Génesis 29:30 - Qheshwa Biblia DC

³⁰ Ajinamanta Jacobqa casarallarqataj Raquelwan, payta munakorqa astawan Leamanta nisqaqa. Jinamanta Labampaj qanchis watatawan llank'aporqa.

DIOSPA QHELQACHISQAN DEUTEROCANONICAL

³⁰ Ajinamanta Jacobqa Raquelwanpis puñuykullarqataj, paytataj Leamanta nisqa astawan munakorqa. Chaywanpis qanchis watatawanraj Labanpaj llank'aporqa.

DIOSPA QHELQACHISQ

³⁰ Ajinamanta Jacobqa Raquelwanpis puñuykullarqataj, paytataj Leamanta nisqa astawan munakorqa. Chaywanpis qanchis watatawanraj Labanpaj llank'aporqa.

Génesis 29:30 ပူးပေါင်းရင်းမြစ်များ

Génesis 29:17

Leaj ñawisnenqa mana as allinchu karqa; Raqueltaj may k'achita karqa.

Génesis 29:18

Jacobqa Raquelta munapayarqa, chayrayku nerqa: Sullk'a wawayki Raquelrayku qanchis watata llank'apusqayki, nispa.

Génesis 29:20

Jinamanta Jacobqa Labampaj llank'aporqa qanchis watata Raquel ususinrayku; jinapis paymanqa rijch'arqa pisi tiempo, imaraykuchus anchata munakorqa.

Génesis 29:29

Labanqa Raquelman qollarqataj uj kamachinta Raquelta yanapanampaj, sutintaj karqa Bilha.

Génesis 29:31

Señor rikorqa Jacobqa Leata mana munakusqanta, chayrayku nerqa Lea wawasniyoj kananta, Raqueltaj mana wawasniyoj.

Génesis 31:15

Noqaykutapis waj runasta jinallaña qhawawayku. Chanta vendewaykutaj. Qan noqaykuwan casaranaykipaj pagasqaykitapis mikhuykakapun.

Génesis 31:41

Iskay chunka watasta wasiykipi karqani, chaymanta kaykuna chayawan: Iskaynin ususisniykirayku chunka tawayoj watasta llank'aporqayki, uywasniykiraykutaj sojta watata. Sapa kutitaj pagoyta uj jinayachej kanki.

Génesis 44:20

Noqaykutaj willarqayku tatayku kasqanta, machuñataj kasqanta, jinallataj wauqeykupis kasqantaraj uj wayna, mayqenchus nacesqanta tatayku machuña kashajtin. Chantá nillarqaykutaj tataykoqa maytapuni chay wawanta munakusqanta, pay k'atataj kausashasqanta uj mamayojmanta, ujnin kajtaj wañupusqanta.

Génesis 44:27

Tataykutaj nillawarqayku: Qankuna yachankichej, warmeyqa iskay wawasllata saqewasqanta; ujnin kaj ñaupaqeymanta rispa chinkan, chaymantapacha manaña rikunichu. Cheqamanta ima sajra animaleschus mithaykunkupis.

Oseas 12:12

Jacob ayqerqa Arampa camposninman, chaypitaj warminta tarinampaj ovejas michejmanta kanan karqa.

San Mateo 10:37

Pichus tatanta, chayrí mamanta, noqamanta astawan munakojqa, mana noqapaj jinachu. Ajinallatataj, pichus churinta, chayrí ususinta, noqamanta astawan munakun chayqa, nillataj noqapaj jinachu.

San Mateo 6:24

Mana pipis iskay patronespa kamachin kayta atinchu, imaraykuchus ujninta chejnenqa, ujnintataj munakonqa; chayrí, ujninman kutikonqa, ujnintataj qhesachanqa. Mana atinkichejchu ujllapi k'umuykukuyta Diosman qolqemampis.

San Juan 12:25

Kausayninta munakojqa, chinkachenqa; kay pachapi kausayninta qhesachajtaj, wiñay kausaypaj waqaychanqa.

Deuteronomio 21:15

Uj runaqa iskay warmisniyoj kaspa ichapis ujninta munakunman ujnintataj mana. Qhari wawasniyoj kajtenqa, chay kuraj wawanqa mana munasqa warmejtachu kanman.