Génesis 1:31 - Qheshwa Biblia DC

³¹ Dios rikorqa tukuy ima ruwasqanqa sumajpuni kasqanta. Ajinamanta junt'akorqa ch'isiyaywan sut'iyaywan sojta kaj día.

DIOSPA QHELQACHISQAN DEUTEROCANONICAL

³¹ Chantá Diosqa tukuy ima ruwasqan manchay sumajpuni kasqanta qhawarqa. Ajinaqa inti yaykuymanta q'ayantin inti yaykuykama, sojta kaj p'unchay karqa.

DIOSPA QHELQACHISQ

³¹ Chantá Diosqa tukuy ima ruwasqan manchay sumajpuni kasqanta qhawarqa. Ajinaqa inti yaykuymanta q'ayantin inti yaykuykama, sojta kaj p'unchay karqa.

Génesis 1:31 ပူးပေါင်းရင်းမြစ်များ

Génesis 1:13

Ajina ch'isiyaywan sut'iyaywan kinsa kaj día karqa.

Génesis 1:19

Ajina ch'isiyaywan sut'iyaywan tawa kaj día karqa.

Génesis 1:23

Ajina ch'isiyaywan sut'iyaywan phishqa kaj día karqa.

Génesis 1:5

Suticharqataj k'anchaytaqa p'unchay, nispa. Laqhatataj suticharqa tuta, nispa. Ajinamanta ch'isiyaywan sut'iyaywan ñaupaj kaj día karqa.

Génesis 1:8

Chay jark'achinata yakuta iskayman t'aqajtaqa suticharqa janaj pachata. Ajinamanta ch'isiyaywan sut'iyaywan iskay kaj día karqa.

Génesis 2:2

Qanchis kaj diapi, Diospa tukuy ima ruwanasnin tukusqaña kajtin, samarikorqa.

Génesis 2:3

Chaymanta qanchis kaj diata Dios bendicerqa, churanoqarqataj samarikuna diata, imaraykuchus Pay chay p'unchaypi samarikorqa tukuy imata ruwasqanmanta.

Job 38:7

mayk'ajchus qoyllurkuna takishajtinku, janaj pacha wawasniy kusikushajtinku?

Salmos 104:24

Señor, ruwasqasniykeqa may chhika. Tukuy imata yachayniykiwan ruwarqanki. Jallp'aqa ruwasqasniykiwan junt'a kashan.

Salmos 104:28

Qan mikhunata qonki, paykunataj pallakunku. Makiykita kicharinki, paykunataj allin kajwan sajsakunku.

Salmos 104:31

Diospa atiynenqa mana tukukunchu, ruwasqampitaj Señorqa kusikun.

Salmos 119:68

Qanqa k'acha kanki, sumaj kajtataj ruwanki. Kamachisqasniykita yachachiway.

Éxodo 20:11

Señorpis sojta p'unchaypi ruwarqa cielota, kay pachata, mar qochata, chay ruwasqasnimpi imaschus kashanku chaykunatawan. Qanchis kaj p'unchaypitaj samarikorqa, chayrayku Señorqa bendicerqa samarikuna p'unchayta, nerqataj payllapaj kasqanta.

Éxodo 31:17

Kayqa señal kanqa wiñaypaj israelitasmanta noqamantawan. Imaraykuchus Señorqa ruwarqa sojta p'unchaypi janaj pachata kay pachatawan, qanchis kaj p'unchaypitaj manaña imatapis ruwarqachu, manachayqa samarikorqa.

Proverbios 16:4

Señorqa kay tukuy imasta ruwan uj yuyayllawan; juchasapa runatapis uj p'unchay jasut'isqa kanampaj.

Eclesiastés 3:11

Diosqa tukuy imata tiempompi k'achituta ruwarqa. Payllataj runaj sonqonman wiñay kasqanta churarqa, qallariymantapacha Diospa ruwasqasninta allinta yachanampaj; chaywampis runaqa manapuni yachayta atinchu imaynamantachus kashasqankuta.

Lamentaciones 3:38

Tukuy sajra kaj, tukuy allin kajpis, manachu patapi kaj Diosmantapuni jamun?

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

1 Timoteo 4:4

Diospa tukuy ruwasqanqa walejmin. Mana qhesachanapajchu, sichus graciasta qospa mikhusun chayqa.

1 Timoteo 4:5

Diospa palabranrayku, mañakusqanchejraykutaj chaykunaqa llimphuchasqaña.