Génesis 14:22 - Qheshwa Biblia DC

^22-23 Abramtaj kuticherqa: Señorman juraspa niniña, patapi kaj Diosman, pichus janaj pachata kay pachatawan ruwajman, qampata kajta ni imata jap'ikapunayta, ni ima q'aytullatapis zapatoyta wataykunallaypajpis, ama ni jayk'aj ninawaykipaj, noqaj imasniywan qhapajyashan, nispa.

DIOSPA QHELQACHISQAN DEUTEROCANONICAL

²² Abramtajrí Sodomata kuraj kamachejman ajinata kuticherqa: Noqaqa chhika kaj Patapi Kaj Tata Diosman tiluspa niniña, pichus janajta, kay pachatawan ruwajman:

DIOSPA QHELQACHISQ

²² Abramtajrí Sodomata kuraj kamachejman ajinata kuticherqa: Noqaqa chhika kaj Patapi Kaj Tata Diosman tiluspa niniña, pichus janajta, kay pachatawan ruwajman:

Génesis 14:22 ပူးပေါင်းရင်းမြစ်များ

Génesis 14:21

Chaymantataj Sodomamanta kaj reyqa Abramman nerqa: Kunanqa runasllata qopuway, tukuy imas kajkunatataj jap'ikapuy.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 21:33

Abrahamtaj uj tamarisco sach'ata chaypi tarporqa. Beersebapi Abrahamqa wiñay kausayniyoj Señor Diosmanta mañakorqa.

Génesis 24:3

Kunanqa juray ari, Señorrayku, janaj pachapi kay pachapipis kaj Diosrayku. Qan ama casarachinkichu waway Isaacta kay Canaampi kaj warmiswan, maypichus tiyakushani chay llajtayoj warmiswan.

2 Samuel 2:5

Chaypacha Davidqa willajkunata Jabesman kacharqa, kay jinata nichispa: Señor qankunata bendicichun Saúl reyniykichejta khuyakusqaykichejrayku, payta jallp'aykichejpi p'ampaspa.

2 Reyes 5:16

Chanta Eliseoqa nerqa: Señorpa sutimpi jurani, paypa ñaupaqempi kashani, mana jap'ikuykimanchu imatapis. Chaywampis Naamanqa munarqapuni imallatapis jap'ichiyta. Eliseorí manapuni jap'ikorqachu.

1 Crónicas 29:11

Señor qampatamin jatunchasqa kayqa, atiypis, kusiypis, atipaypis, jatunchasqa kaypis! Qampatamin kay pachapi, janaj pachapi, tukuy ima kajpis. Reinopis qampallatataj, Señor, qanlla tukuymanta aswan jatun atiyniyoj kanki.

Salmos 144:11

Libraway wañuchej espadamanta, libraway waj runakunaj makinkuman urmanaymanta, libraway llullakojkunamanta, paykuna paña makinkuta oqharispa juranku.

Salmos 144:8

Libraway llullakojkunamantawan, mayqenkunachus paña makinkuta oqharispa juranku, manataj junt'ankuchu.

Salmos 24:1

Tukuy jallp'a Señorpata, tukuy ima chaypi kajpis; tukuy kay pachaqa paypata, tukuy ima chaypi kajkunapis.

Salmos 83:18

Yachachunku qanlla Señor kasqaykita, qanllapuni patapi kaj Dios tukuy kay pachapi kasqaykita.

Éxodo 6:8

Noqa pusasqaykichej, ima jallp'atachus Abrahamman, Isaacman, Jacobman ima, chayaqenkupaj qosqaykichej nerqani chayman. Noqamin kani Señorqa.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Daniel (hebreo) 12:7

Linomanta p'achayoj runaqa, makisninta janaj pachaman oqharispa, kausaj Diospa sutimpi juraspa nerqa: Kinsa tiempo khuskanniyojmanta, maypachachus Diospa ayllumpata atiynin mana atipasqañachu kanqa, chaypacha kay tukuynin imasqa tukukonqa.

Daniel (hebreo) 4:34

Jasut'i p'unchaykuna junt'akojtin, noqa Nabucodonosorqa, janaj pachata qhawarerqani, loco kayniymantataj thañisqa kasqayta reparakorqani. Chaypacha, Jatun Diosta yupaycharqani, kay palabraswantaj wiñaypaj kausayniyojta jatuncharqani: Paypa atiynenqa wiñaypajpuni. Llajtakunata kamachinantaj miraypa miraynintimpaj kanqa.

Deuteronomio 10:14

Kunanqa yachanaykichej tiyan; janaj pachaqa janaj pachamanta aswan patapi kajkuna, kay pacha, chaypi imaschus kajkunasnintin, Señor Diosniykichejpata kashanku.

Deuteronomio 32:40

Noqaqa makiyta janaj pachaman oqharisaj, nisajtaj wiñaypaj kausasqayta.

Jueces 11:35

Ajinaqa payta rikuytawankama p'achanta llik'ikorqa may llakikuywantaj kay jinata nerqa: Ay, wawáy, may chhika llakiyta apamuwanki! Qannejta may llakiypi rikhurisaj! Uj promesata Señorman ruwarqani kunantaj junt'anay tiyan.