Génesis 32:30 - Qheshwa Biblia DC

³⁰ Jacobqa chay cheqata suticharqa Penuel, nispa; imaraykuchus Dioswan tinkunakuyku, chay tukuywampis kausashaniraj, nispa.

DIOSPA QHELQACHISQAN DEUTEROCANONICAL

³⁰ 30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

DIOSPA QHELQACHISQ

³⁰ 30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

Génesis 32:30 ပူးပေါင်းရင်းမြစ်များ

Génesis 16:13

Chaymanta Agarqa kuticherqa payman parlaj chay Señorta kay sutiwan: Qan kanki rikoj Dios, imaraykuchus Señorqa paywan parlarqa, nispa. Chaymanta pay nerqa: Noqaqa rikuwaj Diosta rikuni.

Génesis 28:19

Chay cheqapi ñaupajta karqa uj llajta, Luz sutiyoj. Jacobtaj waj sutita churara, Betel sutiyoj kanqa, nispa.

Génesis 35:9

Ujtawan Dios rikhurerqa Jacobman Padan-aranmanta kutimushajtin, nispa: Sutiykeqa Jacob, kunanmantari manaña jinachu sutiyki kanqa, manachayqa Israel kanki. Waj sutiwan sutichaspataj, nerqa: Noqa tukuy atiyniyoj kani. Wawasniyki ashkhata mirachun, mirayniyki ashkha kanampaj. Qanmanta ashkha naciones llojsenqa, ashkha llajtas; chay mirayniykimanta reyespis llojsenqanku.

1 Reyes 12:25

Jeroboamqa Efraín orqopi Siquem llajtata watejmanta ruwacherqa, chaypitaj tiyakorqa. Chaymanta llojsispataj Penuel llajtatañataj watejmanta ruwacherqa.

Éxodo 33:14

Señortaj payman nerqa: Noqa kikiy qanwan risaj, noqallataj samachisqaykipis.

Isaías 6:5

Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.

Isaías 9:5

Soldadospa sonachinanku zapatos, yawar rara p'achasninku ima, ruphachisqas, q'olachisqastaj kanqanku.

Números 12:8

Paywanqa uyapura parlani, sumaj sut'itataj. Sichus paywan uyapura parlayku chayqa, imaraykutaj paypa contranta rimankichejri?, nispa.

San Juan 1:18

Mana pipis Diostaqa jayk'ajpis rikorqachu; uj k'ata churi, Dios Tatawan kajlla paytaqa rejsicherqa.

1 Corintios 13:12

Kunanqa rikunchej espejopi jina chharpullata; qhepamantaj uyapura rikunakusunchej maychus kajta. Kunanqa wakillantaraj rejsini, qhepamantaj allinta rejsisaj, imaynatachus Dios noqata rejsiwan ajinata.

2 Corintios 3:18

Chayrayku tukuy noqanchej qhawashanchej uya qhatarasqa uj espejopi jina, Señorpa lliphipiyninta. Noqanchejpis k'anchaymanta k'anchayman, kikin rijch'ayninman tukunchej Señorpa Espiritunman jina.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Gálatas 1:6

T'ukuni chay jina usqhayta karunchasqaykichejmanta Diosmanta, pichus Cristoj khuyakuyninrayku wajyasorqachej, waj jina evangeliota qhatisqaykichejmantapis.

Efesios 1:17

Señorninchej Jesucristoj Diosnin, atiyniyoj Tata yachaymanta sut'inchaymantawan espirituta qankunaman qosuchun, payta allinta rejsinaykichejpaj.

Deuteronomio 34:10

Chaymantaqa manaña ujtawan Israelpeqa Moisés jina waj sut'inchaj karqachu; Señorqa paywan uyapura parlaj.

Colosenses 1:15

Cristoqa mana rikukoj Diospa rijch'ayninmin. Pay karqa tukuy ima ruwasqasmanta ñaupaj nacej.

2 Timoteo 1:10

Kunantaj khuyakuynenqa rikuchisqa Salvawajninchej Jesucristoj rikhurimusqanrayku. Pay wañuyta qhechorqa, kausaytataj sut'iman orqhorqa, evangelionejta manaña wañuy kanampaj.

Hebreos 11:27

Creesqanrayku Egiptomanta riporqa, reypa phiñakuyninta mana manchachikuspa; kallpachakuspataj sayarqa, mana rikukoj Diostapis rikushanman jina.

Josué 5:13

Uj p'unchay, Josué Jericó qayllapi kashaspa ñaupaqempi rikorqa uj runata makimpi espadayojta. Josuetaj qayllaykuspa taporqa: Qanqa noqaykojmantachu kanki, chayrí enemigosniykojmantachu?, nispa.

Jueces 13:17

Manoataj angelman nerqa: Sutillaykitapis niwayku ari, kay niwasqasniyku junt'akojtin qanta honrasunaykupaj.

Jueces 13:18

Señorpa angelnintaj kuticherqa: Imapajtaj sutiyta yachayta munankiri? Suteyqa may t'ukuna pakasqa sutimin.

Jueces 8:17

Ajinallatataj Penielpi torreta urmacherqa, chay llajtayojkunatataj wañuracherqa.

Jueces 8:8

Chaymanta jamorqa Penielman, chaypipis mañakorqa Sucotpi jinallataj. Penielpi kajkunataj kuticherqanku Sucotpi jinallataj.