Génesis 28:20 - Qheshwa Biblia DC

^20-21 Chaypi Jacobqa nerqa imatachus ruwananta: Sichus Dios pusaykachashawan, kay purisqaypi waqaychashawan; mikhuchishawantaj, p'achachishawantaj; sitajchus allillanta kutipusaj tataypa wasinman chayqa, Señorqa noqaj Diosniy kanqa.

DIOSPA QHELQACHISQAN DEUTEROCANONICAL

²⁰ Chantá Jacob tiluspa, ajinata Tata Diosta nerqa: Tata Dios, sichus noqawan kaspa, tukuy riyniypi waqaychawanki, jinallataj mikhunata, p'achatawan ima qowanki chayqa,

DIOSPA QHELQACHISQ

²⁰ Chantá Jacob tiluspa, ajinata Tata Diosta nerqa: Tata Dios, sichus noqawan kaspa, tukuy riyniypi waqaychawanki, jinallataj mikhunata, p'achatawan ima qowanki chayqa,

Génesis 28:20 ပူးပေါင်းရင်းမြစ်များ

Génesis 28:15

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

Génesis 31:13

Betelpi rikhurisorqa chay Dios noqa kani, maypichus qan niwarqanki imatachus ruwanaykita, uj rumita sayachispa chayman aceiteta jich'aspa. Kunanqa jaku, sayariy, ripuy kay jallp'amanta, kutipuy maypichus nacerqanki chayman, nispa niwarqa.

Génesis 35:3

Usqhayllata risunchej Betelman; chaypi ruwamunay tiyan uj altarta, llakisqa kashajtiy yanapawaj Diosman, Pay yanapawan tukuy puriyniypi.

2 Samuel 15:8

Noqa kamachiyki Siriamanta Gesur llajtapi tiyakushajteyqa, Señorman nerqani, sichus Pay Jerusalenman kutichimuwanman chayqa, noqa Payta yupaychanayta.

1 Crónicas 4:10

Jabestaj mañakorqa Israelpa Diosninmanta kay jinata: Mañakuyki bendicionniykita qonawaykita, uj jatun jallp'atawan, yanaparinawaykita, tukuy sajra kajmantataj waqaychanawaykitataj, ama ima llakiypi kanaypaj. Diostaj qorqa chay imatachus mañakusqanta.

Salmos 116:14

Kunanqa Señorman ruwasaj nisqayta junt'apusaj, tukuy ayllumpa ñaupaqempi.

Salmos 116:18

Señorman ruwasaj nisqayta junt'apusaj, tukuy ayllumpa ñaupaqempi.

Salmos 119:106

Cheqan nisqaykita junt'asaj nispa jurarqani; kunanqa chayman jina junt'asaj.

Salmos 132:2

Yuyarikuytaj juramemtota ruwasusqanmanta, Jacobpa Atiyniyoj Diosninman nisqanmanta.

Salmos 22:25

Llajtaykej jatun tantakuynimpi yupaychasqayki, qanmanta manchachikojkunaj ñaupaqempi, nisqaytataj junt'asajpuni.

Salmos 56:12

Ruwasaj nisqasuyta junt'asqayki, Diosníy; yupaychasuspa junt'asqayki,

Salmos 61:5

Qan, Diosníy, ruwasaj nisqasuyta uyariwanki, chayaqetataj qan qowanki, sutiykita yupaychajkunaj chayaqenta.

Salmos 61:8

Jinata sutiykitaqa wiñaypaj yupaychasaj, sapa diataj ruwasaj nisqayta junt'asaj.

Salmos 66:13

Wasiykiman yaykuspa, uywa ñak'asqasta ñaupaqeykipi q'olachisaj. Ajinata nisqasuyta ruwasaj, junt'asajtaj.

Salmos 76:11

Qankunataj, allinta ruwasaj, niychej Señor Diosniykichejman, junt'aychejtaj ruwasaj nisqaykichejta. Qankuna, muyuynimpi kajkuna, manchachikuna Diosman jaywana kajta jaywaychej.

Isaías 19:21

Chaypacha Señorqa egipcioswan rejsichikonqa, paykunataj Señortaqa rejsenqanku, yupaychanqanku ima, uywata wañuchispataj jaywanqanku, chantá rikuchikusta ima. Paykuna Señorta sirvisaj nenqanku, junt'anqankutaj.

San Juan 1:16

Paypa jatun qhapaj kayninmanta tukuypis jap'inchej qhasimanta Diospa yanapayninta; chaytaqa ñaupajta qowarqanchejña, kunantaj astawan qowanchej.

Hechos 18:18

Pabloqa unaytaraj Corintopi qhepakorqa. Chaymantataj hermanosta saqespa, botepi riporqa Siriaman, Priscilawan Aquilawan khuska. Cencrea llajtapitaj, manaraj boteman wicharishaspa Pabloqa chujchanta k'utuchikorqa, ruwasaj nisqanta junt'anampaj.

1 Timoteo 6:8

Ajinaqa mikhunayoj, p'achayoj kaspaqa, chaywan kusisqa kakunanchej.

1 Samuel 1:11

Señorman kayta nerqa: Tukuy Atiyniyoj Señor: Sichus qan qhawariwaj kay kamachiykej llakiyninta chayqa, noqamanta yuyarikuspa uj wawata qowankiman chayqa, noqa qopusqayki tukuy kausaynimpi qampa kamachiyki kanampaj, manataj jayk'ajpis chujchasnin k'utusqaschu kanqanku.

1 Samuel 1:28

Noqamantaqa Señorman jaywapuniña, kausanankamaqa Señorpaj kausachun. Chaypacha Eleqa pampakama k'umuykukuspa Señorta yupaycharqa.

1 Samuel 14:24

Chaywampis maqanaku p'unchaypeqa israelitasqa sinch'i sayk'usqas kasharqanku, mana pipis mikhunata llamillerqapischu, Saul paykunata jurachisqanrayku, kay jinata: Maldicisqa kanqa pillapis imallatapis mikhojqa manaraj ch'isiyashajtin, manaraj enemigosniyman aynita kutichishajtiy.