Génesis 35:5 - Qheshwa Biblia DC

⁵ Paykuna chaynejmanta llojsejtinkutaj Dios qorqa manchachikuyta, chay qayllasnimpi kaj llajtas manchachikunankupaj. Chayrayku Jacobpa wawasninta mana qhaterqankuchu.

DIOSPA QHELQACHISQAN DEUTEROCANONICAL

⁵ Chantá paykuna chaynejmanta llojsishajtinku, Diosqa muyuyninkupi llajtayojkunaj sonqonkuman manchachikuyta churarqa. Chayrayku Jacobpa churinkunata mana qhatiykorqankuchu.

DIOSPA QHELQACHISQ

⁵ Chantá paykuna chaynejmanta llojsishajtinku, Diosqa muyuyninkupi llajtayojkunaj sonqonkuman manchachikuyta churarqa. Chayrayku Jacobpa churinkunata mana qhatiykorqankuchu.

Génesis 35:5 ပူးပေါင်းရင်းမြစ်များ

Génesis 34:30

Jacobtaj Simeonman Levimanwan nerqa: Kunanqa qankuna mana allinman churaykuwankichej. Kaynejpi tukuy tiyakojkuna, cananeos, fereseos ima chejnikuwanqanku. Tantaykukuspataj noqaj contrayta muyuykamuwanqanku, pisi runasniyojta rikuwaspataj wañuchiwanqanku, jinallataj familiaytapis.

Génesis 35:4

Jinata Jacob nejtintaj tukuy imaymana lantisninkuta Jacobman jaywarqanku, ningrisninkupi apaykachaj kanku chay zarcillosninkutawan. Jacobtaj chaykunata jallp'aman p'ampaykorqa encina sach'a uraman Siquem qayllaman.

2 Crónicas 14:13

Jinapis Asawan runasninwan imaqa Gerarkama qhatiykorqanku. Etiopesqa atipachikorqanku, wañorqankutaj mana ujniyoj kanankukama. Ajinata tukuchisqas karqanku Señorpa ñaupaqempi, jinataj soldadosnimpa ñaupaqempipis. Paykunaqa chay enemigosninkoj tukuy imasninkuta jap'ikaporqanku.

2 Crónicas 14:14

Chaymantataj atipallarqankutaj Gerar qayllaspi karqanku chay llajtastapis, tukuyninkutaj Señorpa ñaupaqempi manchachikuyta qallarerqanku. Judamanta kajkunaqa chay llajtasmanta orqhorarqanku tukuy imas kajta, qhapaj imasta.

2 Crónicas 17:10

Chaypachataj Judá qayllapi kaj tukuy jallp'asmanta reykunasqa Señorta sinch'ita manchachikorqanku. Chayrayku Josafatpa contrampeqa maqanakuyta mana munarqankuchu.

Salmos 105:14

Diosqa nin mana pipis paykunata llakichinankuta, paykunaraykutaj reyesta nerqa:

Salmos 14:5

Paykuna manchachikuspa kharkatenqanku, imaraykuchus Diosqa payta kasojkunawan kashan.

Éxodo 23:27

Noqa astawan manchachiyta jatunchasaj, mayta llakiyta qhapariytawan, qampa ñaupaqeykipi may llajtatachá pasaspa manchachinaykipaj. Enemigosniykitaj qanmanta ayqekusonqanku.

Éxodo 34:24

Ñaupaqeykichejmanta waj nacionesta qharqosaj, jallp'asniykichejtataj astawan jatunyachisaj. Chay jallp'asniykichejtaqa ni pipis munapayanqachu, chayri jap'ikaponqachu, qankuna watapi kinsa kutita Señor Diosniykichejman qayllakunkichej chayqa.

Deuteronomio 11:25

Señor Diosniykichej manchachikuyta, kharkatitiyta ima apachimonqa maypichá purinkichej chayman. Pay nisorqachejña chayman jina, ni pipis qankunaj contraykichejta sayayta atenqachu.

Deuteronomio 2:25

Maqanakuyta qallariychej jallp'anta jap'ikapunaykichejpaj, kunanmantapacha ñaupajman tukuynejpi runas qankunamanta manchachikonqanku nisqayman jina. Qankuna jamunaykichejta parlajta uyarispa, manchachikuywan kharkatitenqanku.

Josué 5:1

Tukuynin amorreospa reyesninku Jordanmanta inti yaykuynejpi kasharqanku. Cananeospa tukuy reyesninkutaj mar qocha qayllapi kasharqanku; paykuna yacharqanku Señorqa imaynatachus Jordán mayu yakuta ch'akichisqanta israelitas chayninta chimpanankukama, maytataj mancharikorqanku, mana munarqankuchu israelitaswan maqanakuyta.

1 Samuel 11:7

Chantaqa iskay bueyesta jap'ispa cuchillowan t'unarqa. Kachaswantaj apacherqa chay khuchurasqa aychasta tukuynin Israel jallp'aman. Chay kachastaj nerqanku: Pikunachus mana renqankuchu Saulwan, Samuelwan ima chayqa, chaykunaj bueyesninku ajina khuchurasqas kanqanku. Chayta uyarejtinkutaj Señormanta uj sinch'i manchariy chay runasman jamorqa, uj runa jinallataj paykunawan ujchakoj rerqanku.

1 Samuel 14:15

Tukuyninkutaj chay jarapi kashajkunamanta, jinataj jawapi kashajkunamantapis mayta mancharikorqanku, ajinallatataj jatun tropamanta kaj soldadospis, chay juch'uy tropaspis mancharikullarqankutaj. Chay jawaqa chay ratopuni kallarqataj jallp'a jikhakuy, chaytaj maytapuni runasta mancharikuywan t'ukucherqa.