Génesis 42:22 - Qheshwa Biblia DC

²² Chaymanta Rubén paykunaman nerqa: Chayrayku noqaqa nerqaykichej ama ima sajratapis Joseta ruwanachu, nispa: qankunataj mana kasuwarqankichejchu, kunanqa yachaychej á llakiyninman chayanchej, wañuyninman chayanchej.

DIOSPA QHELQACHISQAN DEUTEROCANONICAL

²² Chantá Rubén paykunata nerqa: Chayrayku noqa nerqaykichej ama imatapis Joseta ruwanachu, nispa. Qankunatajrí mana kasuwarqankichejchu. Kunanqa wañusqanmanta juchachasqa kashanchej, nispa.

DIOSPA QHELQACHISQ

²² Chantá Rubén paykunata nerqa: Chayrayku noqa nerqaykichej ama imatapis Joseta ruwanachu, nispa. Qankunatajrí mana kasuwarqankichejchu. Kunanqa wañusqanmanta juchachasqa kashanchej, nispa.

Génesis 42:22 ပူးပေါင်းရင်းမြစ်များ

Génesis 4:10

Diostaj nerqa: Imanarqankitajri? Wauqeykej yawarninta jich'asqaykeqa jallp'amantapacha qhaparimushawan.

Génesis 42:23

Paykunataj mana yacharqankuchu, José parlasqankuta entiendesqanta, imaraykuchus Josej egipcio parlayta parlasqanta chaypi uj runaqa hebreo parlayman tijrarqa.

Génesis 45:3

Joseqa wauqesninman nerqa: Noqa José kani. Tatayqa kausakushanrajchu?, nispa. Wauqesnintaj mana imatapis kutichiyta aterqankuchu, imaraykuchus may mancharisqas mana imanakuyta aterqankuchu ñaupaqempi tukuyninku rikhurispa.

Génesis 50:15

Jacob wañupojtintaj Josej wauqesnin ninakorqanku: Ichapis kunan Joseqa chejnikuwasun tukuy sajrata paypaj ruwasqasninchejmanta.

1 Reyes 2:32

Paypa patanmantaj yawar jich'asqanta Señorqa kutichenqa, imaraykuchus Joabqa iskay runasta wañucherqa, paymanta aswan sumaj cheqan runasta, tatay Davidpa mana yachasqallan. Israelitaspa soldadosnimpa kamachejnin Nerpa wawan Abnerta, Judamanta soldadospa kamachejnin Geterpa wawan Amasatawan.

1 Reyes 2:33

Paykunaj yawarnintaj Joabpa uman pataman jinataj mirayninmampis urmachun wiñaypaj. Señorpa sonqo tiyasqa kaynintaj wiñaypaj kallachumpuni Davidpa wasimpi, miraynimpiwan, tronompiwan.

2 Crónicas 24:22

Rey Joasqa qonqapusqa Zacariaspa tatan Joiada khuyakoj sonqowan payta qhawasqanmantaqa. Wañucherqataj, Joiadaj wawan Zacariastaqa, paytaj manaraj wañushaspa qhaparerqa: Señor kayta rikumuchun, cuentatataj mañachun!

Salmos 9:12

Diosqa llakichisqakunamanta yuyarikun; waqayninkuta mana qonqanchu. Paykunata llakichejkunatataj jasut'in.

Ezequiel 3:18

Maypachachus noqa juchasapaman niyman: Cheqamanta wañunki nispa, qantaj mana k'amiwajchu, nitaj parlawajchu sajra kausayninmanta reparachispa, payqa chay juchanrayku wañonqa, noqataj paypa kausayninmanta cuentata mañasqayki.

San Lucas 23:41

Noqanchejqa juchanchejmanta kaypi kashanchej, imaraykuchus sajra ruwasqasninchejmanta ñak'arishanchej; payrí mana ima sajratapis ruwarqachu.

Hechos 28:4

Chaypi tiyakojkunataj, Pabloj makimpi katari warkhurayajta rikuspa, paykunapura ninakorqanku: Kay runaqa cheqatapunichá runa wañuchi kanman. Qochamanta salvakojtimpis, Diospa cheqanchaynenqa mana kausajta saqenchu.

Romanos 2:15

Paykunaqa rikuchinku escribisqa leypa ruwayninta sonqonkupi, kikin concienciankutaj paykunamanta willan, imatachus yuyasqankuta ch'ataykuspa, chayrí jark'akuspa.

Apocalipsis 13:10

Pillapis presochajqa, presochasqallataj kanqa. Pillapis espadawan wañuchejqa, espadallawantaj wañuchisqa kanqa. Kaypimá kashan ajllasqaspa pacienciankoqa, feninkutaj.

Apocalipsis 16:9

Runastaj sinch'i k'ajaywan ruphachikorqanku, Diospa sutimpa contrantataj rimarqanku. Qhesacharqanku pitachus aterqa qhechuyta chay jasut'iykunata; manataj Diosman kutirikorqankuchu payta jatunchanankupaj.

1 Samuel 19:4

Jinataj Jonatanqa Davidmanta allinta Saulman parlarqa, nerqataj: Reyníy, ama ima sajratapis ruwaychu kamachiyki Davidtaqa, payqa mana ima sajratapis qantaqa ruwasunkichu, astawampis tukuy ruwasqasnenqa allimpuni qampaj karqa.