Éxodo 6:1 - Qheshwa Biblia DC

¹ Diostaj Moisesman nerqa: Kunanraj rikunki imatachus faraonman ruwasaj chayta. Imaraykuchus paymantaqa sinch'i kallpawampuni kacharichisqaykichej chaymanta ripunaykichejpaj, jinallataj paypis may phiñasqa kacharisonqachej.

DIOSPA QHELQACHISQAN DEUTEROCANONICAL

¹ Chantá Tata Dios Moisespa mañakusqanta uyarispa, nerqa: Faraonwan imatachus ruwasqayta kunan rikunki. Sinch'ita payta mat'iykojtiyraj, pay kacharisonqachej. Arí, pay kikin ripunaykichejta nisonqachej, nispa.

DIOSPA QHELQACHISQ

¹ Chantá Tata Dios Moisespa mañakusqanta uyarispa, nerqa: Faraonwan imatachus ruwasqayta kunan rikunki. Sinch'ita payta mat'iykojtiyraj, pay kacharisonqachej. Arí, pay kikin ripunaykichejta nisonqachej, nispa.

Éxodo 6:1 ပူးပေါင်းရင်းမြစ်များ

2 Reyes 7:19

Achay jinata Eliseoj nisqanmantaj reypa yanapajnenqa kuticherqa: Sichus Señorqa janaj pachapi ventanasta kicharinman chayqa, ajinachá kanman, nispa. Eliseotaj nerqa: Kaytaqa kunan qan ñawisniykiwan rikunki. Chaywampis chaytaqa mana mikhunkichu.

2 Reyes 7:2

Reypa yanapajnintaj Diospa runanman nerqa: Sichus Señorqa janaj pacha ventanasta kicharinman chayqa, qampa nisqaykiman jinachu kanman? Paytaj nerqa: Kayqa kunan qan ñawisniykiwan rikunki. Chaywampis chaymantaqa mana qanqa mikhunkichu.

2 Crónicas 20:17

Kay kutipeqa manamin qankunachu maqanakunkichej. Chaynejpi allinta sayakuychej, kakullaychej mana kuyukuspa, rikunkichejtaj imaynatachus Señor qankunata librasusqaykichejta. Jerusalempi, jinataj Judapi tiyakojkuna runas ama manchachikuychejchu, nitaj kharkaychejchu, q'ayapacha riychej paykunawan maqanakoj, Señorqa qankunawan kashan.

Salmos 12:5

Señorqa kay jinata nin: Pisi kallpayojkunaqa saruchikunku, wajchasrí nanaywan waqakunku, noqataj jatarikuspa yanapasaj, imaraykuchus chayta chhikata suyashanku.

Salmos 12:6

Señorpa qosqayki nisqan, palabrasqa ch'uwa llimphuchasqa qolqe jina, mayqenchus qanchis kutita ninapi ch'uwachasqa.

Salmos 136:12

atiyniyoj makinta aysarerqa, khuyakuynin wiñaypaj kasqanrayku;

Salmos 89:13

Makisniyki sinch'i atiyniyoj, Paña makiykeqa kallpayoj, atipantaj.

Éxodo 11:1

Señorqa ujtawan Moisesman nillarqataj: Uj jasut'iytawan faraonman, Egipto runasmanwan apamusaj. Chaymantaraj qankunata kaymanta rejta saqesonqachej. Cheqamanta tukuyniykichejta kaymanta qharqosonqachej, pay kikin usqhay usqhayta wijch'usonqachej.

Éxodo 12:31

Chay tutapacha faraonqa Moisesta Aarontawan wajyachimuspa nerqa: Llojsiychej kaymanta, t'aqakuychej runasniymanta qankuna, israelita masisniykichejwan khuska. Rispa Señorta yupaychamuychej, qankuna nisqaykichejman jina.

Éxodo 12:33

Egipto runasqa usqhay usqhayta israelitasta yanaparqanku chay jallp'ankumanta usqhayta ripunankupaj; imaraykuchus nerqanku mana riponqanku chayqa, tukuyninchej wañurasunchej, nispa.

Éxodo 12:39

Chaypitaj ruwakorqanku Egiptomanta mana levadurayoj masasta orqhosqankumanta tortillasta. Ajinata Egiptomanta apurasqata llojsishajtinku egipciospata mana tiemponku karqachu israelitaspaj qoqawitapis wakichipunankupaj.

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Éxodo 13:16

Chayrayku makiykichejpi, ñawiykichej patapi ima, uj señal imamantapis kajtin, chaymanta yuyarikunaykichejpaj. Ajinamanta yuyarikunkichej kay rikuchikuta jaywajta rikuspa, Egiptomanta Señor may atiyninwan ñaupa tatasninchej israelitasta orqhomusqanta.

Éxodo 13:3

Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

Éxodo 13:9

Kayqa kanqa makiykichejpi uj señal jina, mayk'ajpis ñawiykichej patapi k'asqasqa kajtin yuyarikunaykichejpaj, Señorpa leynin simiykichejpi kanampaj, Señor may jatun atiyninwan Egiptomanta orqhomusqasuykichejta.

Éxodo 14:13

Moisestaj paykunaman nerqa: Chaymantaqa ama mancharikuychejchu, sumajta sayaychej, rikunkichej Señor imatachus ruwanqa qankunata libranasuykichejpaj; imaraykuchus kunallanña egipciospa uyasninkuta rikushankichej, kaymanta qhepamanqa ni jayk'aj rikunkichejñachu.

Éxodo 15:6

Señor, paña makiykeqa may kallpasapa, atiyniyojtaj. Chay paña makiyki enemigota phirita ruwan.

Éxodo 7:4

Faraonqa mana uyarisonqachejchu, noqataj atiyniyta rikuchisaj Egiptopi, soldadosniyta orqhokapusaj, aylluyta, Egipto jallp'amanta ashkha jasut'iykunata rikuchispa.

Éxodo 7:5

Chaymantaraj Egiptopi atiyniyta rikuchejtiy, egipciosqa yachanqanku noqa Señorqa kasqayta, paykunaj chaupinkumanta israelitasta orqhomusqaymanta.

Isaías 63:12

Maytaj kunan Moisespa ñaupaqenta atiynimpa k'anchayninwan pusakorqachej chayri; pichus paykunaj ñaupaqempi yakuta iskayman t'aqarqa chayri, ajinamanta atiyniyoj kasqanta wiñaypaj rikuchejri?

Números 11:23

Señortaj payman kuticherqa: Atiyneyqa pisichu? Kunanqa rikunki kay parlasqayta junt'asajchus manachus chayta.

Números 23:23

Jacobpa contranta Israelitaspa contranta ima sajrata ruwaypis mana kanchu; layqeriosqa mana imananchu israelitastaqa. Israelitasmanqa kunan nina allin kashan: Mashkha imastataj Señorqa qampaj ruwarqa!

Hechos 13:17

Kay aylloj Diosnin, ñaupa tatasninchejta ajllarqa. Egiptopi waj llajtayoj jina tiyashajtinku, paykunata jatunyacherqa. Diostaj atiyninwan Egiptomanta orqhomorqa.

Deuteronomio 32:39

Yachaychej noqalla Dios kasqayta. Yachallaychejtaj mana waj dios kasqanta. Noqalla kausayta qoni, qhechunitaj. Noqalla nanachini, thañichinitaj. Ni pipis noqaj makiymanta kacharikuyta atinchu.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?