Ezequiel 22:3 - Qheshwa Biblia DC

³ Sutiypi paytaqa ninki: Señorqa kay jinata nin: Runa masiykita wañuchej llajta, qhasi mana kaj dioskunatataj ch'ichichakunaykipaj ruwakunki, chay p'unchayqa qampaj chayamonqaña.

DIOSPA QHELQACHISQAN DEUTEROCANONICAL

³ Chay llajtata ninki: Tukuyta Kamachej Tata Dios kay jinata nisunki: Qanpi tiyakojkunata wañuchej llajta kanki, lantikunatataj yupaychaspa ch'ichichakunaykipaj ruwakunki. Chayrayku jasut'isqa kanayki p'unchay chayamusonqa.

DIOSPA QHELQACHISQ

³ Chay llajtata ninki: Tukuyta Kamachej Tata Dios kay jinata nisunki: Qanpi tiyakojkunata wañuchej llajta kanki, lantikunatataj yupaychaspa ch'ichichakunaykipaj ruwakunki. Chayrayku jasut'isqa kanayki p'unchay chayamusonqa.

Ezequiel 22:3 ပူးပေါင်းရင်းမြစ်များ

2 Reyes 24:3

Cheqamanta kaykunaqa Señorpa nisqanman Judáj contrampi jamorqanku, Señorpa ñaupaqenmanta qhechusqas kanankupaj Manasespa juchasninrayku, tukuy ima sajrata ruwasqanmantawan.

2 Reyes 24:4

Mana juchayojkunaj yawarninta jich'aspa, Jerusalén llajtaman yawarwan junt'achisqanmanta. Chayrayku Señorqa manapuni perdonayta munarqachu.

Salmos 106:39

Ajinamanta paykunapis sapa ruwasqasninkuwan ch'ichichakorqanku, millay ruwasqankuwantaj qhenchachakorqanku.

Isaías 1:21

Sumajta purej llajta, imaraykutaj qhencha warmiman rijch'akunkiri? Ñaupajtaqa tukuy runasniyki allinta ruwaj kanku, cheqantataj kausaj kanku; kunanrí mana jinachu kanku, astawampis runa wañuchis kanku.

Ezequiel 12:25

Imaraykuchus noqa Señormin parlasaj, palabraytaj junt'akonqapacha. Mana kasukoj ayllu, qankunallataj chayta rikunkichej. Noqa parlasaj, nisqaytataj junt'asaj. Noqa Señormin chayta parlani.

Ezequiel 22:27

Kay llajtapi kurajkunaqa atojkuna jina jap'isqankuta t'unanku, yawarta jich'anku, runasta wañuchinku kapuyninkuta suwaspa qhapajyanankupaj.

Ezequiel 22:4

Runasta wañuchisqasniykiwan juchayoj rikhurinki, dioskunata ruwakuspataj ch'ichichakunki. Ajinamanta qanqa jasut'ina p'unchayta qayllachimunki, tukukunayki tiempotaj chayamunña. Runaswan noqa p'enqachisqayki, tukuy nacionespi tiyakoj runastaj asipayasonqanku.

Ezequiel 22:6

Israelpi kuraj runas, sapa ujninku atisqankuta runasta wañuchinapaj kallpachakunku.

Ezequiel 23:37

Paykunaqa qhenchachakorqanku, makisninkutaj yawarwan ch'ichichasqas kashanku. Qhasi mana kaj dioskunasninkuta yupaychaspa wasanchawarqanku. Noqapaj wawasta nacechikorqanku, chay wawasninkutapis ninawan enqhaspa dioskunasninkuman jaywarqanku.

Ezequiel 23:45

Chayrayku, cheqanta kausaj qharisqa, qhenchachakuy juchaspi purej warmista, runa wañuchi warmistapis ruwasqankuman jina juchachanqanku. Qhenchachakoj warmis kanku, runa wañuchistaj.

Ezequiel 23:7

Aholaqa asiriokunamanta aswan ajllasqa kajkunawan qhenchachakorqa. Paykunaj tukuy qhasi mana kaj dioskunasninkuta yupaychaspa ima qhenchachakorqa.

Ezequiel 33:25

Chayrayku paykunaman niy: Señorqa kay jinata nin: Qankunaqa aychata yawarnintinta mikhunkichej, lantista yupaychankichej, runastataj wañuchinkichej. Jallp'atapis jap'ikapuyta yuyallankichejtajchu?

Ezequiel 9:9

Señortaj kutichiwarqa: Israel aylloj juchanqa may jatumpuni, jinallataj Judajtapis. Kay jallp'aqa wañunachikuywan junt'a kashan. Llajtapis sajra ruwaykunawan junt'asqa kashan. Paykuna yuyanku noqa kay nacionta saqepusqayta, imatachus ruwasqankuta mana rikusqayta.

Miqueas 3:10

qankuna Diospa llajtan Jerusalenta ruwankichej wañuchinakuy, mana allin ruwaykunaj patampitaj.

Sofonías 3:3

Kamachejninkoqa qhapariykachaj leonkuna jina kanku. Juecesninkutaj, q'ayantimpaj ni uj tulluta puchuchej campo atojkunaman rijch'akunku.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.