Génesis 26:31 - Qheshwa Biblia DC

³¹ Q'ayantintaj tutamanta jatariytawan tratota ruwarqanku purajmanta. Jinaspataj Isaacqa paykunata kacharpayarqa, tinkunakama, nispa; jinallataj paykunapis, ripusqayku nerqanku tukuy sonqo kausaqesnin jina.

DIOSPA QHELQACHISQAN DEUTEROCANONICAL

³¹ Q'ayantintaj tutamanta jatariytawan, tiluchinakuspa, tratota ruwarqanku. Jinaspataj, Isaac paykunata kacharpayarqa: Tinkunakama, nispa. Jinallataj paykunapis: Ripusqayku, nispa, allin sonqo riporqanku.

DIOSPA QHELQACHISQ

³¹ Q'ayantintaj tutamanta jatariytawan, tiluchinakuspa, tratota ruwarqanku. Jinaspataj, Isaac paykunata kacharpayarqa: Tinkunakama, nispa. Jinallataj paykunapis: Ripusqayku, nispa, allin sonqo riporqanku.

Génesis 26:31 ပူးပေါင်းရင်းမြစ်များ

Génesis 14:22

Abramtaj kuticherqa: Señorman juraspa niniña, patapi kaj Diosman, pichus janaj pachata kay pachatawan ruwajman, qampata kajta ni imata jap'ikapunayta, ni ima q'aytullatapis zapatoyta wataykunallaypajpis, ama ni jayk'aj ninawaykipaj, noqaj imasniywan qhapajyashan, nispa.

Génesis 21:14

Q'ayantin tutamanta Abrahamqa Agarpaj wakichiporqa, jaywarqataj t'antata, uj qara botaspi yakutawan. Jinaspataj Agarman wawan Ismaelta q'epiriykucherqa, kacharpayarqataj iskayninkuta. Chaymanta Agarqa riporqa mana yachaspa maymanchus rinanta, Beerseba ch'in pampaman chayanankama.

Génesis 21:23

Chayrayku qan niy ari Diospa sutinta oqharispa, ama ima sajratapis ruwanawaykita, ni wawasniypaj, nitaj mirayniypajpis. Nillaytaj ari allinta ruwanawaykita noqa imaynatachus ruwarqayki ajinata, jinallataj allinta ruwanaykita kay runaspajpis, mayqenkunaj llajtampichus tiyakushanki chaypi.

Génesis 21:27

Abrahamqa Abimelecman waqerqa ovejasta, wakasta; iskayninkutaj uj tratota ruwarqanku.

Génesis 22:3

Abrahamqa q'ayantin tutamanta jatarispa, burronta karunaykuytawan, iskay kamachisninta wawan Isaactawan wajyarqa q'olachinapaj llant'ata k'utuytawan rerqa maymanchus Dios nerqa chayman.

Génesis 25:33

Jacobqa nillarqapuni, kunampacha nillayña qonawaykita, nispa. Esautaj yarqhaywan mana kayta atispa, kuraj wawa kaspa jap'inanta, nerqa qopunanta Jacobman.

Génesis 26:32

Chay kikin p'unchayllataj Isaacpa kamachisnin jamorqanku willaj, yakuta tarisqankuta chay allasharqanku chay pujyupi.

Génesis 31:44

Chayrayku kunanqa jamuy; qanwan noqawan ruwanachej uj tratota, noqanchej ukhupi iskayninchejpaj allin kanampaj.

Génesis 31:55

Labanqa q'ayantin tutamanta jatarispa wawasninta, allchhisnintawan much'ararqa. Jinaspataj bendiciytawan wasinman kutiporqa.

Hebreos 6:16

Runasqa astawan kurajninkoj sutimpi juranku; juramentota oqharejtinkutaj tukuy ima churanaku tukukapun.

1 Samuel 14:24

Chaywampis maqanaku p'unchaypeqa israelitasqa sinch'i sayk'usqas kasharqanku, mana pipis mikhunata llamillerqapischu, Saul paykunata jurachisqanrayku, kay jinata: Maldicisqa kanqa pillapis imallatapis mikhojqa manaraj ch'isiyashajtin, manaraj enemigosniyman aynita kutichishajtiy.

1 Samuel 20:3

Davidqa ujtawan nerqa: Tataykeqa sumajta yachan, qan maytapuni noqata munakuwasqaykita, payqa mana munanqachu kayta yachanaykita ama llakikunaykipaj. Señorpa sutinrayku qanrayku jurani, wañuy patapi kashasqayta!

1 Samuel 30:15

Davidtaj kuticherqa: Pusarqowankimanchu chay suwas maypichus kashanku chayman?, nispa. Chay egipcio runataj kuticherqa: Diosniykej sutimpi jurawankiman mana wañuchinawaykita, nitaj patronniymampis jaywanawaykita chayqa, paykunakama pusarqosqayki, nispa.