Génesis 11:31 - Qheshwa Biblia DC

³¹ Tareqa caldeospa jallp'an Urmanta llojsiporqa, Canaán jallp'aman rinampaj, pusariykukuspa Abram wawanta, allchhin Lotta, ñojch'an Saraitawan. Rispataj Harán jallp'aman chayarqanku, chantaqa kikimpitaj tiyakorqanku.

DIOSPA QHELQACHISQAN DEUTEROCANONICAL

³¹ Chantá Terajqa churin Abramta, allchhin Lotta, chantá ñojch'an Saraitawan ima pusariykukuspa, Caldea suyupi, Ur sutiyoj llajtamanta riporqa, Canaán sutiyoj cheqanejman rinanpaj. Chaywanpis Jarán llajtaman chayaspa, chaypi tiyakoj qhepakorqanku.

DIOSPA QHELQACHISQ

³¹ Chantá Terajqa churin Abramta, allchhin Lotta, chantá ñojch'an Saraitawan ima pusariykukuspa, Caldea suyupi, Ur sutiyoj llajtamanta riporqa, Canaán sutiyoj cheqanejman rinanpaj. Chaywanpis Jarán llajtaman chayaspa, chaypi tiyakoj qhepakorqanku.

Génesis 11:31 ပူးပေါင်းရင်းမြစ်များ

Génesis 10:19

Cananeospa jallp'anku karqa Sidonmantapacha Gerarnejmanta Gaza llajtakama; chaymantaqa Sodoma, Gomorra llajtasnejmanta, Adma, Zeboimnejmanta Lasa llajtakama.

Génesis 11:32

Tareqa Harán jallp'api wañuporqa iskay pachaj phishqayoj watasniyoj.

Génesis 12:4

Abramtaj Harán jallp'amanta llojsiporqa Señorpa kamachisqanman jina; Lotpis paywan rerqa. Abramqa qanchis chunka phishqayoj watasniyoj karqa, Canaán jallp'aman ripushaspa.

Génesis 12:5

Pay riporqa warmin Saraita, sobrinon Lottawan pusariykukuspa. Jinallataj Harampi kashaspa mashkha runastachus jap'erqa chaytawan, tukuy imasnintawan apariykukuspa; Canaán jallp'amantaj chayarqanku. Chaymanta Abramqa rillarqapuni Siquem jallp'aman chayanankama, More vallepi maypichus encina sach'a karqa chayman. Chay jallp'aspitaj cananeos tiyakusharqanku.

Génesis 14:12

Abrampa sobrinon Lotpis Sodomapi tiyakushaspa jap'ichikullarqataj, payta presota aparqanku, jinallataj imanchá tiyaporqa chaytawan.

Génesis 15:7

Chaymanta nerqa: Noqa orqhomorqayki Caldea Ur llajtamanta, kay jallp'ata chayaqeykipaj qosunaypaj.

Génesis 24:10

Chaymantaqa patronnimpa sumachaj imasninta ajllaspa wakichikorqa chayta ama uyallanwan chayanampaj, jaywanampaj pi warmiwanchá tinkonqa chayman. Chanta ajllarqa chunka camellostawan. Chayman chajnariykukuytawan jap'ererqa Mesopotamiapi Nacor llajtaman.

Génesis 24:15

Kamachi manaraj Diosmanta mañakuyta tukushaspataj rikorqapacha Rebeca Betuelpa ususin p'uyñu lijrarikuspa jamushajta. Betuelqa karqa Nacorpa warmin Milcaj wawan, pichus karqa Abrahampa wauqen.

Génesis 27:43

Chayrayku wawáy, allinta uyariway: Ayqekuy turay Labampa wasinman; payqa tiyakun Harampi.

Génesis 28:10

Jacob Beersebamanta llojsispa Harán ñanta risharqa.

2 Reyes 19:12

Chay ujkuna nacionespa dioskunasninta tatasniy urmachishajtin kay llajtasta librarqankuchu, Gozanta, Haranta, Resefta Edenmanta kajkuna Telasarpi tiyakojkunata?

Nehemías 9:7

Qanqa Señor, Abramta ajllarqa chay Dios kanki. Qan orqhomorqanki Caldeospa llajtan Urmanta, suticharqankitaj Abrahamta.

Job 1:17

Chay runa manaraj willayta tukushajtin, uj runañataj chayaykamullarqataj, nispa: Kinsa t'aqa caldeos jamuytawan maqaykuwayku, michejkunasta espadawan wañurachinku, camellostataj tukuyninta qhatikapunku, noqallaña ayqekamuni qanman willasunaypaj.

Isaías 37:12

Ñaupa tatasniyku chay nacionesta chinkachishajtinku, Gozán llajtata, Harán llajtata, Resef llajtata ima, Dioskunasninkoqa aterqankuchu qhechuyta, chantá Telasarpi tiyakoj Edén runasta ima?

Hebreos 11:8

Creesqanrayku Abrahampis wajyasqa kaspa, chayaqepaj jap'inan jallp'aman llojserqa, mana yachaspa maymanchus rishasqanta.