Génesis 32:13 - Qheshwa Biblia DC

^13-15 Chay ch'isi chaypi Jacob puñorqa, jinaspataj wauqen Esauman qonampaj ajllarqa imachá kapusqanmanta: Iskay pachaj cabrasta, iskay chunka chivostawan; iskay pachaj ovejasta, iskay chunka orqo ovejastawan; juch'uy uñasniyoj kinsa chunka camellosta, tawa chunka wakasta, chunka torostawan; iskay chunka china burrosta, chunka orqo burrostawan.

DIOSPA QHELQACHISQAN DEUTEROCANONICAL

¹³ 13 (14) Chay ch'isi Jacob chaypi puñorqa. Chantá imachá kapusqanmanta wawqen Esauman qonanpaj ajllarqa:

DIOSPA QHELQACHISQ

¹³ 13 (14) Chay ch'isi Jacob chaypi puñorqa. Chantá imachá kapusqanmanta wawqen Esauman qonanpaj ajllarqa:

Génesis 32:13 ပူးပေါင်းရင်းမြစ်များ

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Génesis 15:5

Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.

Génesis 18:2

Abrahamqa qhawarispa rikorqa kinsa qharista ñaupaqempi sayashajta. Sayaykuspataj qayllaykorqa usqhay usqhayta, jinaspataj qonqoriykukorqa umanta pampaman chayachinankama, nerqataj: Wiraqochíy, kamachiykita waturikuwanki, yaykurimuy ari.

Génesis 22:17

Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

Génesis 33:10

Jacobqa nillarqapuni: Sichus noqapaj k'acha kanki chayqa, jap'ikullaway kay qosusqasniyta, qanta rikuspaqa kikin Diostapis rikushayman jina kani, qan may k'acha sonqowan suyawasqaykirayku.

Génesis 33:8

Chantá Esaú taporqa Jacobta: Imatataj yuyanki kay chhika t'aqastawan taripasusqaywanrí? Jacobtaj nerqa: Qampa k'acha kayniykita tariyta munaspa jamushani.

Génesis 42:6

Chaypacha Joseqa Egiptopi kamachisharqa, trigotataj tukuynejmanta jamojkunaman vendesharqa. Wauqesnintaj chayaytawan ñaupaqenman qonqoriykukorqanku, pampaman umankuta chayachinankukama.

Génesis 43:11

Chaymanta tatankoqa nerqa: Mana imapis kanan kajtenqa kayta ruwaychaj: Chay runaman jaywanaykichejpaj apaychej costalesniykichejpi imachus kaypi sumaj poqoj kajta, sumajnin kajkunata: Uj chhika balsamota, uj chhika abeja misk'ita, q'apaj mirrata, nuecesta, almendrastawan.

Génesis 43:26

José chayamojtintaj qonqoriykukuspa, pampakama umankuta chayachispa paykunaqa chapara apasqankuta jaywarqanku.

Nehemías 4:13

Kamacherqanitaj runasta sapa familiamanta perqa wasasman pakaykukunankuta, chay t'oqosnimpi, chay q'asasnimpipis, sapa ujpis espadasninkuwan, lanzasninkuwan, armasninkuwan ima.

Proverbios 17:8

Pichus lluk'iyta yachajqa, yuyakun sumaj atiyniyoj kasqanta, ima ruwaypipis paytaqa allillampuni rin.

Proverbios 18:16

Runaj qosqanqa tukuy punkusta kicharin, jinamanta kuraj kaj runaman yachachin.

Proverbios 19:6

K'acha runa kajtaqa tukuy runas mask'anku, tukuy runas kausaqen kayta munanku khuyakoj kasqanrayku.

Proverbios 21:14

Pakaypi t'inkata jaywayqa jina sinch'i phiñakuytapis thasnun.

1 Samuel 25:27

Kunantaj mañayki, kay qanman t'inkata apamususqayta, qanwan khuska jamorqanku chay tukuy kamachisniyki ukhupi rak'isqa kachun.

1 Samuel 25:8

Munaspaqa tapuriy chay kamachisniykita, paykuna astawan sut'inta willasonqanku. Chayrayku kunanqa mañarikuyki khuyarinaykita kay waynasta. Allin horapitaj qanman chayamushasunki. Qoriwayku ari imachus mikhunasmanta tiyaripususqanta, paykunaman, jinataj noqamampis, wawayki jina noqaqa kanipis.