Génesis 43:18 - Qheshwa Biblia DC

¹⁸ Paykunataj ninakusharqanku may mancharisqas wasinman pusajtin: Kayqa nisqalla! Kayman pusachimushawanchej qolqenmanta, chay waj kuti kutichipuwasqanchejmanta. Kunanqa jasut'iwasunchej, ruwawasuntaj kamachisnin kananchejpaj burrosninchejwan khuska.

DIOSPA QHELQACHISQAN DEUTEROCANONICAL

¹⁸ Mayordomo paykunata Joséj wasinman pusashajtin, paykuna mancharikorqanku, ninakorqankutaj: Kay runaqa kutichipuwasqanchej qolqenmanta wasinman pusashawanchej. Kunantaj wata runanta jina jap'iwasunchej, burronchejkunatapis jap'ikapullanqataj, nispa.

DIOSPA QHELQACHISQ

¹⁸ Mayordomo paykunata Joséj wasinman pusashajtin, paykuna mancharikorqanku, ninakorqankutaj: Kay runaqa kutichipuwasqanchej qolqenmanta wasinman pusashawanchej. Kunantaj wata runanta jina jap'iwasunchej, burronchejkunatapis jap'ikapullanqataj, nispa.

Génesis 43:18 ပူးပေါင်းရင်းမြစ်များ

Génesis 42:21

Chanta paykuna ukhu ninakusharqanku: Cheqamanta noqanchejqa wauqenchejta mana allintachu ruwarqanchej, juchallikorqanchej. Mayta waqashajtin mana payta khuyakorqanchejchu, may jinata waqashajta rikushaspa. Chayrayku kunanqa noqanchejmanñataj kay llakiy chayamuwanchej.

Génesis 42:27

Chay ch'isitaj uj cheqaman chayaspa, ujnin kajqa costalninta phaskarasqa burroman trigota qorinampaj, paytaj chaypi qolqenta tarikapusqa costalampa simimpi.

Génesis 42:28

Wauqesninmantaj nerqa: Qhawariychej qolqeyta kutichipuwasqanku! Kayqa kaypi kashan!, nispa. Tukuyninkutaj chayta rikuspa mayta mancharikorqanku, paykunapurataj ninakorqanku: Imatataj Dios ruwashawanchejri?, nispa.

Génesis 42:35

Costalesninkumanta sapa uj trigota jich'ashaspa, Josej wauqesnenqa qolqesninkuta tarikaporqanku wayaqetaspi watasqasta trigomanta qorqanku chay qolqesta sapa ujninku. Chay wayaqetasta qolqenkutawan rikukapuspataj mancharerqanku, jinallataj tatankupis.

Génesis 43:17

Mayordomotaj kikinta ruwarqa Josej nisqanman jina, chaymantataj wasinman pusarqa.

Génesis 43:19

Wasi punkuman qayllaykushaspañataj, mayordomoman qayllaykuspa parlapayarqanku, nispa: Wiraqochíy! Cheqamanta qayna wata uj kuti trigota rantikoj jamorqayku.

Génesis 44:8

Qan yachanki jina noqaykoqa qolqetapis kutichimpuyku Canaanmantapacha sapa ujniykojpi rikhurejta. Ima nispataj suwaykumanri patronniykej wasinmanta qorinta qolqentapisri?

Job 15:21

Manchachikuy qhapariykunasta ningrisnin uyarin; sumajta waqaychakojtin astawan suwaspis suwanku.

Job 30:14

Uj jatun punku kicharisqata jina juyñamuwanku, tukuy kallpankuwan patayman wijch'uykakamunku llakisqa kashajtiy.

Salmos 53:5

Mana imapis manchachikunapaj kashajtimpis, paykunaqa manchachikuywan kharkatenqanku. Diosqa ayllumpa enemigosnimpa tullusninta t'akaranqa. Paykunaqa p'enqaypi rikhurenqanku Dios qhesachasqanrayku.

Salmos 73:16

Kayta umachayta munarqani. Manataj aterqanichu, noqapaj mana atina jina kajtin.

Isaías 7:2

Chaytataj Judapi rey Acazman willamorqanku: Siriamanta kajkunawan, Efrainmanta kajkunapiwan ujllaman ujchakusqankuta, nispa. Chayta uyarispataj reywan, runasninwanqa maytapuni qharakatiterqanku, wayramojtin orqo sach'as kuyunku jinata.

Daniel (hebreo) 6:4

Chay kuraj qhawajkuna, jinallataj kamachejkunapis chaypacha mask'arqanku, ch'ataykunankupaj jina Danielpa mana allin ruwasqasninta reinopi. Danielpitaj mana ima pantaynintapis tarerqankuchu, allin kausayniyoj runa kasqanrayku. Ajinamanta mana imatapis contrampi rikuchiyta aterqankuchu.

Marcos 6:16

Herodestaj, Jesuspa ruwasqasninmanta uyarispa nerqa: Kayqa Juan Bautistapuni. Noqa paypa umanta qholucherqani, kunanrí wañusqamanta kausarimpusqa.

Romanos 7:8

Jucharí leynejta noqapi churasqa, tukuy imaymana munapayaytaj, imaraykuchus ley mana kajtenqa juchaqa wañusqamin.

Deuteronomio 22:14

Chanta, ichapis qhasillata tumpaspa paypaj parlayta qallarinman kay jinata: Casarakusqaymanta ñaupajtaña mana doncellachu kasqa, nispa.

Deuteronomio 22:17

Wawaypajtaj qhasillata tumpaspa parlashan, kay jinatataj niwashan: Wawaykeqa mana doncellachu kasqa, nispa. Jinapis qhawaychej, kaypi kashan wawaypa señalesnin doncella kasqanmanta. Chaymanta tatasqa wawankoj casamiento p'achanta kurajkunaj ñaupaqenman mast'anqanku.

Jueces 13:22

Manoataj warminman nerqa: Cheqamanta wañusumpunichá Diosta rikusqanchejrayku.

Jueces 14:4

Tatasnenqa mana yacharqankuchu, kay tukuy imasqa Señormanta jamusqanta, imaraykuchus payqa achaketa mask'asharqa filisteospa contrampi, chaypacha filisteosqa israelitasta kamachisharqanku.