Génesis 15:13 - Qheshwa Biblia DC

¹³ Señortaj payman nerqa: Yachay kayta, mirayniykeqa tiyakonqa runaj llajtampi, chaypitaj runaj kamachisnin, may k'irinchasqastaj kanqanku tawa pachaj watasta.

DIOSPA QHELQACHISQAN DEUTEROCANONICAL

¹³ Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

DIOSPA QHELQACHISQ

¹³ Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

Génesis 15:13 ပူးပေါင်းရင်းမြစ်များ

Génesis 15:16

Tawa mita qhepata mirayniykeqa kay jallp'aman kutimullanqataj; imaraykuchus amorreospa sajra ruwaynenqa manaraj kaykamaqa chhikapunichu.

Génesis 17:8

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

Génesis 47:4

Kunanqa kayman tiyakoj jamuyku ari, imaraykuchus Canaampeqa manchay yarqhay kashan, pastollapis mana kanchu uywasniykupaj. Chaypaj qan niwayku ari Gosén jallp'api tiyakunaykuta, nispa.

Salmos 105:42

Diosqa yuyarikorqa kamachin Abrahamman ruwasaj nisqanta.

Éxodo 1:11

Chaymanta Egiptomanta kajkunaqa capatazkunata churarqanku, israelitasta jasut'ispalla mayta llank'achinankupaj. Paykunata iskay llajtasta ruwacherqanku Pitonta, Ramasestawan. Chay llajtasqa karqa rey faraón mikhukunasta waqaychachinampaj.

Éxodo 1:13

Egipciosqa israelitasta maytapuni ñak'aricherqanku wata runasta jina llank'achispa.

Éxodo 1:14

Ajinata maytapuni llakichispa israelitasta llank'acherqanku, t'uruta sarucherqanku, ladrillosta ruwacherqanku, wakintaqa campospi llank'acherqanku, wakintataj mayta jasut'ispa waj llank'aykunaman churarqanku.

Éxodo 2:24

Dios uyarerqa chay mañakuyninkuta, yuyarikuspa imaynatachus Abrahamwan, Isaacwan, Jacobwan ima uj tratota ruwasqanta.

Éxodo 22:21

Waj llajtayoj runastaqa ama ch'aukiyankichu, nitaj llakichinkichu, imaraykuchus qankunapis Egiptopi waj llajtayojllataj karqankichej.

Éxodo 23:9

Waj llajtayojta ama llakichinkichu; qankunapis Egiptopi waj llajtayojllataj tiyakorqankichej. Chayrayku yachallankichej runaj llajtampi imaynachus tiyakuna kasqantaqa.

Éxodo 3:10

Chayrayku kunanqa jamuy, qanta kachasqayki faraonman, aylluy israelitasta Egiptomanta orqhomunaykipaj.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Levítico 19:34

Paykunata qankuna kikiykichejta jina qhawaychej, paykunata munakuychej, imaraykuchus qankuna kikillantaj. Qankunapis yuyarikuychej, karu llajtayoj jinallataj Egipto jallp'api tiyakusqaykichejta. Noqamin Señor Diosniykichejqa kani.

Números 20:15

Noqaykoj ñaupa tatasniyku Egiptoman riporqanku, chaypitaj unayta tiyakorqanku. Egipciostaj chaypi mayta ñak'arichiwarqayku ñaupa tatasniykuta jina.

Hechos 7:17

Maypachachus Dios, Abrahamman qosqayki nerqa, chay p'unchaykunataj junt'akunampaj qayllamushajtin, Israel runakunaqa Egiptopi manchay ashkhaman mirarqanku, Egiptopi waj rey sayarinankama. Payqa Joseta mana rejserqachu pichus kasqanta.

Gálatas 3:17

Kayta nini: Ñaupajta Diosqa Abrahamman tratota ruwarqa Cristo nacikunanmanta. Leyqa tawa pachaj kinsa chunkayoj watas qhepataña churasqa karqa, chayrayku mana atinchu Diospa qosqayki nisqanta chinkachiyta, nitaj yanqhayachiyta.

Deuteronomio 10:19

Qankunaqa karu llajtayojta munakuychej ari, yachaspa qankunapis karu llajtayojllataj kasqaykichejta Egiptopi kashaspa.

Deuteronomio 5:15

Qanqa yuyarikuy imaynatachus qampis Egiptopi kamachi kasqaykita. Señor Diosniyki chaymantaqa orqhomusorqa jatun atiyninwan. Chayrayku Señor Diosniykeqa kamachisunki, samakuna p'unchayta waqaychanaykita.