Génesis 31:30 - Qheshwa Biblia DC

³⁰ Sichus tataykej wasinmampuni kutiyta munanki, chayraykutaj kaykamapis jamunki chayqa, imaraykutaj lantisniyta suwampuwankiri?

DIOSPA QHELQACHISQAN DEUTEROCANONICAL

³⁰ Qanqa tataykej wasinman kutipuyta may jinatapuni munasqaykita yachani. Chaywanpis, imaraykutaj lantiykunata suwawankiri? nispa.

DIOSPA QHELQACHISQ

³⁰ Qanqa tataykej wasinman kutipuyta may jinatapuni munasqaykita yachani. Chaywanpis, imaraykutaj lantiykunata suwawankiri? nispa.

Génesis 31:30 ပူးပေါင်းရင်းမြစ်များ

Génesis 31:19

Chaykamataj Labanqa ovejasnimpa millmasninta ruthusharqa. Raqueltaj tatampa lantisninta suwarqa.

Génesis 31:31

Jacobtaj Labanman kuticherqa: Noqaqa manchachikorqayki. Yuyarqani wapuchaspa wawasniykita qhechunawaykita.

Génesis 35:2

Chaymanta Jacobqa nerqa familianman, pikunachus paywan risharqanku chaykunamanwan: Qankuna ukhupi tukuy laya dioskunata orqhoychej, jinaspataj mayllakuychej, p'achasniykichejtapis cambiakuychej.

2 Samuel 5:21

Chay jawari filisteosqa lantisninkuta saqerpayarqanku, Davidwan runasninwantaj chaykunata oqharerqanku.

Éxodo 12:12

Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta,

Isaías 37:19

Chay llajtaspa dioskunasninkutaqa ninaman enqhaykorqanku, imaraykuchus chaykunaqa cheqamanta manapuni dioskunachu karqanku, mana chayqa runaj, ruwasqallan, k'aspimanta, rumimanta ima; chayrayku chaykunataqa t'unararqanku.

Jeremías 10:11

Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.

Jeremías 43:12

Egiptopi Diosta yupaychana wasisman payqa ninata jap'iykuchenqa, dioskunasninkutataj presospis kankuman jina apakaponqanku. Egiptomanta pichanqa, imaynatachus uj michejqa p'achasninmanta usasninta pallan ajina, chaymantataj riponqa mana pejpa jark'asqan.

Ezequiel 21:21

Babilonia reyqa sayaykun maynejmantachus iskaynin ñankuna qallarikushanku chaypi suerteta choqanampaj. Varasta thalan, dioskunasninkuta tapurin, uywaspa kukupisninkutataj qhawarin.

Números 10:30

Hobabtaj payman nerqa: Mana, noqaqa llajtayman kutinay tiyan, maypichus tukuy aylluypis kashan chayman.

Números 33:4

Chaykamataj egipciosqa tukuy kuraj kaj wawasninkuta Señor wañuracherqa, chaykunata p'ampasharqanku, chantapis Señorqa tukuy dioskunasninkutawan chinkachinanta nillarqataj.

Josué 24:2

Josuetaj tukuynin israelitasman nerqa: Kay jinata israelitaspa Señor Diosnenqa nimuwanchej: Unayqa ñaupa tatasniykichej Taré, chanta wawasnin Abraham, Nacor imaqa, Eufrates mayu cantopi tiyakorqanku; chaypitaj waj dioskunata yupaycharqanku.

Jueces 18:17

Chay phishqa kachasqa ñaupajta wasiman yaykorqanku, chaypitaj jap'ikaporqanku k'aspimanta llajllasqa qolqewan lluch'isqa lantita, efod p'achata, wasi ayllu lantistapis, chaykamataj sacerdoteqa chay sojta pachaj runaswan khuska punkupi kasharqa.

Jueces 18:24

Micaiataj kuticherqa: Qankuna apakapushankichej ruwakorqani chay lantisniyta, sacerdoteytapis apakapushallankichejtaj, mana imayojtataj saqerparishawankichej, chantá tapuwashankichejrajtaj. Ima pasasunki?, nispa.

Jueces 6:31

Joastaj kuticherqa payman jamojkunaman: Qankunaqa Baalman kutikuspachu maqanakunkichej? Pillapis Baalman kutikun chayqa, manaraj sut'iyashajtin wañuchun. Baal diospuni kajtenqa, saqeychej pay kikinmanta jark'akojta, imaraykuchus paypatamin karqa chay urmachisqa altarqa.