Éxodo 6:26 - Qheshwa Biblia DC

²⁶ Kaykuna karqanku Aaronwan Moiseswan, mayqenkunamanchus Señorqa nerqa israelitasta orqhomunankuta Egipto jallp'amanta, ashkha soldadosta jina.

DIOSPA QHELQACHISQAN DEUTEROCANONICAL

²⁶ Ñawpajpi listasqa karqanku, chay Aaronta, Moisestawan ima Tata Dios kamacherqa israelitakunata soldadokunata jina Egiptomanta orqhomunankuta.

DIOSPA QHELQACHISQ

²⁶ Ñawpajpi listasqa karqanku, chay Aaronta, Moisestawan ima Tata Dios kamacherqa israelitakunata soldadokunata jina Egiptomanta orqhomunankuta.

Éxodo 6:26 ပူးပေါင်းရင်းမြစ်များ

Génesis 2:1

Ajinata janaj pachata, kay pachatapis, chaypi kajkunatawan Dios ruwayta tukorqa.

1 Crónicas 6:3

Amrampa wawasnintaj karqanku: Aarón, Moisés, María ima. Aarompa wawasnintaj karqanku: Nadab, Abiú, Eleazar, Itamar ima.

Salmos 77:20

Ovejasta jina llajtaykita pusarqanki, Moisesnejta, Aaronnejtataj.

Salmos 99:6

Moiseswan, Aaronwampis sacerdotesninmanta kanku; Samuelpis Diospa sutinta wajyakojkunamanta kashan. Paykuna Señorta wajyakoj kanku, paytaj uyarej.

Éxodo 12:17

Mana levadurayoj t'anta mikhuna p'unchayta waqaychankichej, imarayuchus chay p'unchaypi ñaupa tatasniykichejta Egipto jallp'amanta orqhomorqani. Chayrayku kay p'unchaytaqa sumajta yuyarikuspa waqaychankichej uj leypis churasqa kanman jina sapa kuti kayta ruwanapaj; ajinata wiñaypaj mirayniykichejmanta miraynintinkama.

Éxodo 12:41

Mayk'ajchus tawa pachaj kinsa chunkayoj watas junt'akorqa, chay kikin p'unchayllataj Señorpa soldadosnin Egiptomanta llojsiporqanku.

Éxodo 12:51

Chay kikin diallataj Señorqa orqhorqa Egiptomanta israelitaspa soldadosninta.

Éxodo 13:18

Chayrayku Diosqa israelitasta muyurichimorqa ch'in pampannejta, puka mar qochaman rej ñannejta. Israelitasqa Egiptomanta sumaj wakichisqas llojserqanku maqanakunankupaj soldados jina.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Éxodo 32:1

Israelitastaj chaykama, Moisés Sinaí orqomanta mana usqhayta uraykamojtin, tantakuytawan Aaronman qayllaykuspa nerqanku: Kunanqa dioskunata ruwapuwayku ari ñaupaqeykuta rinankupaj. Imaraykuchus Egipto jallp'amanta orqhomuwarqayku chay Moisesqa imanakunchus mana rikhurimunchu.

Éxodo 32:11

Moisestaj chayta uyarispa Señor Diosninmanta mañakorqa, nispa: Señorníy, imaraykutaj qan paykunapaj k'ajaj phiñakuyniykita rikuchiwajri, israelita runasniykej contrampiri, mayqentachus Egipto jallp'amanta manchay kallpawan, atiywantaj orqhomusqaykipajri?

Éxodo 32:7

Señortaj Moisesman nerqa: Kunanqa riy, uraykuy, imaraykuchus Egiptomanta orqhomusqayki runasqa millayta juchallikunku.

Éxodo 6:13

Chaymanta Señorqa Moisestawan Aarontawan kacharqa israelitasman, rey faraonmanwan nimunankupaj, paykuna israelitasta Egipto jallp'amanta orqhonankupaj kamachisqas kasqankuta.

Éxodo 6:20

Amramqa casararqa tian Jocabedwan, wawasninkutaj karqanku Aaronwan, Moiseswan. Amramqa kausarqa pachaj kinsa chunka qanchisniyoj watasta.

Éxodo 6:7

Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

Éxodo 7:4

Faraonqa mana uyarisonqachejchu, noqataj atiyniyta rikuchisaj Egiptopi, soldadosniyta orqhokapusaj, aylluyta, Egipto jallp'amanta ashkha jasut'iykunata rikuchispa.

Miqueas 6:4

Noqa Egiptomanta orqhorqayki, kamachi kashajtiyki librarqayki; Moisesta, Aaronta, Mariatapis kachamorqayki pusanasuypaj.

Números 33:1

Kaykuna karqanku israelitaspa jarakusqasninku, Egiptomanta llojsimusqankumantapacha, soldados jina. Paykunatataj pusarqanku Moiseswan Aaronwan.

Josué 24:5

Chaymantaj chaypi kashajtinku Moisestawan Aarontawan kacharqani. Chaypachataj egipciostaqa wañuywan jasut'erqani, chay chaupinkumanta qankunata orqhomunaykama.

1 Samuel 12:6

Chay jawa Samuelqa nillarqataj Israel aylluman: Señorqa jataricherqa Moisestawan Aarontawan, paykunanejtataj Egiptomanta ñaupa tatasniykichejta orqhomorqa.

1 Samuel 12:8

Maypachachus Jacob aylluntin ima Egiptoman uraykorqanku chaypachaqa, Egipto runastaj paykunata ñak'aricherqanku, ñaupa tatasniykichejtaj Señorman llakiyninkuta willakorqanku, Señortaj kacharqa Moisesta Aarontawan. Paykunataj ñaupa tatasniykichejta chay Egipto jallp'amanta orqhomorqanku, kay jallp'amantaj churarqanku.