Génesis 22:17 - Qheshwa Biblia DC

¹⁷ Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

DIOSPA QHELQACHISQAN DEUTEROCANONICAL

¹⁷ Noqaqa may jinata saminchasqayki. Mirayniykitaqa janajpi ch'askakunata jina may chhikata mirachisaj. Paykuna mama qocha kantupi t'iyu jina, yupay mana atina kanqanku, jinataj mirayniykeqa tukuy awqankukunata atipanqanku.

DIOSPA QHELQACHISQ

¹⁷ Noqaqa may jinata saminchasqayki. Mirayniykitaqa janajpi ch'askakunata jina may chhikata mirachisaj. Paykuna mama qocha kantupi t'iyu jina, yupay mana atina kanqanku, jinataj mirayniykeqa tukuy awqankukunata atipanqanku.

Génesis 22:17 ပူးပေါင်းရင်းမြစ်များ

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

Génesis 13:16

Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

Génesis 15:5

Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.

Génesis 17:6

Mirayniykita ashkhata mirachisaj, qanmanta llojsenqanku reyes, naciones ima.

Génesis 24:60

Chaymantataj Rebecata bendicispa nerqanku: Oh, hermanayku, qan kanki waranqa waranqaspa mamanku, mirayniyki qhechuchun ashkha llajtasta enemigosninkumanta.

Génesis 25:11

Abraham wañupusqanmanta qhepata Dios bendicerqa Abrahampa wawan Isaacta; pay tiyakorqa, “Pichus kausaj rikuwan”, nisqa pujyoj qayllampi.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Génesis 26:4

Mirayniykita ashkhata mirachisaj cielopi qoyllurkunata jina, jinaspataj paykunaman kay jallp'asta qosaj. Chantapis paykunanejta tukuy naciones kay mundopi bendicisqas kanqanku, imaraykuchus Abrahamqa kasuwan, junt'antaj kamachisqasniyta, leyesniyta, kamachisqasniytawan.

Génesis 28:3

Tukuy atiyniyoj Dios bendicisuchun, ashkhayachisuchun, mirayniykita mirachichun, qanmanta ashkha naciones kanankupaj.

Génesis 28:4

Qanman mirayniykimanwan bendicionninta qosuchun, imatachus Abrahamman qosqayki nerqa chayta, kay jallp'ata jap'ikapunaykichejta, mayqempichus kunan tiyakushanchej karu llajtayojpis kasunman jina. Kay jallp'ataqa Dios qorqa Abrahamman.

Génesis 32:12

Qan niwarqanki allin rinawanta tukuy imapi, mirayniypis mar qocha t'iyu jina kananta mana yupay atina.

Génesis 32:13

Chay ch'isi chaypi Jacob puñorqa, jinaspataj wauqen Esauman qonampaj ajllarqa imachá kapusqanmanta: Iskay pachaj cabrasta, iskay chunka chivostawan; iskay pachaj ovejasta, iskay chunka orqo ovejastawan; juch'uy uñasniyoj kinsa chunka camellosta, tawa chunka wakasta, chunka torostawan; iskay chunka china burrosta, chunka orqo burrostawan.

2 Samuel 17:11

Kunanqa yuyaychaykiman tukuynin israelitas qanwan tantakunankuta Danmantapacha Beerseba llajtakama, chay chhika kanku mar qochaj cantompi t'iyu jinapuni, qan kikiykitaj maqanakupi kamachiwaj.

1 Reyes 4:20

Judamanta Israelmantawan ashkha runaspuni karqanku, mar qochaj cantompi t'iya jina, mikhuspa ujyaspa kusikuspataj.

1 Reyes 9:26

Salomonqa ruwallarqataj jatuchej buquesta Ezión-geberpi, Puka Mar qochaj cantompi, Elat nisqa chaypi, chaytaj Edom jallp'api kashan.

1 Crónicas 27:23

Davidqa mana yupacherqachu iskay chunka watayojmanta sullk'astaqa, Señor nisqanrayku israelitastaqa mirachinanrayku cielopi qoyllurkunata jina.

2 Crónicas 1:9

Kunanqa Señor Diosníy, junt'ay ari imastachus tatayman nisqaykita. Qanllataj churawanki kay ñut'u jallp'a jina kay chhika aylluta kamachinaypaj.

Nehemías 9:23

May chhika wawasniyoj kanankuta qan miracherqanki, janaj pachapi qoyllurkuna jina chhikatapuni. Ñaupa tatasninkuman qonaykita nerqanki chay jallp'amantaj pusarqanki jap'ikapunankupaj.

