Génesis 28:14 - Qheshwa Biblia DC

¹⁴ Mirayniykeqa ashkhata miranqa mana yupay atina jallp'a t'iyu jina; paykuna junt'anqanku patanejman, uranejman, inti llojsimuynejman, inti yaykuynejman. Tukuy ayllus qannejta bendicisqas kanqanku, jinallataj mirayniykinejtapis.

DIOSPA QHELQACHISQAN DEUTEROCANONICAL

¹⁴ Mirayniykeqa t'iyu jina mana yupay atina kanqa, paykunataj wichaynejman, uranejman, inti llojsimuynejman, inti yaykuynejman ima junt'aykonqanku. Qannejta, jinallataj mirayniykinejtapis kay pachapi tukuy runakuna saminchasqa kanqanku.

DIOSPA QHELQACHISQ

¹⁴ Mirayniykeqa t'iyu jina mana yupay atina kanqa, paykunataj wichaynejman, uranejman, inti llojsimuynejman, inti yaykuynejman ima junt'aykonqanku. Qannejta, jinallataj mirayniykinejtapis kay pachapi tukuy runakuna saminchasqa kanqanku.

Génesis 28:14 ပူးပေါင်းရင်းမြစ်များ

Génesis 12:3

Qampaj allinta ruwajkunapaj allinta ruwapusaj, qampaj mana allinta ruwajkunatarí maldicisaj. Qannejta bendicisqas kanqanku tukuy ayllus kay jallp'a patapi kajkuna.

Génesis 13:14

Lot ripusqanmanta qhepaman Señorqa nerqa Abramman: Maypichus kashanki chaymanta sumajta qhawariy patanejta uranejta, inti llojsimuyta inti yaykuytawan.

Génesis 13:15

Noqa qosqayki tukuynin rikusqayki jallp'asta, qampaj wiñaypaj kanqa, jinallataj mirayniykipajpis.

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Génesis 22:17

Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

Génesis 22:18

Tukuy naciones mundopi kajkuna paykunanejta bendicisqas kanqanku, qan imatachá nisusqayta kasuwasqaykirayku.

Génesis 26:4

Mirayniykita ashkhata mirachisaj cielopi qoyllurkunata jina, jinaspataj paykunaman kay jallp'asta qosaj. Chantapis paykunanejta tukuy naciones kay mundopi bendicisqas kanqanku, imaraykuchus Abrahamqa kasuwan, junt'antaj kamachisqasniyta, leyesniyta, kamachisqasniytawan.

Génesis 32:12

Qan niwarqanki allin rinawanta tukuy imapi, mirayniypis mar qocha t'iyu jina kananta mana yupay atina.

Génesis 48:19

Tatantaj mana munarqachu, nerqataj: Chaytaqa yachallani wawáy. Paypis uj jatun nacionman tukonqa. Chaywampis kay sullk'a kajtaj aswan jatun nación kanqa paymanta nisqaqa.

2 Crónicas 1:9

Kunanqa Señor Diosníy, junt'ay ari imastachus tatayman nisqaykita. Qanllataj churawanki kay ñut'u jallp'a jina kay chhika aylluta kamachinaypaj.

Salmos 72:17

Reypa sutintaj wiñaypajpuni kachun, allin kaynintaj inti jina unaypaj kachun. Tukuy ayllus mundontimpi kajkuna, paynejta bendicisqas kachunku. Kusikuyniyojmin nispa tukuy ayllus kutichachunku.

Éxodo 32:13

Yuyarikuy ari, ima tratotachus ruwasqaykita kamachisniyki Abrahamwan, Isaacwan, Israelwan ima. Qan chayta ruwashaspa nerqanki: Noqa mirayniykichejta mirachisaj qoyllurkunata jina, kay jallp'ata qosaj mirayniykichejman imatachus qosaj nisqayman jina, paykunataj chayaqenkupaj wiñaypaj jap'ikunankupaj.

Isaías 54:3

Lloq'emantaj pañamantaj jatunyanki; mirayniykeqa nacionesta jap'ikaponqanku. Chay saqerasqa ch'in llajtasman junt'anqanku.

Números 23:10

Paykunaqa jallp'a t'iyu jina kanku. Pitaj paykunata yupayta atinmanri? Pitaj yachanman mashkhachus kasqankutari? Allin kanman kay cheqan runas jina wañunay, ajinamanta noqaj tukuyneyqa paykunajta jina kanman!

San Mateo 8:11

Niykichej ari: Ashkha runakuna jamonqanku inti llojsimuynejmanta, inti yaykuynejmanta ima. Janaj pachapitaj Diospa reinompi mikhonqanku Abrahamwan, Isaacwan. Jacobwan ima.

Hechos 3:25

Qankunaqa profetaspa wawasnin kankichej, jap'erqankichejtaj tatasniykichejwan Dios tratota ruwasqanta. Maypachachus Abrahamman nerqa: Qampa mirayniykipi, tukuy runaj ayllusnin bendicisqa kanqa, nispa.

Gálatas 3:16

Kunanqa Abrahamman, mirayninmanta jamojmanwan Dios qonanta nerqa. Manataj Escritura nerqachu: Mirayniykimanta jamojman, ashkhasmampis parlashanman jina, manachayqa ujllamanta parlan, chaytaj Cristo.

Gálatas 3:8

Escriturapis ñaupajmanta yachaspa, Dios gentilesta fenejta runasnimpaj qhawasqanta, kay sumaj willayta Abrahammanña qorqa, nispa: Qampi tukuy runas bendicisqas kanqanku.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

Deuteronomio 12:20

Maypachachus Señor Diosniykichej jallp'aykichejta jatunyachejtin, pay qosqaykichej nisqanman jina, aychamanta yarqhasonqachej chayqa, ima ratollapis mikhuyta atinkichej.

Deuteronomio 13:17

Qankunaqa chay tukuy imas chinkachisqa kananmanta ama imatapis jap'ikapunkichejchu. Chayta ruwankichej chayqa, Señorpa sinch'i phiñakuynenqa tiyaykonqa, qankunatataj khuyasonqachej. Qankunata perdonaspataj ashkhata mirachisonqachej, tatasniykichejman juraspa nisqanman jina.

Apocalipsis 7:4

Sellasqakunaj yupaynintaj uyarerqani: Israelpa churisnin tukuynin ayllusmanta, pachaj tawa chunka tawayoj waranqa sellasqas karqanku.

Apocalipsis 7:9

Kay imaspa qhepanta, ancha ashkha runata rikorqani, mana yupay atinata tukuy llajtamanta, ayllumanta, runasmanta, tukuy parlaykunamantawan. Paykunaqa tronoj ñaupaqempi, Corderoj ñaupaqempi kasharqanku, yuraj p'achaswan p'achallisqas. Palmastataj makisninkupi jap'isharqanku.