Génesis 4:14 - Qheshwa Biblia DC

¹⁴ Kunan qanqa qharqowanki kay jallp'amanta. Puriskiri kamusaj mundontimpi qanmanta karupi, ni jayk'aj samarikuyta tarispataj. Pipis taripaspaqa wañuchillawanqachari.

DIOSPA QHELQACHISQAN DEUTEROCANONICAL

¹⁴ Kunan qanqa kay jallp'amanta qharqowanki, manañataj qayllaykipi ujtawan kayta atisajchu. Imamanta ayqekoj runa jina kay pachapi purisaj. Ajinaqa pipis tinkuwaspa, wañuchiwanqachari, nispa.

DIOSPA QHELQACHISQ

¹⁴ Kunan qanqa kay jallp'amanta qharqowanki, manañataj qayllaykipi ujtawan kayta atisajchu. Imamanta ayqekoj runa jina kay pachapi purisaj. Ajinaqa pipis tinkuwaspa, wañuchiwanqachari, nispa.

Génesis 4:14 ပူးပေါင်းရင်းမြစ်များ

Génesis 3:24

Ajinata runataqa jawaman qharqorqa. Querubinestataj sayaricherqa Edén huertaj inti llojsimuyninnejman, uj larwashaj espadatawan, muyuyninta muyushajta, jark'anampaj amapuni pipis kausayta qoj sach'aman qayllaykunampaj.

Génesis 4:13

Caintaj Señorman kuticherqa: Noqapaj kayqa ancha jatun jasut'i.

2 Samuel 14:7

Kunantaj tukuy ayllusniy contraypi oqhariykukunku, munankutaj noqa jaywanayta chay pichus hermanonta wañuchejta, vengakuspa wañuchinankupaj, pay sapallan herenciata jap'inan kasqanrayku. Jinamanta thasnonqanku chay k'ata nina brasayta, qosaytaj mana piniyojta saqenankupaj manaña pi sutinta kay pachapi apanampaj.

Salmos 109:10

Wawasnenqa mañakuspa purejkuna kachunku, thuñisqa wasinkumantapis wijch'uchunku.

Salmos 109:12

Ama pipis paymanta khuyakuchunchu, nitaj wajcha wawasninmantapis.

Salmos 143:7

Usqhayllata, Señor, uyariway, samayniy tukukapushanña, ama yanapayniykita qhechukapuwaychu, manachayqa wañusqa jinachá kayman ari.

Proverbios 14:32

Juchasapataqa sajra ruwasqallantaj urmachin; allin runatarí cheqan kaynin jark'an.

Proverbios 28:1

Juchaspaqa ayqen mana pi qhatiykachashajtillan; mana juchayoj kajrí k'achata tiyakun mana imamanta dakuspa, uj león jina.

Isaías 8:22

Jallp'ata qhawarispataj rikonqanku llakiyta, laqhayayta, laqhapachata, may waqaytataj, laqha ukhupitaj rikhurenqanku.

Jeremías 52:3

Chayrayku Señorqa Jerusalempaj phiñakorqa, chantá Judá ayllupajpis, ñaupaqenmantataj wijch'orqa. Sedequiastaj Babiloniamanta reypa contrampi oqharikorqa.

Oseas 13:3

Chayrayku paykuna kanqanku sut'iyaymanta phuyus jina, tuta tutamanta chhullaqa inti llojsimusqantawan chinkapuna ajinata, chantá imaynatachus pajata wayralla apakapun ajinataj, imaynatachus q'osñi chimeneamanta llojsipun ajinallataj.

Levítico 26:17

Noqapis qankunaj contraykichejpi kasaj, enemigosniykichejtaj atipasonqachej. Chay enemigosniykichej qankunata kamachisonqachej, qankunataj mana pi ima nishajtillan ayqekunkichej.

Levítico 26:36

Pikunachus enemigoj llajtampi kausankichejraj chaykunaman sinch'i manchachikuyta qosqaykichej, ayqenkichejtaj sach'a laqhe urmaspa chhaj nejtillan. Ajinata ayqenkichej pipis espadawan qhatishasunkichejman jina. Jinamanta qankunaqa mana pi imanashajtillan urmankichej.

Números 35:19

Chay wañusqa runaj aswan qaylla kaj ayllun chay runa wañuchejta taripaytawan wañuchinan tiyan.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

San Mateo 25:46

Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.

Deuteronomio 28:64

Señorqa tukuynej nacionesman ch'eqerachisonqachej, kay mundoj cantosninkama; chaypitaj waj dioskunata yupaychankichej, k'aspimanta, rumismanta ima ruwasqasta. Chaykunata qankunaqa, ñaupa tatasniykichejpis ni jayk'aj rejserqankichejchu.

Deuteronomio 28:65

Chay nacionespi mana sonqo tiyasqa kayta atinkichejchu, nitaj uj cheqallapi kakuytapis. Señorqa sustullichisonqachej, tukuchisonqachejtaj waqay ñawisniyojman, llakisqa sonqosniyojman ima.

2 Tesalonicenses 1:9

Chaykunaqa wiñaypay ñak'arenqanku, Señorpa ñaupaqenmanta qharqosqas, atiynimpa k'anchayninmantawan.