuspa Moisesta taripamorqa Diospa orqon nisqa chaypi, napaykuspataj wauqenta much'aykorqa.

San Lucas 15:20

Kikimpacha sayariytawantaj kutiporqa tatampaman. Karullapiraj kashajtintaj, tatanqa payta rikorqa. Khuyakuspataj taripaj rerqa, kunkanmanta ojllaykuytawantaj much'aykorqa.

Hechos 20:37

Tukuyninkutaj mayta waqarqanku, Pablota ojllaykuspataj much'aykorqanku.

Rut 1:14

Paykunarí watejmanta sinch'ita waqallarqankutaj. Jinapis Orfaqa ujta much'aykuspa suegranmanta t'aqakaporqa, Ruttaj paywan qhepakaporqa.

Rut 1:9

Jinataj Señor munachun watejmanta casarakuspa uj kusiy aylluta jatarichikunaykichejta. Chantá Noemí much'aykuytawankama paykunamanta t'aqakaporqa. Paykunataj mayta waqarqanku nerqankutaj: Mana! Noqayku qanwan llajtaykiman riyta munayku!

1 Samuel 10:1

Chaypacha Samuelqa aceite botellata jap'ispa Saulpa uman pataman jich'aykorqa, much'aykuspataj nerqa: Kunanmanta Señorqa t'aqasunki, Israel ayllumpa reynin kanaykipaj. Qan kamachinki atipachinkitaj chay muyuynimpi kaj enemigosninmanta. Kay uj señal kanqa qanta Señorqa ayllumpa reynin kanaykipaj t'aqasusqanmanta: Kunanqa kaymanta ripushaspa iskay runaswan tinkukunki Raquel maypichus p'ampasqa kashan, Selsa llajta qayllapi. Chayqa kashan Benjamimpa jallp'asnin chaypi. Paykunataj nisonqanku mask'asharqanki chay chinkaj burrosta tarisqankutaña, chanta nisonqanku tataykeqa manaña burrosmantachu llakisqa kashasqanta, manachayqa qankunamanta llakikushan, tapurakushantaj: Imanasajtaj wawaymantari?, nispa.

1 Samuel 20:41

Chay kamachi ripojtinkamataj Davidqa pakasqa kasharqa chaymanta llojsimorqa. Jonatampa ñaupaqempitaj kinsa kutita k'umuykukorqa pampaman umanta chayachispa. Chaymantataj much'anakuspa iskayninku much'anakorqanku, Davidtaj astawan waqarqa.