Éxodo 32:13

Yuyarikuy ari, ima tratotachus ruwasqaykita kamachisniyki Abrahamwan, Isaacwan, Israelwan ima. Qan chayta ruwashaspa nerqanki: Noqa mirayniykichejta mirachisaj qoyllurkunata jina, kay jallp'ata qosaj mirayniykichejman imatachus qosaj nisqayman jina, paykunataj chayaqenkupaj wiñaypaj jap'ikunankupaj.

Isaías 48:19

Mirayniykipis t'iyu jina mana yupay atina kanman karqa. Qanmanta llojsejkunaqa t'iyu jinapuni kanman karqa. Noqaqa mana jayk'ajpis chinkachiykichejmanchu, manataj ñaupaqeymantapis wijch'uymanchu karqa.

Jeremías 32:22

Israel aylluykiman qorqanki kay jallp'ata, lechewan misk'iwan yaku jina puririshan chayta, imaraykuchus ñaupa tatasninkuman qonaykita nisqaykiman jina.

Jeremías 33:22

Kamachiy Davidpa mirayninta, kamachisniyta, Levejpa mirayninmanta kamachisniy sacerdotestapis may chhikaman mirachisaj janaj pachapi qoyllurkunata jina, mar qochaj t'iyunta jinataj, mana yupay atinata.

Oseas 1:10

Uj p'unchaypeqa mar qochaj t'iyun jina mana yupay atina kanqanku israelitasqa, ni pi midiyta nitaj yupayta atenqachu. Diosqa manaña llajtaychu kankichej, ninasuykichejtaqa, qankunaqa kausaj Diospa wawasnin kankichej, nisonqachejñataj.

Oseas 2:1

Chaypacha qankuna wauqesniykichejman ninkichej: Diospa llajtan, nispa. Warmi panas ñañasniykichejmantaj ninkichej: Diospa khuyasqan, nispa.

Miqueas 1:9

Imaraykuchus Samariaj nanachikusqanqa mana jayk'aj jampinapaj jina: Chaytaj chayarqa Judakama chantá maypichus aylluy tiyakun chay Jerusalén llajtakamataj chayarqa.

Romanos 4:13

Diosqa mana leyraykuchu Abrahamman nerqa, mirayninmampis kay mundota chayaqepaj qonanta; astawanqa Diospi Abrahampa feninrayku.

Romanos 9:27

Israelitasmanta Isaías nerqa: Israelitaspa mirayninchus mar qochaj t'iyun jina kanman chaypis, chaykunamanta pisi puchojkunalla salvasqas kanqanku.

1 Corintios 15:57

Kunanqa Diosman gracias qosqa kachun, atipayta qowasqanchejmanta, Señorninchej Jesucristonejta.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

Deuteronomio 1:10

Señor Diosniykichejqa kay chhikata mirachisunkichej. Kunan qankunaqa jatun ayllu ashkha kankichej, janaj pacha estrellas jina.

Deuteronomio 1:11

Ñaupa tatasniykichejpa Señor Diosnin kunanqa qankunata mirachichun uj waranqa jinatawan kunan kashankichej chaymanta nisqaqa; astawantaj qankunata bendicichun, imatachus qosqaykichej nisqanman jina.

Deuteronomio 10:22

Mayk'ajchus ñaupa tatasniykichej Egiptoman chayarqanku chaypacha paykuna qanchis chunkalla karqanku. Kunanrí qankunata Señor Diosniykichej ashkhata mirachisunkichej janaj pacha estrellasta jina.

Deuteronomio 13:17

Qankunaqa chay tukuy imas chinkachisqa kananmanta ama imatapis jap'ikapunkichejchu. Chayta ruwankichej chayqa, Señorpa sinch'i phiñakuynenqa tiyaykonqa, qankunatataj khuyasonqachej. Qankunata perdonaspataj ashkhata mirachisonqachej, tatasniykichejman juraspa nisqanman jina.

Deuteronomio 13:18

Ajina kanqa Señor Diosniykichejta kasuwajchej chayqa, kay tukuy kamachisninta junt'aspa, kunan nishaykichej, chaykunata ruwaspataj allin kajllata Señor Diosniykichejpa ñaupaqempi.

Hebreos 11:12

Chay jinamanta, uj runamanta wañusqa jina kajmantaña, patapi qoyllurkuna jina runa mirarqa, mar qocha cantompi t'iyu jinataj, mana yupay atina.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.