Éxodo 9:27 - Qheshwa Biblia DC

²⁷ Chaymantaqa faraón wajyachimorqa Moisesta Aarontawan, nerqataj: Kunan kutipeqa juchata ruwani, jinallataj runasniypis, Señorqa cheqampuni.

DIOSPA QHELQACHISQAN DEUTEROCANONICAL

²⁷ Chaymanta faraonqa Moisesta, Aarontawan ima wajyachispa, nerqa: Juchallini. Tata Dios cheqanta ruwan, noqawan, llajta masiykunawantajrí juchayoj kayku.

DIOSPA QHELQACHISQ

²⁷ Chaymanta faraonqa Moisesta, Aarontawan ima wajyachispa, nerqa: Juchallini. Tata Dios cheqanta ruwan, noqawan, llajta masiykunawantajrí juchayoj kayku.

Éxodo 9:27 ပူးပေါင်းရင်းမြစ်များ

2 Samuel 12:13

Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

2 Crónicas 12:6

Israelmanta kurajkuna, chanta reypis reparakuspa juchayoj kasqankuta k'umuykukorqanku, nerqankutaj: Señorpa ruwasqanqa cheqampuni, nispa.

Salmos 129:4

Señorqa cheqampuni, juchasapaspa atipanawankumanta librawan.

Salmos 145:17

Señorqa tukuy imatapis ashkhatapuni ruwan. Tukuy ima ruwasqasnimpi khuyakuyniyoj.

Salmos 9:16

Señorqa runaswan rejsichikun, cheqanta ruwaspa. Sajra runataj kikin ch'ipa ruwasqallanwantaj ch'ipaykuchikun.

Éxodo 10:16

Chaymanta faraonqa usqhay usqhayta Moisesta Aarontawan wajyachimuspa nerqa: Noqa juchallini Señor Diosniykichejpa contranta, qankunaj contraykichejtawan.

Éxodo 10:17

Chayrayku kunanqa mañakuykichej juchasniyta perdonanawaykichejta kunan kutillaña. Kunanqa qankuna mañaychej ari Señor Diosniykichejmanta, kay wañuchej jasut'iyllatapis qhechunampaj.

Éxodo 8:25

Chaymanta faraonqa Moisesta Aarontawan wajyachispa, nerqa: Rispa Diosniykichejman rikuchikusta jaywamuychej mana kay jallp'amanta ripuspalla.

Éxodo 8:8

Jina kajtintaj faraonqa Moisesta Aarontawan wajyachispa nerqa: Señormanta mañaychej ari, k'aylankulasta chinkachinampaj, noqamanta, runasniymantawan karunchachispa, noqataj saqesaj israelitas llojsinankuta Señorman rikuchikusta jaywamunankupaj.

Lamentaciones 1:18

Señorqa cheqampuni, noqarí paypa contranta oqharikorqani. Kunanqa, runakuna, tukuy qhawaychej, rikuychejtaj imaynachus nanayniy kasqanta. Llimphu sipaskunasniywan, waynakunasniywan karuman apachisqas kanku.

Daniel (hebreo) 9:14

Chayraykumá, Señor, kay jasut'itaqa wakicherqanki, apachimuwarqaykutaj pataykuman. Qan, Señor Diosniyku, cheqan kanki tukuy ima ruwanaykipi, noqaykutaj mana uyarisuyta munarqaykuchu.

Números 21:7

Chaymanta israelitasqa maypichus Moisés kasharqa chayman rispa nimorqanku: Noqayku juchallikuyku ajinata parlaspa Señorpa contranta, qampa contraykitawan. Señormanta mañapuwayku ari, kay katarista noqaykumanta ithirichinanta!, nispa. Chaymanta Moisesqa Señormanta mañakorqa israelitasta perdonananta.

Números 22:34

Señorpa angelninmantaj Balaamqa nerqa: Noqaqa juchallikuni. Mana yacharqanichu qan noqata ñaupaqeypi sayaykuspa ñanmanta jark'amushawasqaykita, sichus qampaj mana allin chayqa, kaymanta kutipusaj ari, nispa.

San Mateo 27:4

Nerqataj: Juchallini mana juchayojta wañuyman entregaspa. Paykunataj nerqanku: Ima ruwanayku tiyan chaywanri? Qan chaytaqa imanaypis.

Romanos 2:5

Sinch'i, mana kasukoj sonqoyoj, Diosman mana kutirisqaykirayku qan kikiykipaj k'ajaj phiñakuyta tantashanki, k'ajaj phiñakuy p'unchaypaj; maypachachus Diospa cheqan kaj juicion rikuchisqa kanqa, chaypaj.

Romanos 3:19

Yachanchej, leypa tukuy nisqanta, leypi kajkunapaj churasqa kasqanta; tukuy runa ch'inyanampaj, mundontintaj Diospa ñaupaqempi juchachasqa rikhurinampaj.

Josué 7:20

Acantaj payman nerqa: Arí, cheqamanta noqa juchallikuni Israelpa Señornimpa contranta. Kay jinata ruwarqani:

1 Samuel 15:24

Chaypacha Saulqa Samuelman nerqa: Arí juchallini, Señorpa kamachisqasninta, niwasqaykitawan mana kasuta ruwaspa. Chaytaqa ruwarqani runasta manchachikuspa, imatachus mañawasqankuta uyarinayrayku.

1 Samuel 15:30

Saul kutichillarqataj noqa juchallini, nispa. Chaywampis mañakuyki tukuy israelitaspa ñaupaqempi, jinataj kurajkunaspa ñaupaqempipis allillampajpuni qhawanawaykita. Kutimuytaj, Señor Diosniykita noqawan yupaychamuna.

1 Samuel 26:21

Saultaj kuticherqa: David wawáy! Noqa juchayoj kani! Uj wampu runa jina kasharqani, may jatunta pantaspa! Chaywampis kutimpuy. Manaña chay sajra ruwayta qampaj mask'asajchu, kunan qan rikuchiwanki kausayniyta munakuywan jatumpi qhawasqaykita.