Génesis 19:5 - Qheshwa Biblia DC

⁵ Lottataj qhaparerqanku: Maytaj kunan ch'isi wasiykiman chayamorqanku chay qharis? Paykunawan puñuyta munayku. Orqhomuy, nispa.

DIOSPA QHELQACHISQAN DEUTEROCANONICAL

⁵ Lotta wajyaspataj, nerqanku: Maytaj kunan ch'isi wasiykiman chayamojkunari? Paykunawan puñuykuyta munayku. Jawaman orqhomuy, nispa.

DIOSPA QHELQACHISQ

⁵ Lotta wajyaspataj, nerqanku: Maytaj kunan ch'isi wasiykiman chayamojkunari? Paykunawan puñuykuyta munayku. Jawaman orqhomuy, nispa.

Génesis 19:5 ပူးပေါင်းရင်းမြစ်များ

Génesis 19:6

Lotqa llojserqa wasinta sumajta wisq'aykuspa paykunawan parlaj, nerqataj: Wauqesníy, ama chay jina millaytaqa ruwaychejchu ari, mana allinchu chayqa.

1 Reyes 14:24

Chay jallp'api warmi jina qhenchachakoj qharis kallarqataj, chaykunata Señorqa israelitaspa ñaupaqenmanta wijch'orqa, paykunarí chay llajtaspa millay ruwasqankuta ruwallarqankutaj.

1 Reyes 22:46

Jinallatataj Judá jallp'amanta qharqorqa chay warmi jina qenchachakojkuna qharista, tatan Asaj tiemponmantapacha qhepakusqanku chaykunata.

Isaías 1:9

Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

Isaías 3:9

Paykunaj uyallankutaj willashan imaynachus kasqankuta. Sodoma runas jina, mana pakarispa juchasninkutaqa tukuyman willanku. Imachus paykunamantaqa kanqapis, paykunallataj jasut'ita wakichikunku.

Jeremías 3:3

Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

Jeremías 6:15

Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

Ezequiel 16:49

Sodoma ñañaykej juchanqa kay jina karqa: Payqa, jinataj ranchosnimpis jatunchakorqanku, wapuykacharqankutaj ashkha mikhunayoj kaspa, allin imaswan junt'asqa kausakusqankurayku, manataj wajchasman, ni pisichikojkunatapis yanaparqankuchu.

Ezequiel 16:50

May wapusman tukorqanku, millay imastataj ñaupaqeypi ruwarqanku, chayrayku paykunata rikunaykita t'unaykorqani.

Ezequiel 16:51

Samaria llajtaqa mana khuskallantapis juchallinchu qampa juchallisqaykita jinaqa. Qanqa aswan millay imasta ruwarqanki paykunamanta nisqaqa. Chay chhikatapuni juchallisqaykirayku, paykunaqa ladoykipi mana juchayojpis kankuman jina rikhurinku.

Levítico 18:22

Ama pi qhariwampis puñuykapunkichu, warmiwampis puñushawaj jina; chayqa millay juchamin.

Levítico 20:13

Sichus uj qhari waj qhariwan puñuykapunman warmiwampis puñushanman jina chayqa, iskayninku wañuchisqas kanqanku, imaraykuchus jatun millay juchata ruwanku. Paykunalla wañuyninkumanta juchayoj kanku.

1 Corintios 6:9

Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.

Deuteronomio 23:17

Israel ukhupi mana kanqachu qhenchachakoj warmis, chayri qharispis. Imaynatachus mana cheqan Diospi creejkunaqa templosninkupi ruwanku ajinata.

1 Timoteo 1:10

Millay purejkunapaj, qharipura juchallejkunapaj, runasta suwajkunapaj, llullaspaj, qhasimanta Diospa sutinta oqharejkunapaj, allin yachachiypa contrampi kajkunapaj.

2 Timoteo 3:13

Sajra runas ch'aukiyajkunapis, sajra kasqankumanta, astawan sajrayanqanku, pantaspa, pantachispataj.

2 Pedro 2:2

Ashkhastaj paykunawan renqanku aychaj millay munayninta ruwaspa. Paykunanejta runas rimanqanku cheqan ñampa contranta.

2 Pedro 2:7

Cheqanta kausakoj Lottarí ayqecherqa; payqa anchata llakikoj, chay juchasapaspa sajra kausayninkumanta.

Judas 1:7

Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.

Jueces 19:22

Sinch'i kusiypi karishajtinkutaj, chay llajtamanta aswan sajra runas kajkuna wasita muyuykorqanku, punkutataj takayta qallarerqanku, nerqankutaj chay wasiyoj machu runata: Chay chayaqamoj runata orqhomuy! Paywan puñuyta munayku!, nispa.