Génesis 13:8 - Qheshwa Biblia DC

⁸ Uj p'unchay Abramqa Lotman nerqa: Qanwan noqawanqa aylluntin kanchej, mana atisunmanchu phiñanakuyta noqanchejpura, nitaj michejkunasninchejpis phiñanakuyta atinkuchu.

DIOSPA QHELQACHISQAN DEUTEROCANONICAL

⁸ Jina kajtenqa, Abram Lotta nerqa: Qanwan noqawanqa ayllu masintin kanchej. Chayrayku noqanchejpura mana phiñanakuyta atisunmanchu, nitaj michejninchejkunapis phiñanakuyta atillankutajchu.

DIOSPA QHELQACHISQ

⁸ Jina kajtenqa, Abram Lotta nerqa: Qanwan noqawanqa ayllu masintin kanchej. Chayrayku noqanchejpura mana phiñanakuyta atisunmanchu, nitaj michejninchejkunapis phiñanakuyta atillankutajchu.

Génesis 13:8 ပူးပေါင်းရင်းမြစ်များ

Génesis 13:9

Qhawariy, jallp'aqa tiyallan, ajllakuy, noqamanta t'aqakuy. Sichus qan lloq'eman rinki chayqa, noqa ripusaj pañanejman. Qantajchus pañanejman rinki chayqa, noqaqa ripusaj lloq'enejman.

Génesis 14:14

Abramtaj sobrinon preso kasqanta yachaytawan, wasimpi nacekoj kamachisninta tantarqa; tukuynimpi karqanku kinsa pachaj chunka pusajniyoj qharis. Chaykuna sumajta wakichikuytawan qhatiykorqanku Dan llajtakama.

Génesis 45:24

Joseqa wauqesninta kacharpayashaspa nerqa: Pajtataj ñampi phiñanakuspa maqanakushawajchej, nispa. Paykunataj riporqanku.

Salmos 133:1

Rikuychej imayna sumajchus, wauqepura uj sonqolla k'achata kausanankoqa.

Éxodo 2:13

Q'ayantin ujtawan llojsillarqataj, chaypi rikorqa iskay hebreostañataj maqanakushajta; mayqenchus astawan atipaj kajta nerqa: Imaraykutaj ayllullaykimantataj kajta chay jinata maqankiri?, nispa.

Proverbios 15:1

K'achamanta kuticheyqa phiñakuyta thasnun; mana allin palabraswan kuticheyqa astawan phiñarichin.

Proverbios 15:18

Rato phiñakojqa, runata maqanachin, pichus llamp'u sonqoyoj kajtaj, allinyachin.

Proverbios 20:3

Allinmin runapajqa ch'ajwaykunata saqenanqa, ch'ajwaytaqa mayqen wampupis qallarillan.

San Mateo 5:9

Kusikuyniyoj kanku allinyachejkunaqa, imaraykuchus paykunaqa Diospa wawasnin kanqanku.

Hechos 7:26

Q'ayantintaj Moisés rikorqa israelitas maqanakushajta. Allinyachiyta munaspataj paykunaman nerqa: Qhari masis, qankunaqa wauqes kankichej, imaraykutaj qankunapura maqanakushankichejri?

Romanos 12:10

Hermanos jina, tukuy sonqo munanakuychej, ujkuna ujkunata allimpaj qhawaspa.

Filipenses 2:14

Tukuy imata ruwaychej ama rimanakuspa, nitaj phiñanakuspa, ama k'amina kanaykichejpaj. Diospa wawasnin kaychej mana ch'ichiyoj, juchasapa sajra miraypa chaupimpi. Qankunaqa lliphipishankichej qoyllurkuna jina kay laqhayaj pachapi.

1 Tesalonicenses 4:9

Kunanqa, hermanopura munanakunamantaqa anchaña kanman escribimunayqa. Qankuna Diosmanta yachakorqankichej purajmanta munanakunaykichejta.

Hebreos 12:14

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

Hebreos 13:1

Hermanos ukhupi munakoyqa kallachumpuni.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Pedro 2:17

Tukuyta jatumpaj qhawaychej. Hermanosta munakuychej. Diosta manchachikuychej. Reytataj allimpaj qhawaychej.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.

1 Pedro 4:8

Ñaupajtaqa qankuna ukhupi munakuy kachun, imaraykuchus munakoyqa ashkha juchata pampachan.

1 Juan 4:7

Munakusqasníy, purajmanta munanakunachej. Munakoyqa Diosmantamin. Munakojqa Diospa wawan, Diostataj rejsin.

Jueces 9:26

Uj p'unchaypiri, Ebedpa wawan Gaal hermanosninwan Siquem llajtanta pasasharqa, chay llajtapi tiyakojkunamantaj allimpaj rijch'arqa.