Génesis 37:34 - Qheshwa Biblia DC

³⁴ Chaymanta Jacobqa p'achasninta llik'ikorqa, jinaspataj lutota churakorqa unayta, wawan chinkapusqanmanta.

DIOSPA QHELQACHISQAN DEUTEROCANONICAL

³⁴ Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

DIOSPA QHELQACHISQ

³⁴ Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

Génesis 37:34 ပူးပေါင်းရင်းမြစ်များ

Génesis 37:29

Rubentaj kutimuspa pujyuta qhawaykuytawan mana tarerqachu Josetaqa, llakiywantaj p'achasninta llik'ikorqa llakisqa kasqanta rikuchinampaj.

Génesis 42:38

Jacobtaj nerqa: Benjaminneyqa mana qankunawan renqachu. Wauqen José wañupun, kunanqa payllaña qhepakun. Sichus ñanta rishajtiykichej imanakunman chayqa, qankuna juchayoj kankichej kay machu achachi llakiywan wañunampaj.

Génesis 44:13

Paykunataj tukuyninku p'achasninkuta llakiywan llik'irakorqanku. Jinaytawantaj sapa ujninku burrosninkuman chajnaykuytawan llajtaman kutirerqanku.

2 Samuel 1:11

Chaypacha, Davidwan runasnimpiwan ima, p'achasninkuta llik'erqanku llakikusqankurayku.

2 Samuel 3:31

Chaymantaqa David kamacherqa Joabta, paywan kaj runasninta ima: P'achasniykichejta llik'iychej, qhashqa p'achastataj churakuychej, waqaychejtaj, Abner wañusqanmanta, nispa. Rey Davidtaj aya cajompa qhepanta rerqa.

1 Reyes 20:31

Chanta kamachisnenqa Ben-adadman nerqanku: Noqaykoqa uyariyku Israelmanta reyesqa, khuyakoj reykuna kasqankuta; ukhunchejman qhashqa p'achasta churakunachej, wasqhastawan kunkasninchejman, chanta rinachej Israelpa reyninman, ichapis ajinamanta kausajta saqewasun.

1 Reyes 21:27

Chay palabrasta uyarikuspa Acabqa p'achasninta llik'ikorqa, ukhunmantaj qhashqa p'achasta churakorqa, manataj mikhorqachu, ajina qhashqa p'achayojtaj puñorqa, phutisqataj purerqa.

2 Reyes 19:1

Rey Ezequiasqa kay tukuy imasta uyariytawan, p'achasninta llik'ikuspa, qhashqa p'achasta churaykukuspataj Señorpa wasinman rerqa.

2 Reyes 2:12

Eliseotaj ripojta rikuspa qhaparerqa: Tatáy, tatáy, qanqa Israelpaj karqanki uj carreta caballos niyoj jina, nispa. Eliseotaj manaña jayk'ajpis ujtawan rikorqachu. Chantataj p'achasninta iskayman llik'ikorqa.

2 Reyes 22:11

Chay librota leejta uyariytawan reyqa p'achasninta llik'ikorqa.

1 Crónicas 21:16

Davidtaj qhawarispa rikorqa Señorpa angelninta, janaj pachawan kay pachawan chay patapi oqharisqata, makinwan Jerusalenman espadanta rikuchishajta. Davidtaj chay kurajkunaswan ima llakiypi churakuna p'achasninkuwan uyamanta pampaman k'umuykukorqanku.

1 Crónicas 7:22

Tatanku Efraintaj unayta llakiy p'achata churakorqa, ayllusnintaj payta sonqochaj jamorqanku.

Nehemías 9:1

Israelitasqa chay kikin killallapitaj iskay chunka tawayoj p'unchaykunasnimpi tantakorqanku ayunanankupaj; qhashqa p'achastataj churakorqanku, jinataj jallp'atapis umankuman jich'akorqanku.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Job 16:15

Llakiy khasqa p'achasta churakuni, ñut'u jallp'aman umayta chhapuni.

Job 2:12

Karullamantaraj qhawariytawan mana rejsiyta aterqankuchu Jobtaqa, chayrayku qhaparerqanku, waqarqankutaj, p'achasninkutataj llik'irakorqanku, jallp'awantaj pataman umasninkuman ima qhallarqanku.

Salmos 69:11

Llakiy p'achata churakuspapis tukuypaj asipayanan kani.

Isaías 32:11

Qankuna, mana imata ruwaspa chukoj warmis, manchachikuychej ari; mana imamanta llakiyniyoj warmis, kharkatiychej ari. Chay p'achasniykichejta lluch'ukuychej. Qhashqa p'achasta churakuychej llakisqa kasqaykichejta rikuchinaykichejpaj.

Isaías 36:22

Chaymantaqa Hilciaspa wawan palaciopi mayordomo Eliaquimwan, qelqeri Sebnawan, Asafpa wawan yanapaj Joawanqa, p'achasninkuta llakiywan llik'irakuspa Ezequiaspaman kachaykukorqanku, chayaspataj willarqanku Asiriamanta kamachej imastachus parlasqanta.

Jeremías 36:24

Nitaj rey, nitaj kurajkunamanta uyarejkunapis chay libro leekusqanwanqa mancharikorqankuchu, nitaj uj chhikanta sonqonkuta nanachikojmampis rijch'akorqankuchu.

Jeremías 48:37

Tukuyninku umasninkuta ruthukunku, tukuypa sunkhasninkupis q'arasllataj; tukuyninku makisninkuta khuchurakunku, qhasqa p'achaswantaj p'achallikunku.

Joel 2:13

Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

San Mateo 11:21

Nerqataj: Ay qanmanta, Corazín llajta! Ay qanmantapis Betsaida llajta! Tiropi, Sidompi imatajchus milagros qankuna ukhupi jina, ruwakunman karqa chayqa; maypachaña paykunaqa Diosman kutirikunkuman karqa, ushpharara qhashqa p'achata churakuspa.

San Mateo 26:65

Jatun sacerdotetaj, p'achasninta llik'irakuspa, nerqa: Kay runaqa Diospa contranta riman. Imapajñataj testigosta munanchejri? Kunampacha uyarishankichej, Diospa contrampi rimasqanta.

Hechos 14:14

Pablowan, Bernabewan uyarispa imatachus ruwayta munasqankuta, p'achasninkuta llik'irakuspa runaj chaupinman qhaparispa yaykorqanku, nerqankutaj: Wiraqochis, imaraykutaj kaykunata ruwashankichejri? Noqaykoqa runaslla kayku, qankuna jina. Chayrayku qankunaman willaj jamuyku, kay qhasi mana kajkunata saqespa, kausashaj Diosman kutirinaykichej paj. Diosqa janaj pachata, kay pachata, qochata ruwarqa, chaykunapi tukuy ima kajkunatapis.

Josué 7:6

Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

Apocalipsis 11:3

Noqataj iskay rikojkunata kachamusaj, yana qhashqa p'achawan p'achallisqasta. Paykunaqa waranqa iskay pachaj sojta chunkayoj p'unchaykunata noqamanta sut'inchanqanku.

Jueces 11:35

Ajinaqa payta rikuytawankama p'achanta llik'ikorqa may llakikuywantaj kay jinata nerqa: Ay, wawáy, may chhika llakiyta apamuwanki! Qannejta may llakiypi rikhurisaj! Uj promesata Señorman ruwarqani kunantaj junt'anay tiyan.