Génesis 37:29 - Qheshwa Biblia DC

²⁹ Rubentaj kutimuspa pujyuta qhawaykuytawan mana tarerqachu Josetaqa, llakiywantaj p'achasninta llik'ikorqa llakisqa kasqanta rikuchinampaj.

DIOSPA QHELQACHISQAN DEUTEROCANONICAL

²⁹ Chaymanta mana unayninmanchu Rubenqa pujyuman kutispa, Joseta manaña rikorqachu. Chayrayku llakikuspa, p'achanta llik'ikorqa.

DIOSPA QHELQACHISQ

²⁹ Chaymanta mana unayninmanchu Rubenqa pujyuman kutispa, Joseta manaña rikorqachu. Chayrayku llakikuspa, p'achanta llik'ikorqa.

Génesis 37:29 ပူးပေါင်းရင်းမြစ်များ

Génesis 34:13

Jacobpa wawasnintaj pananku Dinata honranta Siquem t'akasqanrayku, payman, tatan Hamormanwan llullakuspa nerqanku: Noqaykoqa panaykuta mana qoyta atiykumanchu mana circuncidasqa runasmanqa, kayqa noqaykupaj mana allinchu, uj p'enqay.

Génesis 37:34

Chaymanta Jacobqa p'achasninta llik'ikorqa, jinaspataj lutota churakorqa unayta, wawan chinkapusqanmanta.

Génesis 44:13

Paykunataj tukuyninku p'achasninkuta llakiywan llik'irakorqanku. Jinaytawantaj sapa ujninku burrosninkuman chajnaykuytawan llajtaman kutirerqanku.

2 Samuel 1:11

Chaypacha, Davidwan runasnimpiwan ima, p'achasninkuta llik'erqanku llakikusqankurayku.

2 Samuel 13:19

Chaypacha Tamarqa umanman ushphata qhallaykukorqa, chay churakusharqa chay p'achantataj llik'irparerqa, makisninta uman pataman churaykukuspataj sinch'ita waqaspa wasinman riporqa.

2 Reyes 11:14

Chaypitaj qhawarispa reyta rikorqa, sayantan qayllapi sayashajta, imaynatachus paykuna ruwayta yachasqankuman jina. Paypa qayllampitaj kasharqanku kurajkunawan, trompitasta tocajkunawan. Chanta tukuy runastaj may kusisqas kasharqanku trompitasta waqachispa. Chanta Ataliataj sinch'ita qhaparispa p'achasninta llik'ikorqa: Kayqa wasanchay, wasanchay, nispa.

2 Reyes 19:1

Rey Ezequiasqa kay tukuy imasta uyariytawan, p'achasninta llik'ikuspa, qhashqa p'achasta churaykukuspataj Señorpa wasinman rerqa.

2 Reyes 5:7

Israelpi reynenqa chay qelqasqata leeytawan, phiñakuspa p'achasninta llik'ikorqa: Noqachu Dios kasqani, wañuchinaypaj, kausaytapis qonaypaj, noqaman kay runata thañichinaypaj pusachimunawampaj? Kunanqa qankuna sumajta tanteaychej, qhawariychejtaj, imaynatachus noqaj contraypi sajrata mask'asqanta.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Jeremías 36:24

Nitaj rey, nitaj kurajkunamanta uyarejkunapis chay libro leekusqanwanqa mancharikorqankuchu, nitaj uj chhikanta sonqonkuta nanachikojmampis rijch'akorqankuchu.

Joel 2:13

Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

Números 14:6

Numpa wawan Josuewan, Jefunej wawan Calebwantaj, maykunachus jallp'ata qhawaj rerqanku chaykuna, p'achasninkuta llik'ikorqanku.

Hechos 14:14

Pablowan, Bernabewan uyarispa imatachus ruwayta munasqankuta, p'achasninkuta llik'irakuspa runaj chaupinman qhaparispa yaykorqanku, nerqankutaj: Wiraqochis, imaraykutaj kaykunata ruwashankichejri? Noqaykoqa runaslla kayku, qankuna jina. Chayrayku qankunaman willaj jamuyku, kay qhasi mana kajkunata saqespa, kausashaj Diosman kutirinaykichej paj. Diosqa janaj pachata, kay pachata, qochata ruwarqa, chaykunapi tukuy ima kajkunatapis.

Jueces 11:35

Ajinaqa payta rikuytawankama p'achanta llik'ikorqa may llakikuywantaj kay jinata nerqa: Ay, wawáy, may chhika llakiyta apamuwanki! Qannejta may llakiypi rikhurisaj! Uj promesata Señorman ruwarqani kunantaj junt'anay tiyan.